"Челси" дебютанти Жесси Дерри майдонни замбилда тарк этди
"Челси"нинг ёш футболчиси Жеймс Дерри "Ноттингем Форест"га қарши Премьер-лига дебютида жиддий бош жароҳати олди. У майдондан замбилда олиб чиқилди ва унга кислород берилди. Бу ҳақда Goal.com хабар беради.
Бу ҳолат "Стемфорд Бриж" стадионида катта хавотир уйғотди.
Дерри ўйиннинг дастлабки дақиқаларида "Ноттингем Форест" ҳимоячиси Зак Эббот билан тўқнашиб кетди. Эббот тўпга сакраганида, унинг боши Деррининг бошига тегди.
Натижада иккала футболчи ҳам майдонга йиқилди.
Тиббиёт ходимлари Деррига майдоннинг ўзида ўн дақиқадан кўпроқ вақт давомида ёрдам кўрсатишди. Унинг ҳолати жамоадошларини ҳам хавотирга солди.
Дерри майдондан олиб чиқилаётганда, иккала жамоа мухлислари ҳам уни қўллаб-қувватлаб қарсак чалишди.
Ўйин давом этгач, Коул Палмер пенальтини амалга оширди, аммо дарвозабон Матс Селс зарбани қайтарди. "Челси" бу учрашувда 3:1 ҳисобида мағлуб бўлди ва турнир жадвалида тўққизинчи ўринга тушиб кетди.
