Новости за 30.07.2019

Aşgabadyň käbir ýaşaýjylary döwlete degişli azyk dükanlarynda ilata satylýan unuň hilinden şikaýat edýärler. Bular barada Azatlyk Radiosynyň Aşgabatdaky habarçylary we çeşmeleri habar berýärler.

Azatlyk Radiosynyň Aşgabatdaky habarçylarynyň şaýatlara salgylanyp berýän maglumatlaryna görä, 16-njy iýulda paýtagtyň 10-njy etrapçasyndaky ýaşaýyş jaýda bolan partlama zerarly azyndan ençeme adam heläk bolupdyr.    Partlan jaýyň we goňşulykdaky jaýlaryň ýaşaýjylarynyň gürrüň bermegine görä, partlamanyň yzýany diňe birinji günüň dowamynda halas edijiler harabalykdan azyndan 20 jeset çykarypdyr. Halas ediş işleri bäş günüň dowamynda geçirilipdir.  - Adamlar haltalara salnan jesetleriň çykarylandygyny gördüler, soňam ýene tapyp çykardylar. Читать дальше...

Türkmenistanyň Lebap welaýatyndaky kärendeçi daýhanlar gowaça meýdanlary üçin suwaryş suwlarynyň ýiti ýetmezçiliginden şikaýat edýärler. Bu barada “Türkmenistanyň Hronikasy” neşiri öz ýurt içindäki habarçylaryna salgylanyp, 29-njy iýulda habar berdi.

Gazagystanyň günortasyndaky temmi beriş tussaghanasynda bendileriň ýowuz gynamalara sezewar edilýändigini görkezýän wideo Internetde peýda bolanyndan soňra, bu merkeziň başlygynyň orunbasary we dört sany sakçysy tussag edildi. Gazak içeri işler ministri Erlan Turgymbaýewiň 30-njy iýulda žurnalistlere beren maglumatyna görä, Almatynyň golaýyndaky Zareçny şäherçesinde ýerleşýän LA155/8 belgili düzediş koloniýasynda bolan waka sebäpli başga-da ýedi adam, şol sanda tussaghananyň ýolbaşçysynyň ýene iki orunbasary wezipesinden boşadyldy. Читать дальше...

28-nji iýulda Türkmenistanyň döwlet telewideniýesi Awazada dynç alyşda sport maşklaryny ýerine ýetirýän hökümet resmilerini görkezdi. Wideo sýužetlerden mälim bolşuna görä, oňa prezident gatnaşmady.

Braziliýanyň türmesinde dörän gozgalaňda azyndan 57 adam öldi. Bu gozgalaň bäsdeş toparlaryň özarasynda çaknyşmagy netijesinde döräp, çaknyşyk birnäçe sagat dowam etdi diýip, resmiler aýdýarlar. 29-njy iýulda Braziliýanyň demirgazygyndaky Para ştatynda ýerleşýän Altamira türmesiniň bir blogyndaky banda agzalary beýleki blokdakylaryň üstüne çozuş etdiler. Resmiler ölenleriň 16 sanysynyň kellesiniň çapylandygyny aýdýarlar. Ölenleriň galan böleginiň türmäniň bir bölegi otlanan mahalynda demigip heläk bolandygy bellenilýär. Читать дальше...

Pakistanyň garnizon şäheri Rawalpindiniň golaýynda bir kiçi harby uçaryň ýaşaýyş sebitine gaçmagy netijesinde azyndan 18 adam öldi diýip, resmiler aýdýarlar. Pakistanyň harbylarynyň ýaýradan beýanatynda 30-njy iýulda bolan heläkçilikde uçaryň bäş ekipaž agzasynyň, şol sanda iki pilotyň aradan çykandygy hem bellenilýär. Pakistanyň halas ediş gullugynyň resmisi Faruk Buttyň sözlerine görä, wakada parahat ilatdan 13 adam, şol sanda çagalar hem heläk boldy we başga-da azyndan 12 adam ýaralandy. Ýaralananlaryň... Читать дальше...

Garaşsyz türkmen žurnalisti Soltan Açylowa Türkmenistanyň Döwlet Migrasiýa gullugyndan resmi jogap gelip gowşup, onda žurnalistiň ýurduň çäginden çykmagyna girizilen çäklendirmäniň öz güýjünde saklanýandygy aýdylýar.

Russiýa ýurduň Krasnoýarsk Kraý we Irkutsk regionyndaky tokaý ýangynlary bilen baglanyşykly adatdan daşary ýagdaýy yglan etdi. Bu ýerde Ýewropa Bileleşiginiň çäklerinden hem has uly territoriýany tüsse gurşap aldy. Arktikanyň käbir böleklerinde, hususan-da, Sibirde 3 million gektara golaý territoriýany ot alýar we bu Uzak Gündogara tarap ýaýraýar diýip, “The Siberian Times” neşiri ýazýar. Adatdan daşary ýagdaý yglan edilen territoriýalar Krasnodar Kraýy we Burýatiýa respublikasyny hem belli bir derejede öz içine alýar. Читать дальше...