Новости за 09.08.2019

Gurbanguly Berdimuhamedowyň öz ölümi hakyndaky gürrüňleri açyk ýalana çykarman, "Watan" habarlarynda inkär edişi Birleşen Ştatlaryň meşhur "Comedy Central" kanalynda, Trewor Noa tarapyndan alnyp barylýan Gündelik tomaşanyň esasy temalarynyň birine öwrüldi.

Mary şäherinde ýerleşýän “Türkmenbaşy” döwlet täjirçilik bankyndaky bankomatlaryň öňünde pul nagtlaşdyrmaga garaşýan adamlaryň uzyn nobatlary dowam edýär.

Türkmenistanyň döwlet telewideniýesi prezident Gurbanguly Berdimuhamedowyň ölümi baradaky tassyklanmadyk maglumatlaryň peýda bolmagyndan we yzysüre ret edilmeginden soň döwlet baştutanyny ýygy-ýygydan görkezmegini dowam etdirýär. Şol bir wagtda-da prezidentiň dynç alyşdadygyny belläp geçýär.  Döwlet telewideniýesiniň 4-nji aprelde we 7-nji awgustda görkezen iki sany gepleşiginden alnan bu suratlarda Türkmenistanyň döwlet howpsuzlygy geňeşiniň iki sany aýra başga maslahatlary görkezilýär. Emma... Читать дальше...

Türkmenistanyň käbir künjeklerinde pagtaçy kärendeçiler suw we tehnika ýetmezçiliginden kösenýän wagty, hökümetçi neşir türkmen pagtasynyň dünýä bazaryna, şol sanda ABŞ-a eksport edilýändigini aýdýar.

Türkmenistanyň prezidenti Gurbanguly Berdimuhamedow 8-nji awgustda Hazaryň kenaryndaky “Awaza” milli syýahatçylyk zolagyna baryp, täze gurulmaly desgalaryň taslamalary bilen tanyşdy, un sepilip, alaja dakylyp, ýüzärlik tütedilip işe girizilen täze gämä pata berdi.

Gyrgyzystanyň ozalky prezidenti Almazbek Atambaýewe resmi taýdan korrupsiýa aýyplamasy bildirildi. Mundan öň, ozalky prezident tas 24 sagada çeken gan döküşmeden we döwlet howpsuzlyk güýçleri bilen gapma-garşylykdan soň, tussag edilipdi. Birinji maý etrap sudy 62 ýaşyndaky Atambaýewe 2013-nji ýylda jenaýatçylaryň belli ýolbaşçysy Aziz Batukaýewiň bikanun ýagdaýda tussaglykdan ir boşadylmagy bilen baglylykda aýyplama bildirildi. Sud Atambaýewiň 26-njy awgusta çenli deslapky tussaghanada saklanylmalydygy barada hem höküm çykardy.

Azat Adalganyň bu sanynda "söz we beýan azatlygynyň" manysyna aralaşylýar. Adam hukuklarynyň ähliumumy jarnamasy söz we beýan azatlygyny adam hukugy hökmünde ykrar edýär.

ABŞ we Ýewropanyň bäş döwleti Russiýa bilen Gürjüstanyň arasyndaky turan bäş günlük urşuň 11-nji ýyl dönümine gabatlap, Moskwany urşuň turmazyndan ozalky çäklerine çenli öz harbylaryny yza çekmäge çagyrdylar. 8-nji awgustda ABŞ-nyň, Belgiýanyň, Estoniýanyň, Fransiýanyň, Germaniýanyň, Polşanyň we Britaniýanyň BMG-däki ilçileri bilelikdäki beýanat ýaýradyp, onda Gürjüstanyň garaşsyzlygyna, özygtyýarlylygyna we territoriýal bütewiligine goldaw bildirdiler. Bu beýanat BMG-niň Howpsuzlyk geňeşiniň... Читать дальше...

Türkmenistanda 2019-njy ýylyň ýanwar-iýun aralygynda 35.6 milliard kub metr tebigy we ugurdaş gazy, şeýle-de 5 million tonna nebit we gaz kondensaty çykarylypdyr. Bu barada türkmen hökümetine ýakynlygy bilen tanalýan turkmenportal.com neşirinde çap bolan maglumatda aýdylýar. Bellenişi ýaly, gürrüňi gidýän döwür içinde daşary ýurda 18.3 milliard kub metr türkmen gazy hem eksport edilipdir. Şol bir wagtda, türkmen mediasy ýurda nebit we gaz söwdasyndan gelýän girdeji, ol serişdeleriň harçlanyşy barada suwytly maglumat bermeýär.

Russiýanyň demirgazyk-günbataryndaky Arhangelsk regionyndaky bir harby bazada ýüze çykan partlamada we ýangynda iki adam öldi, başga-da altysy ýaralandy. Bu barada Russiýanyň Goranmak ministrligi maglumat berdi. Bu aralykda, golaýdaky şäherlerde radiasiýanyň derejesiniň ýokarlanandygy bellenilýär. Ministrlik 8-nji awgustda reaktor hereketlendirjisi partlanyndan soň, ýangynyň dörändigini habar berdi. Ýerli resmiler partlamanyň we ýangynyň Nýonoksa şäheriniň golaýynda ýüze çykandygyny aýtdylar. Читать дальше...

Ukrainada “strategiki möhüm harby sebitde” sabotažy planlaşdyrmakda aýyplanyp bir rus raýaty ele salyndy diýip, Ukrainanyň SBU howpsuzlyk gullugy maglumat berdi. Şahsyýeti aýdyňlaşdyrylmadyk şübhelenýän Ukrainanyň Çerkasy şäherindäki öýünde tussag edildi. Beýanatda aýdylmagyna görä, şübhelenýäniň bolýan ýerinden öý şertlerinde ýasalan üç sany partladyjy, iki kilogram himiki serişde, elektrik detonator, şeýle-de partladyjylary ýasamak boýunça degişli gollanmalar tapylypdyr. Resmiler şübhelenýäniň... Читать дальше...

Tas 24 sagada çeken gan döküşmeden we döwlet howpsuzlyk güýçleri bilen gapma-garşylykdan soň, ozalky prezident Almazbek Atambaýew göni öz öýünden çykyp, zorlukly gapma-garşylygy soňlamak üçin, polisiýanyň awtoulagyna gelip mündi.