Татарстанда ничә миллиардер яши?

2024 ел нәтиҗәләре буенча Татарстанда 37 миллиардер теркәлгән. Бу – үткән ел белән чагыштырганда 7гә күбрәк. Бу хакта Министрлар Кабинетында узган брифинг барышында Россия Федераль салым хезмәтенең Татарстан буенча идарәсе җитәкчесе Марат Сафиуллин хәбәр итте.

«Бездә бай кешеләр саны елдан-ел даими арта. 2023 ел нәтиҗәләре буенча 30 миллиардер иде, ә 2024 елда инде – 37 миллиардер. Шулай булгач, тулаем хәлле кешеләрнең муллыгы һәм аларның саны арта бара», – диде Сафиуллин.