Жириновский Путиннинг лавозимини ўзгартиришни таклиф қилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Россия Федерацияси президенти лавозими император деб ўзгартирилиши ва мамлакатда бошқарув шакли сифатида автократия ўрнатилиши керак. Бу ҳақда россиялик сиёсатчи Владимир Жириновский ялпи мажлисда айтиб ўтган. «Бу сайланган президентлар дегани аҳмоқона ном. Президент, аслида нима у? Бизда «шоҳ» ёки «император» бўлиши керак. Биз Америкада яшаймизми? Ёки Франциядами?» — деган Жириновский Давлат Думасида гапирар экан. Аввалроқ Путин аллақачон императорларга қиёсланган. Масалан, британиялик тарихчи Саймон Себаг-Монтефиорнинг таъкидлашича, Россия президентининг бошқаруви кўп жиҳатлари билан императорлар Николай I ва Александр III ни эслатади. Давлат раҳбарининг собиқ маслаҳатчиси Владислав Сурков эса Путинни Рим императори Октавиан билан солиштирган.