Атлантика океанида 63 нафар муҳожир ҳалок бўлгани тахмин қилинмоқда
Тахминларга кўра, июль ойи бошида Сенегал қирғоқларидан чиқиб кетган ва 14 август куни Кабо-Верде яқинида топилган каноэда 63 муҳожир ҳалок бўлган. Бу ҳақда Халқаро миграция ташкилотига таяниб Le Figaro хабар берди.
38 киши, жумладан, 12 ёшдан 16 ёшгача бўлган тўрт нафар бола тирик қолган.
Кема душанба куни Атлантика океанида Кабо-Верденинг Сал оролидан тахминан 277 км узоқликда испан балиқ овлаш кемаси томонидан пайқаб қолган ва бу ҳақда Кабо-Верде ҳукуматини огоҳлантирган.
Қутқарувчилар омон қолган 38 кишидан ташқари яна етти кишининг жасадини топди. Омон қолганларнинг сўзларига кўра, кема 10 июль куни Сенегал соҳилидаги Фасс-Бойе бортида 101 йўловчи билан жўнаб кетган. Шундай қилиб, 56 киши бедарак йўқолган.