Татарстанда 4 миллион тоннадан артык ашлык суктырганнар – кайда күпме җыйганнар
Татарстан районнарында урып җыю эшләре бара. 12 сентябрьгә 4 млн 150 мең тонна ашлык суктырылган, уртача уңдырышлылык гектарыннан 38,7 га тәшкил итә. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
Тәтеш районының кайбер хуҗалыкларында уңдырышлылык 51 ц/га тәшкил итә. Әтнә районында 49,0 ц/га, Аксубай һәм Кукмара районнарында 47,8 ц/га, Балтач һәм Мамадыш районнарында 46,7 ц/га һәм 45,1 ц/га.
Аксубай районында урып-җыю тәмамланган, алар 115 мең тонна ашлык җыйган.