Новости за 30.12.2019

Австралиядә яшәп иҗат итүче Зуля Камалованың "Бишенче" исемле җыры Russian World Music Awards-2019 премиясенең иң яхшы 16 җыр исемлегенә кергән.

Кайбер матбугат чаралары Миңнеханов Рәисә Атамбаевага машина бүләк иткән дип язды. Татарстан президенты сүзчесе әлеге хәбәрне кире какты.

Малайзия хөкүмәте халыкара институтка Кытайдагы мөселман уйгыр халкының хәлен тикшереп, хисап бирүне йөкләгән.

Кырымтатар язучыларының Акмәчеттә узган утырышында 2019 елга нәтиҗә ясалды. Язучылар кырымтатар телендә чыгучы китапларның тиражлары ким булуында хакимиятләрне гаепләде.

Лагерь урынына баручы юлларны полиция япкан. Активистларга карата полиция беркетмәләр тутыра.

Русиядә яшәүчеләрнең 52 проценты эш урыныннан кәнәгать түгел, ләкин аларның күбесе якын арада яңа эш эзләргә җыенмый.

Эчке эшләр министрлыгы хулиганлыкта гаепләнүче Азат Мифтахов эше кысаларында тикшерү гамәлләре тәмамлануын белдерде. Мәхкәмә утырышы 2020 елның гыйнварында узарга мөмкин.

Байкал артындагы хәрби бүлектә бабайлык (дедовщина) күренеше турында җинаять эшен тикшерү тәмамланган. Рамил Шәмсетдинов һәм тагын берничә хәрби зыян күрүчеләр дип танылган.

Олег Сенцов биш ел Русиядәге колониядә кыйнау, кимсетү, электрошокер белән газаплау, салкын камерада шәрә килеш яки юеш киемнән калдыру, матрацка тыгызлап төреп куеп, тәүлектән артык шул хәлдә тоту җәзалары кулланыла дип сөйләде.

30 декабрьдә Башкортстанда Яңа ел бәйрәмнәрендә хәмер сатуны чикләүче канун рәсми рәвештә гамәлгә керде.

Казанда Алтын Урда дәүләте корылуына 750 тулу уңаеннан эшләнгән шоколадлар тәкъдим ителде. Алтын тәңкәне хәтерләткән шоколадның бер ягында кояш һәм барс сурәте төшкән, икенче ягында Алтын Урда дәүләтенә 750 ел дип язылган һәм дәүләтнең туграсы ясалган.

Азатлык үз укучыларын 2019 елга йомгак ясарга чакырып, ике атна дәвамында тавыш бирү үткәрде. Елның соңгы көннәрендә нәтиҗәләрне барлыйк.