Габонда тўнтаришни амалга оширган ҳарбийлар мамлакатга янги раҳбар тайинлашди
Габонда давлат тўнтаришини амалга оширган ҳарбийлар ўтиш даврида мамлакат раҳбари генерал Брис Олигуи Нгуема бўлишини эълон қилди. Бу ҳақда кеча, 30 август куни кечқурун улар миллий телеканалнинг жонли эфирида айтиб ўтди.
Ушбу маълумотларга кўра, Нгуема Габон Республика гвардияси бош қўмондони, шунингдек, мамлакатнинг ағдарилган президенти Али Бонго Ондимбанинг амакиваччаси ҳисобланади.
Аввалроқ Габондаги ҳарбий гуруҳ жамоат телевидениеси орқали 14 йилдан бери ҳокимиятда бўлган ва 26 август куни учинчи муддатга қайта сайланган президент Али Бонгонинг истеъфога чиқарилишини эълон қилгани хабар қилинганди.
Айни пайтда давлат тўнтариши ташкилотчилари сайлов натижаларини ҳақиқий эмас деб эълон қилди, барча ҳокимият институтларини тарқатиб юборди ва кейинги огоҳлантиришгача мамлакат чегараларини ёпиб қўйди.