Новости за 04.02.2019

“Talyban” topary Moskwada geçiriljek “owganlaryň içindäki” diýip atlandyrylan gepleşiklere gatnaşjakdygyny mälim etdi. Bu duşuşykda tanymal owgan şahsyýetlerini, şol sanda öňki prezident Hamid Karzay, oppozision şahsyýetleri we tire-taýpa liderlerini bir ýere jemlemek göz öňünde tutulýar. Ýöne oňa hökümet resmileri gatnaşmaýar. Bu duşuşygyň 5-nji fewralda başlanmagyna we iki gün dowam etmegine garaşylýar. Russiýadaky owgan diasporasynyň guramasy “Owgan jemgyýetiniň geňeşiniň” 4-nji fewralda Kabulda ýaýradan beýanatyna görä... Читать дальше...

Türkmenistanyň prezidenti Gurbanguly Berdimuhamedow 1-nji fewralda geçiren hökümet maslahatynda üstümizdäki ýyl pagta plan borçnamasynyň 1 million 250 müň tonna çenli çykaryljakdygyny aýtdy.

Ukrainanyň Merkezi saýlaw komissiýasy 31-nji marta planlaşdyrylan prezident saýlawy üçin hasaba alyş dokumentleri kabul etmek işini tamamlandygyny we 83 dalaşgäriň registrasiýa edilendigini aýdýar.

2-nji fewralda Aşgabat şäheriniň 50-den gowrak mekdebiniň mugallymlary we okuwçylary duýdansyz ýowara çykaryldy. Aşgabat şäher we etrap bilim bölümleri mekdep müdrilerine ýowar boýunça görkezmäni şenbe güni irden berdi.

Russiýanyň, Eýranyň we Türkiýäniň liderleri Siriýadaky ýagdaýy maslahat etmek üçin 14-nji fewralda Gara deňziň kenaryndaky Soçi şäherinde duşuşmagy planlaşdyrýarlar. Bu barada Türkiýäniň we Russiýanyň döwlet medialary habar berýär. 3-nji fewralda ýaýradylan habarda rus prezidenti Wladimir Putiniň, türk lideri Rejep Taýýyp Erdoganyň we Eýranyň döwlet baştutany Hassan Rohaniniň geçirmegi planlaşdyrýan duşuşygynyň jikme-jikleri aýdyňlaşdyrylmaýar. Ýöne Russiýanyň NTV neşiriniň maglumatyna görä,... Читать дальше...

Eýranyň Kosmos derňew merkezinde dörän ýangynda azyndan üç alym öldi diýip, Eýranyň ýokary derejeli resmisi yglan etdi. Telekommunikasiýa ministri Mohammad Jawad Azari Jahrominiň 3-nji fewralda beren maglumatyna görä, alymlar “Kosmos derňew merkezindäki binalaryň birinde dörän ýangynda” heläk boldular. Ol Tähranda bolan bu waka barada goşmaça maglumat bermekden saklandy. Şeýle-de, wakada pida bolanlaryň şahsyýetleri we eýeleýän wezipeleri hem häzirlikçe aýdyňlaşdyrylmady. Maglumatlaryň birinde ýangyn dörän mahaly... Читать дальше...

Ýewropanyň Awiasiýa howpsuzlygy boýunça gullugy (EASA) “Türkmenistan howaýollary” kompaniýasynyň Ýewropa Bileleşiginiň çäklerine uçýan we bu bileleşigiň çäklerinden yzyna uçýan uçuşlaryny togtatdy. Bu baradaky habar 4-nji fewrlada Beýik Britaniýanyň hökümet websaýtynda çap edildi.

Ukrainanyň Merkezi saýlaw komissiýasy ýurtda 31-nji martda geçiriljek prezident saýlawlary üçin hasaba alyş resminamalary kabul etmek prosesiniň tamamlandygyny aýdyp, oňa 83 dalaşgäriň öz adyny teklip edendigini mälim etdi. Komissiýa özüniň 4-nji fewralda beren maglumatynda 28 dalaşgäriň arzasynyň kabul edilendigini, 22 sanysynyň ret edilendigini we başga-da 33 kandidatyň arzasynyň açyk galdyrylandygyny belledi. Komissiýa hasaba alnan dalaşgärleriň sanawyny 9-njy fewrala çenli resmi taýdan yglan etmeli. Читать дальше...

Moskwanyň merkezindäki binada bolan ýangynda azyndan dört adam öldi diýip, adatdan daşary gullugyň resmileri aýdýarlar. 4-nji fewralda irden dörän ýangynda Nikitskiý bulwaryndaky bina ot aldy we ýangyn 2000 m2 meýdana çenli ýaýrady diýip, resmileri belleýärler. Resmiler bu binada 100-den gowrak ýaşaýyş jaý kwartirasynyň bardygyny hem aýtdylar. Ýangynyň döremegine nämäniň sebäp bolandygy barada häzirlikçe maglumat berilmeýär. Döwlet eýeçiligindäki “TASS” habar gullugy bu binadaky adaty dört... Читать дальше...