Ленар Сафинны КФУ ректоры итеп билгеләү турында боерык имзаланган – мәгълүмат чаралары
Ленар Сафинны Казан федераль университеты ректоры вазыйфасына раслаганнар. Аның билгеләнүе турындагы боерыкка инде кул куелган, дип хәбәр итә «БИЗНЕС Online» порталына сылтама белән «Татарстан 24» каналы.
Басма мәгълүматлары буенча, Ленар Сафин тиздән Россия хөкүмәте башлыгы канцеляриясеннән китәчәк. Соңгы килештерүләр бу атнада узган.
Исегезгә төшерәбез, мартта Казан федераль университетының Күзәтчелек советы, чираттагы утырыш барышында, югары уку йорты ректоры вазыйфасына Татарстаннан сенатор кандидатурасы Ленар Сафинны тәкъдим итте. Бу хакта университетның матбугат хезмәтендә хәбәр иткән иделәр.
- 2010 елның 22 апреленнән Ленар Сафин Татарстан Республикасы транспорт һәм юл хуҗалыгы министры булып билгеләнгән иде.
- 2020 елның 18 сентябрендә Ленар Сафин Татарстаннан Россия Федерация Советына сайланган иде.