Новости за 09.04.2019

9 – 10-njy aprelde Aşgabatda “Ýokanç däl keselleriň öňüni almak we olaryň garşysyna göreşmek” atly halkara maslahat geçirilýär.

Türkmenistanda derman serişdeleriniň bahalarynyň ýokarlanýan wagty, paýtagt Aşgabadyň dermanhanalarynda arzanladylan bahadan ýaramlylyk möhleti geçen dermanlar peýda bolup başlady.

Aşgabadyň söwda nokatlarynda we dükanlarynda towuk ýumurtgasy gaýtadan satylyp başlandy. Ýöne ýaşaýjylar ondan günde çäkli möçberde satyn alyp bilýärler diýip, Azatlyk Radiosynyň paýtagtdaky habarçylarynyň biri aýdýar.

Eýranyň prezidenti Hassan Rohani Birleşen Ştatlaryň Eýranyň Yslamçy rewolýusiýa gwardiýasy korpusyny daşary ýurt terrorçy guramasy (FTO) diýip atlandyrmak baradaky kararyny ýazgardy. 9-njy aprelde telewideniýede eden çykyşynda Rohani Waşingtonyň bu hereketiniň “ýalňyşdygyny” aýdyp, Birleşen Ştatlaryň “global terrorçylygyň” hakyky “lideridigini” öňe sürdi. “Sen kim bolup, rewolýusiýa institutlaryny terrorçy diýip ykrar edvqrsi[?” diýip, Rohani aýtdy. Şeýle-de, ol Birleşen Ştatlaryň “terrorçy toparlary... Читать дальше...

Azatlyk Radiosynyň habarçysynyň sözlerine görä, Aşgabadyň ýaşaýjylary suw üçin töleg tölemekde täze kynçylyklara duçar bolupdyrlar. Bu gezek harçlanan suw ölçeýjileri öz öýlerinde 2016-njy ýylda oturdan ýaşaýjylardan gurallaryny gaýtadan barlatmak talap edilýär. Ýatlatsak, Türkmenistanyň ýolbaşçylarynyň suw, gaz we tok mugtçulygyny ýatyrmak barada 2018-nji ýylyň güýzünde yglan eden kararyna laýyklykda, ýurduň ilaty ulanýan serişdeleri üçin tölegleri hasaplaýjy gurallaryň esasynda tölemäge borçly. Читать дальше...

Ýewropanyň Adam hukuklary boýunça sudy (ECHR) 2014-nji ýylda rus häkimiýetleriniň oppozision syýasatçy Alekseý Nawalnyýny öý tussaglygynda saklamak arkaly onuň hukuklaryny bozandygy barada karar çykardy. 2014-nji ýylyň fewralynda Nawalnyý öý tussaglygyna ýerleşdirilip, onuň birnäçe aý öýünden çykmagy gadagan edilipdi. Ol şonda “Yves Rocher” diýlip atlandyrylýan sud işi bilen baglanyşykly maliýe jenaýatlarynda güman edilip, derňew edilýärdi. Nawalnyý we onuň goldawçylary bu sud işiniň syýasy matlaplydygyny aýdypdylar. Читать дальше...

Birleşen Ştatlaryň prezidenti Donald Tramp özüni we ABŞ-nyň ýokary derejeli beýleki resmilerini goranyş bilen üpjün edýän Birleşen Ştatlaryň Gizlin gullugynyň direktoryny wezipesinden boşatdy. 8-nji aprelde Ak tam Gizlin gullugynyň direktory Randolph Allesiň wezipeden çetleşdirilendigini tassyklady. Mundan bir gün öň, Tramp Birleşen Ştatlaryň milli howpsuzlyk sekretary Kirstjen Nielseniň wezipeden çekilendigini yglan edipdi. Allesiň wezipeden çetleşdirilmegi Birleşen Ştatlaryň Milli howpsuzlyk... Читать дальше...

Gazagystanyň wagtlaýyn prezidenti Kasym-Žomart Tokaýew möhletinden öň prezident saýlawlarynyň 9-njy iýunda geçiriljekdigini yglan etdi. 9-njy aprelde telewideniýede eden çykyşynda Tokaýew “erkin we adalatly saýlawlaryň geçiriljekdigine kepil geçýändigini” aýtdy, şol bir wagtda-da, ol özüniň ses berişliklere gatnaşjakdygyny ýa-da gatnaşmajakdygyny mälim etmedi. Tokaýew, 30 ýyla golaý wagt ýurdy dolandyran prezident Nursultan Nazarbaýew wezipeden çekilýändigini yglan edenden bir gün soň, ýagny... Читать дальше...

Demirgazyk-günbatar Owganystanyň Badgyz welaýatynyň iki etrabynda aldym-berdimli söweş barýar. Abykemri etrabyny Talyplar basyp aldy. Balamurgap atly etrabyň hem polisiýa edarasy jeňçileriň eline geçdi.

Owganystanda NATO-nyň howa bazasynyň golaýyndaky ýoluň kenarynda bolan bomba partlamasynda Birleşen Ştatlaryň harby güýçleriniň üç agzasy we amerikan potratçysy öldi. Hüjümiň jogapkärçiligini “Talyban” topary öz üstüne aldy. NATO-nyň Owganystandaky missiýasynyň 8-nji aprelde ýaýradan beýanatyna görä, dört amerikan raýaty 8-nji aprelde Kabulyň ortaça 50 kilometr demirgazygyndaky Bagram howa bazasynyň golaýynda öldürildi. Partlamada üç amerikan esgeri hem ýaralandy we olar saglyk bejergilerini alýarlar diýlip, beýanatda bellenilýär. Читать дальше...