Новости Казани
Мы в Telegram
Добавить новость
Главные новости Менделеевска
Менделеевск
Май
2024
1
2
3 4
5
6 7 8 9 10
11
12 13 14 15 16 17
18
19 20
21
22 23 24 25 26 27 28 29 30 31

«450 меңнән башлап 1 миллионга кадәр»: Сабантуйларда кайсы җырчы күпмегә чыгыш ясый?

0
«450 меңнән башлап 1 миллионга кадәр»: Сабантуйларда кайсы җырчы күпмегә чыгыш ясый?

«Интертат» җырчыларны кайсы шәһәр, район Сабантуйларында күреп булачагын һәм аларның бәяләрен белеште.

Милли бәйрәмебез Сабантуйларга да ерак калмады. Оештыручыларның да төн йокылары качкандыр инде. Ничек шәп итеп уздырырга, кайсы артистны чакырырга, ничек акча җиткерергә? Гастроль турларын тәмамлаган җырчылар да «урак өстенә» әзерлекне башлады. Күбесе шушы арада гына җылы якларда ял итеп кайтты, кайсылары әле дә Таиланд һәм Төркия пляжларында арка кыздыра, көч җыя.

Чыннан да, соңгы вакытта җырчылар Сабантуйларның «йөзенә» һәм, бай спонсорлары булмаган очракта, шактый зур чыгымнар таләп итә торган өлешенә әверелде. Әлеге бәйрәмнең дәрәҗәсе һәм шәп узуы никадәр популяррак артист килеп җырлавы һәм бүләкләр саллылыгына карап бәяләнә.

«Интертат» хәбәрчесе быел артистларны кайсы район-шәһәр Сабан туенда күреп булачагын һәм аларның чыгыш ясавы хакларын белеште. Дөрес, әлеге уңайсыз сорауга җавап бирүдән баш тартучы җырчылар да күп булды. Шуңа күрә, игътибарыгызга ачыклый алган кадәрлесен тәкъдим итәбез.

«450 –500 мең сумнан башлап 1 миллионга кадәр»

Салават Фәтхетдинов 8 июнь көнне Бөгелмә, 15 июнь көнне Чаллы Сабантуйларына килә. Шулай ук Пермь яклары белән дә сөйләшүләр бара.

Концерт директоры Марсель Имамов әйтүенчә, Салават Зәкиевич бәйрәмгә төркеме белән 1 сәгатьлек программа алып килә. Марсель җырчы куйган бәяне әйтүдән баш тартты. «Оештыручыларның да теләген искә алып, финанслар буенча бер сүз дә сөйләмим», – диде ул.

Фото: © «Татар-информ» архивы

Гүзәл Уразованы 9 июнь көнне Әлмәт, 9 июньдә Азнакай Сабан туенда, 15 июнь көнне туган яклары – Барда Федераль Сабантуенда күрү мөмкин булачак.

«Гүзәл Уразованың чыгышлар ясау бәясе төрле. Мөмкинлеге булганда ул бушлай да җырлый. Мәсәлән, 26 май көнне Лениногорскидагы хәйрия концертында, 1 июнь көнне «Татнефть Арена»да Балаларны яклау көненә багышланган чарада гонорарсыз җырлаячак.

Сабантуйларга килгәндә, бәяне ара ераклыгы, вакыты, урынына карап билгелибез. Һәрхәлдә, 450–500 мең сумнан башлап 1 миллионга кадәр дип яза аласыз. Программасы 1 сәгать», – дип сөйләде «Интертат»ка җырчының концерт директоры Руслан Нигъмәтуллин.

Фото: © «Татар-информ» архивы

Фирдүс Тямаев Сабантуйларга 400-500 меңгә дә, 600 меңгә дә килә икән.

«Минем ниндидер билгеле бер бәя куеп, «шуннан да чигенмим» дип утырганым юк. Мәсәлән, кайбер дусларга инде «җырлыйм» дип вәгъдә биреп куйдым, бәясен сөйләшмәдек әле.

Сабантуйларга бик күп чакырулар алдым, тик барысына да барып булмый. Быел Лаеш, Теләче, Балык Бистәсе, Алабуга, Саба районнарында булачакбыз.

Мин бөтен Сабантуйларга да, түләнә торган чыгышларга да төркем белән йөрим. Бәйрәмнәргә кунак буларак чакырылып җырларга туры килсә генә ялгыз җырларга мөмкинмен», – диде Фирдүс Тямаев.

Узган ел Фирдүс Сабантуйлардагы чыгышы өчен 700 мең сум сораган булган.

  • Татар җырчылары Сабан туенда чыгыш ясар өчен күпме акча сорый?

Фото: © «Татар-информ» архивы

Ришат Төхвәтуллин командасын 8 июнь көнне Менделеевск район Сабан туенда, 15 июньдә Түбән Камада күреп булачак. Җырчының концерт директоры Илгиз Бәдретдинов сүзләренчә, Ришат мәйданга 1 сәгатьлек программа белән чыга. Гонорар хакы – 500 мең сум тирәсе.

Фото: © «Татар-информ» архивы

Илсөя Бәдретдинованың концерт директоры сорауларыбызга җавап бирмәде. «Инказан» сайтына уңыш күбрәк елмайган. Анда чыккан мәгълүматларга караганда, җырчының Сабантуйлардагы гонорар хакы 800 мең сумга кадәр арткан. Әлеге бәя Татарстан һәм Башкортстан шәһәрләре өчен актуаль. Бәйрәм кунаклары алдында Илсөя үзе, музыкантлары һәм биючеләре – барысы 10 кеше чыгыш ясаячак. Узган ел җырчы мәйдандагы чыгышы өчен 500 мең сум сораган булган.

Илсөя Бәдретдинованың быел, махсус кунак буларак, Мамадыш Сабан туена чакырылганы билгеле.

Фото: © «Татар-информ» архивы

Мамадышта, шулай ук, Филүс Каһиров та җырлаячак. Аның тормыш иптәше һәм концерт директоры Эльмира Каһирова да гонорар хаклары буенча мәгълүматны таратмау яклы. «Безгә бу сорау белән журналистлар чыктылар инде. Бик шәхси әйбер, җавап бирмибез», – диде ул.

Фото: © «Татар-информ» архивы

Айдар Галимов Сабантуйларда 1,5, яки 2 сәгать чыгыш ясый. Аның төркемендә – музыкантлар һәм биючеләр белән 14 кеше. Команда бәйрәмгә 300 мең сумга килә. Җырчының райдеры да гади: яхшы музыкаль аппаратура, гримерка (шатер) һәм коллективны ашату.

Фото: © «Татар-информ» архивы

Вадим Захаров Оренбург өлкәсенең Әсәкәй дигән авылында, Мамадыш һәм Саба районнарында булачак.

«Бөтен Сабантуйларга да төркем белән барам һәм Сабан туе буе чыгыш ясыйм. Ә бәямне әйтмим, белмичә торсыннар әле», – диде ул.

Фото: © «Татар-информ» архивы

Марат Яруллинның абыйсы, концерт директоры Ринат Яруллин да Марат куйган бәяләрне әйтүне кирәк санамады.

«Без бөтен Рәсәй буйлап, командабыз белән чыгышлар ясыйбыз. Төркемебездә 9-10 кеше, 2–3 машина белән барырга туры килә. Гонорар сораганда болар барысы да исәпкә алына.

Сабантуй – татар халкының көтеп алган, ял итә торган бәйрәме. Шуңа да ул зур масштабта, югары дәрәҗәдә узарга, кыр эшчеләре, авыл, шәһәр кешеләре яхшы концерт карарга тиеш. Ә андый концертны яхшы команда, сыйфатлы аппаратура һәм музыка белән генә биреп була. Марат быел Апаста, Чистайда, Нижгар яклары авылларында була. Бәясенә күрә сыйфатлы, тере тавышка 1 сәгатьлек программа тәкъдим итәбез», – диде ул.

Узган ел Марат Яруллин 150 мең сумга чыгыш ясаган.

Фото: © социаль челтәрләр

Концерт директоры Айдар Сәфәргалин әйтүенчә, Руслан Кираметдинов ялгызы гына яки төркеме белән чыгыш ясауга карап 50-150 мең сум гонорар сорый. Ул быел 7 июнь көнне Минзәлә районы Дәүк авылы, 8 июньдә Балтач районы Янгул авылы һәм 9 июнь көнне Зәй районы Сармашбаш авылы Сабантуйларында халыкның кәефен күтәрәчәк.

Фото: © «Татар-информ» архивы

Ильмира Нәгыймова бәяне узган елга караганда арттырган. Былтыр җырчы 150 мең сумга җырларга ризалашкан булса, быел төркеме белән килеп җырлаган өчен 200 мең сум хак сорый. Ераграк районнар өчен бу бәя үзгәрергә дә мөмкин. Аның концерт программасы 40 минут дәвам итә.

Фото: © «Татар-информ» архивы

Җырчы Гөлназ Асаева бәйрәм урынының ераклыгына карап 100-120 мең сум сорый. Җырчының музыкантлары белән бергәләп 1 сәгатьлек чыгышы 150-170 мең сум тора. Ә инде үз аппаратуралары белән килгән очракта, бәя 200-220 мең сумга кадәр арта.

Фото: © «Татар-информ» архивы

Ришат Фазлыйәхмәтовның концерт директоры җырчының Сабантуйларга 150 мең сумга килергә әзер булуын әйтте. Былтыр аны чыгышлары 100 мең сум торган.

Фото: © «Татар-информ» архивы

Рифат Зарипов башта кайларда чыгыш ясачагын язып җибәрергә вәгъдә биргән иде. Бәяләрне сораша башлагач, ачуланды, башка үзенә «ахмак сораулар» белән шалтыратмаска кушты. Шуңа күрә, ни кызганыч, быел Рифат Зариповның кайсы як Сабантуйларын гөрләтәчәген яза алмыйбыз инде. Рифат Зариповны бәйрәмгә чакырырга теләүчеләргә киңәшебез – бәя турындагы соравыгызны җырчы «ахмак сорау» дип бәяләп, ачуланырга мөмкин.

Фото: © «Татар-информ» архивы

Зинира Ризат Рамазановлар Сабантуйларда чыгыш ясау өчен 100-200 мең сум хак сорый.

«Быел Саба, Чүпрәле районнарында, Балтачның Алан дигән авылында булачакбыз. Шулай ук Әлмәтләр белән сөйләшү бара.

Безнең чыгыш ул – 2 сәгатьлек концерт», – диде «Интертат»ка Ризат Рамазанов.

Узган елгы белән чагыштырганда, Рамазановлар бәяләрне төшергән. Былтыр алар җәйге бәйрәмгә 300 мең сумга килеп җырлаганнар.

Фото: © «Татар-информ» архивы

Рәфинә Ганиуллина һәм Рәзил Камаловлар Сабантуйларын башлап та җибәргәннәр инде.

«Мин әле күптән түгел генә Кипр утравында узган Сабан туенда булып кайттым. Лимассол шәһәрендә узган әлеге Сабантуйга моннан 5 ел элек тә барган идем. Кипрда татар халкы тагын да арткан икән, дип кайттым. Бик зур масштаблы Сабантуй оештырдылар. Пальмалар үсеп утырмаса, татар авылында узган Сабантуйдан аерылмас та иде. Милләттәшләрнең күңелен күтәреп, ял да итеп, Урта диңгездә су кереп кайтырга насыйп булды.

Фото: © Рәзил Камалов архивыннан

Быел Теләчененең Иске Җөри авылында, 23е Казан Сабан туенда чыгыш ясаячакбыз (әлегә мәйданчыгын төгәл әйтә алмыйм).

Сабантуйда эшләгән өчен бәяләребез 50-60 меңнән башлана. Бөтен Сабан туе буена булачакбызмы, әллә инде билгеле бер вакытка гына килеп китәбезме, кайсы районда – шул нечкәлекләрне белешкәч кенә әйтә алабыз төгәл бәяне.

Бөтен Сабантуйларда да тулы программа күрсәтергә тырышабыз. Аңа тальян моңнары да, матур дуэтларыбыз да, Рәфинәнең сольный җырлары да – барысы да керә. Без җырларга иренмибез, бөтен репертуарны, костюмнарыбызны күрсәтәсебез килә. Эшкә алынгансың икән, сыйфатлы итеп башкарырга кирәк дип саныйбыз», – диде безгә Рәзил.

Фото: © социаль челтәрләр

Ринат Рахматуллин бәяләрен төп-төгәл атады. «Авыл Сабантуйларында үзем генә 50 мең сумга, районнарда 80 меңгә, шәһәрләрдә 100 меңгә җырлыйм. Төркем белән килгәндә авыл-район Сабантуйлары – 250, шәһәр Сабан туе – 300 мең сум», – диде ул. Җырчы быел Татарстанда бер Саба районында гына була. Аны шулай ук Самара өлкәсенә һәм Башкортстан якларына чакырганнар.

Фото: © Ринат Рахматуллин архивыннан

Гөлназ Илсур Шәрипҗановларны халык Алексеевск районы Сабан туе һәм Азнакай районының Актүбә авылында күрә ала. «Алексеевск районы 1 сәгатьлек кенә концерт сорады. Анда 6 кешелек командабыз белән барабыз. Чыгыш ясау хакыбыз 100 мең. Авыл Сабантуйларына да шундый ук бәя. Ләкин авылда Сабантуй буе эшлисең инде», – диде Гөлназ Шәрипҗанова.

Фото: © «Татар-информ» архивы

Узган ел җырчылар Сабантуйлардагы чыгышлары өчен куйган бәяләр халыкта шактый нык кәнәгатьсезлек тудырган иде. Ул хакта түбәндәге язмада укырга мөмкин:

  • Җырчыларның Сабантуйда чыгыш ясау бәяләре хакында: «Арзанлы эстраданы халык үзе күтәрде»




Президент Татарстана Рустам Минниханов
Татарстан

Минниханов и Махонин подписали план мероприятий по сотрудничеству РТ с Пермским краем





Москва

Рубена Варданяна в бакинской тюрьме заставляли долго стоять, его лишали воды, ему не разрешали мыться и менять белье и одежду


Президент Татарстана Рустам Минниханов

103news.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в формате онлайн. Вы всегда можете добавить свои новости сиюминутно – здесь и прочитать их тут же и – сейчас в России, в Украине и в мире по темам в режиме 24/7 ежесекундно. А теперь ещё - регионы, Крым, Москва и Россия.

Moscow.media
Татарстан

Минниханов о празднике Курбан-байрам: Это время нравственного очищения



103news.comмеждународная интерактивная информационная сеть (ежеминутные новости с ежедневным интелектуальным архивом). Только у нас — все главные новости дня без политической цензуры. "103 Новости" — абсолютно все точки зрения, трезвая аналитика, цивилизованные споры и обсуждения без взаимных обвинений и оскорблений. Помните, что не у всех точка зрения совпадает с Вашей. Уважайте мнение других, даже если Вы отстаиваете свой взгляд и свою позицию. 103news.com — облегчённая версия старейшего обозревателя новостей 123ru.net.

Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).

103news.com — живые новости в прямом эфире!

В любую минуту Вы можете добавить свою новость мгновенно — здесь.

Музыкальные новости

Жанна Фриске

Отец Жанны Фриске не смог сдержать слёз, увидев воссозданную с помощью ИИ копию певицы




Спорт в Татарстане

Алексей Смирнов – актер, которого, надеюсь, еще не забыли

Путин приветствовал в России участников и гостей Спортивных игр стран БРИКС

Путин обратился с приветствием к участникам Спортивных игр стран БРИКС

Московские спортсмены завоевали первые золотые медали на играх стран БРИКС


Даниил Медведев

Медведев и Сафиуллин сыграют в паре на турнире в Галле



Новости Крыма на Sevpoisk.ru




Частные объявления в Менделеевске, в Татарстане и в России