Татарстан трассасында җиңел машиналар бәрелешкән – ике кеше һәлак
Татарстанның Алексеевск районында Алексеевск – Биләр трассасының 14 нче чакрымында «Лада Гранта» автомобиле йөртүчесе алдагы машинаны узарга теләгән һәм каршы яктан килүче «Mazda» автомобиле белән бәрелешкән. Бу хакта «Татар-информ» агентлыгы хәбәр итә.
Юл-транспорт һәлакәте нәтиҗәсендә 2 машина йөртүче дә алган җәрәхәтләрдән урында ук үлгән. «Mazda» автомобиленең 10 яшьлек пассажиры зыян күргән.
Хәлне ачыклау өчен, вакыйга урынына Алексеевск районы прокуроры урынбасары Наталья Худякова килгән.