Нацистские действия любимчика министра здравоохранения директора ЦОВП Кара-Суйского района Кадыра Аталиева
КР Президенти, Коопсуздук Кеңешинин башчысы С.Н. Жапаровго
КР УКМК төрагасы К.К. Ташиевке
Биз Кара-Суу райондук ЖДПБ директору К. Аталиевдин мыйзамсыз аракеттери жөнүндө Сиздин атынызга 10.03.2023 ж. арыз менен кайрылганбыз. Бирок, Аталиев тергөө жыйынтыгын күтпөй, мыйзамсыз бизди коркутуу максатында Токторалиеванын жеке үйүнө 14.03.2023 жылы кечки саат 19.30 да мыйзамсыз бастырып кирип (КР КЖК 194 бер. 1 бөл), О. Токторалиеваны коркутууп, оозго алгыс сөздөр менен согуп, тилдеген. К. Аталиев өзунүн мыйзамсыз аракеттерин, бейбаштыгын 1 саат бою, анык айтканда кечки саат 20.30 га чейин уланткан.
Мурда биз К. Аталиевдин жеке кабылында болуп, медициналик мекемени мыйзамсыз жабууну токтотуп, андан коро төрөт үйүнө тез жардам машинасын жана медициналык аспаптарды алып берүүнү сурансак, К. Аталиев: “Силер сарттарга болушпагыла, ал жерде сарттар төрөйт экен, мен ал төрөт үйүн жабам”-деп айткан. Биз К. Аталиевге түшүнтүрсак-да, аныкы гана туура, биз болсо туура эмес. экенбиз, себеби биз сарттарга болушуп жатабыз экен.
Бирок, 14.03.2023 ж. К. Аталиевдин кызмат абалынан кыянаттык менен пайдаланып, мыйзамсыз аракеттери, бейбаштыгы О. Токторалиеванын жеке үйүнө келип, коркутуп, шантаждаганы бардыгынан ашып түштү. Көп улуттуу Кыргызстанда улутчул К. Аталиев жетекчи болууга эч кандай акысы жок. Мындай бейбаш, улутчул адам жетекчи эмес, пол жууганда дагы улуттук коопсуздугубузга, эл биримдигине жана ынтымагыбызга чоң коркунуч жаратат. Себеби, К. Аталиев провокациялык сөздөрүндө улуттар аралык кастыкты козуткан: “Сарттарга болушпагыла, мен сарттардын төрөт үйүн жабам”-деп бир нече жолу кайталап, О. бизге эскертүү берген. Биз К. Аталиевден: “Жогору жакта анын мыйзамсыз аракеттеринен кабары барбы?” - деп сураганыбызда, К. Аталиев: “Кабары бар”-деп жооп берет. Биз бир нече жолу К. Аталиевден улуттар аралык кастыкты козутпай, мыйзам чегинде иштөөнү талап кылганбыз. Себеби КР Президенти С.Н. Жапаров Өзбекстан менен тышкы экономикалык байланыштарды комплекстуу өнүктүрүп жатат. Бул сөздөрүнуз улуттар аралык кастыкты козутуп жатат, андан сырткары Президенттин саясатына каршы десек-де, К. Аталиев: “Жүз адам жүз жолу жазсаңыз дагы, колунардан эчтеке келбейт. Керек болсо саламаттык сактомм министри аркылуу жаптырам, тийиштуу мыйзам да табам. Мен сарттардын төрөт үйүн жабам, силерди мээнер жетпейт, сарттарга болушпагыла” – деп кайра-кайра сүйлөп, өзү гана акылдуу, бизди болсо келесоо кылып көрсөткөн. Ал да жетпей, О. Токторалиеванын күйөөсүна асылып: “Сиз аялынызды башкарсаныз болбойбу? Эмне аны көчөгө чыгарып койдунуз?”-деп провокациялык суроолорду берип, анын алдында О. Токторалиеваны коркутуп, оозго алгыс сөздөр менен согуп, тилдеп, шантаждаган. К. Аталиев мындай мыйзамсыз аракети менен балким О. Токторалиеванын күйөөсү провокацияга берилип, К. Аталиевди согуп, тилдешин күткөн. Бирок, О. Токторалиеванын күйөөсү оорукчан, 2 тайпадагы майып болгондуктан жооп берүүгө да алы жеткен эмес. К. Аталиевдин мыйзамсыз аракеттеринен улам О. Токторалиева жана анын 2 тайпадагы оорукчан майып күйөөсүү Э. Алматов стресске дуушар болушуп, каттуу оорушуп, давлениелары ашып кеткен.
Суроо туулат мындай улутчул, бейбаш, Президенттин саясатын түшүнбөгөн жана анын мамлекеттик саясатына каршы болгон адам кандай кылып жана ким аны жетекчиликке дайындаган? Себеби К. Аталиевдин пикири боюнча төрөт үйүндө өзбектер туулса, аны сөзсүз жабуу керек. К. Аталиевдин мыйзамсыз аракеттери Оорулууга медициналык жардам көрсөтүүгө милдеттүү жана ага мүмкүнчүлүгү бар болгон медициналык кызматкердин жүйөсүз себептер боюнча мындай жардам көрсөтпөй коюусу, ошого тете медициналык кызматкердин кесиптик милдеттерин жеңил ойлуулуктук же этибарга албоонун айынан аткарбоосу же талаптагыдай эмес аткаруусу этиятсыздыктан олуттуу же оор залал келтириши (КР КЖК 146 бер. 2 бөл.) мүмкүн келечекте.
Дагы суроо К. Аталиев КР Президентинин гендердик саясатына, аялдардын тең укуктулугуна, аялдардын кыргыз саясаттагы ордуна каршы чыгып жатса, анда ал жетекчилик кызмат ордунда эмне кылып жатат? Ал кызмат ордун сөзсүз тапшырышы керек.
К. Аталиевдин кабары болбосо керек, деп биз К. Аталиевке бир нече жолу кайталап, айттык: “Өзбектер дагы Кыргызстан жарандары, алар дагы төрөйт, медициналык кароого муктаж, алар дагы салык төлөшөт, конституциялык укуктары БУУнун улуттук азчылыктарды коргоо боюнча конвенциясы жана КР Президенти тарабынан кепилденген”-деп. Бирок, К. Аталиев үчүн анын гана пикири туура, калгандардын, анын ичинде КР Президенти С.Н. Жапаровдун пикири болсо туура эмес экен. КР Президенти С.Н. Жапаровдун демилгеси менен аялдардын кыргыз саясатындагы ордун жогорулатуу максатында депутаттыкка аялдар квотасы киргизилген. Бирок, К. Аталиев О. Токторалиеванын күйөөсүна асылып: “Сиз аялынызды башкарсаныз болбойбу? Эмне аны көчөгө чыгарып койдунуз? Аялынызды мээси жетпейт, сарттарга болушпасын”-деп бир нече жолу кайталаган. Суроо туулат врач К. Аталиев кыргыз аялдарын мээси жетпейт - деп айтууга акысы барбы? Ага саламаттык сактоо министри, кыргыз аялдарын кордош үчүн ошондой укук берип, ишке дайындаганбы? Анын врачтык этикасы кайда? Же аны врачтык этикасы жөнүндө түшүнүгү жокпу? Ал кызмат ордунда ЖДПБ кызматкерлерине жана оорулуларга дагы ошондой бейбаштык жана улутчулдук кылабы? Аны тергөөдө аныктоо зарыл.
К. Аталиевдин мыйзамсыз аракеттеринде кылмыш белгилери бар жана КР КЖК 330 бер. 2 бөл. 2 п. менен Этностук, улуттук кастыкты (араздашууну) козутууга, улуттук ар-намысты кемсинтүүгө багытталган аракеттер, ошого тете жарандардын улуту таандыктыгы боюнча бөтөнчөлүгүн, артыкчылыгын же кемчиликтерин пропагандалоо кызмат абалынан пайдалануу менен; КР КЖК 189 бер. 1 бөл. менен Адамдын тең укуктуулугун бузуу, тактап айтканда жынысына, улутуна, тилине, майыптыгына, этностук таандыктыгына, саясий же башка ишенимдерине, тегине, мүлктүк же башка абалына жараша укуктарды түз же кыйыр чектөө же болбосо түз же кыйыр артыкчылыктарды белгилөө этиятсыздыктан олуттуу залал келтирүү менен жасалса, КР КЖК 280 бер. 1 бөл. менен Бейбаштык, башкача айтканда зомбулук кылуу, же болбосо аны колдоном деп коркутуу менен, же болбосо кара ниеттиги менен айырмаланган орунсуз аракеттерди жасоо, же өмүргө жана ден соолукка коркунучтуу эмес зомбулукту колдонуу, же аны колдоном деп коркутуу менен коштолгон коомдук тартипти жана жалпыга бирдей жүрүм-турум ченемдерин атайылап бузган аракеттер, КР КЖК 194 бер. 1 бөл. менен Адамдын жеке менчигинде же башка укугунда турган турак жайга же башка объекттерге анын эркине каршы мыйзамсыз кирүү, КР КЖК 337 бер. 4 бөл. менен Кызмат адамы тарабынан өз кызмат абалын кызматтын кызыкчылыктарына каршы пайдалануусу, атайылап же этиятсыздыктан олуттуу залал келтирсе, жоопкерчиликтүү абалды ээлеген кызмат адамы тарабынан жасалган жосундар, КР КЖК 338 бер. 3 бөл. менен Кызмат адамы тарабынан же анын буйругу боюнча, анын айтканы же макулдугу менен анын ыйгарым укуктарынын чектеринен чыккан, жооптуу абалды ээлеген кызмат адамы тарабынан жасалган жосундар менен квалификацияланат.
Албетте К. Аталиев мындай мыйзамсыз аракеттерди өзүнөн-өзү кылбаган, аны ошого түрткөн кызмат адамдары болушу мүмкүн, ал үчүн тергөөчү анын телефон сүйлөшүлөрүн распечаткасын текшеруусу зарыл. Себеби, 14.03.2023 ж. КР Саламаттык сактоо министри Г. Баатырова Жалал-Абад облусуна келген. Жогоркулардын негизинде Сизден суранабыз:
1) Кара-Суу райондук ЖДПБ директору К. Аталиевди иштен алып, КР КЖК 146 бер. 2 бөл., 330 бер. 2 бөл., 189 бер. 1 бөл., 280 бер. 1 бөл., 194 бер. 1 бөл., 337 бер. 4 бөл., 338 бер. 3 бөл. менен кылмыш жоопкерчиликке тартуунузду.
2) Аталиевди кылмыштуу аракеттерге түрткөн кызмат адамын, кылмыш өнөктөшүн аныктоо максатында анын телефон сүйлөшүлөрүн распечаткасын тергөө мезгилинде текшерип берүүнүздү.
3) Тергөө мезгилинде К. Аталиевдин колдоочуусу министр Г. Баатырованы кызматынын убактылуу четтетип берүүнүздү.
Кызыл-Кыштак айылдык кеңешинин депутаттары О.Д. Токторалиева
Г.М. Мирзакаримова, 16.03.2023 ж.