Новости за 25.01.2019

Ооганстандын түштүгүндө 24-январда болгон аба соккудан бир үй-бүлөдөн 16 киши каза тапты.   Гилменд провинциясынын жергиликтүү кеңешинин төрагасы Аттаулла Афгандын айтымында, аскерлер менен талиб согушкерлери ортосундагы куралдуу кармаш учурунда түшкөн бомба турак жайга тийген. Курман болгондордун арасында сегиз бала жана үч аял бар. Соккуну ооган куралдуу күчтөрү же адатта аларга абадан көмөк көрсөткөн НАТО аскерлери урганбы азырынча белгисиз. Окуяны атайын топ иликтей баштады. НАТОнун билдирүүсүндө... Читать дальше...

Грециянын парламенти Македония менен мамилени жакшыртууга багытталган тарыхый келишим боюнча добуш бергени жатат. Кечээ Афиныда парламент жанына чогулган демонстранттар “чыккынчылар” деп нааразылыгын билдирип турушту. Айрымдары тартип коргоочуларга карай таш ыргытканда полиция жаш агыза турган газ жана кулак тундуруучу граната колдонду. Он чакты киши камакка алынганы жана зомбулукка шектелген 133 адам кармалганы маалымдалды. 25-январда да демонстрациялар уланат деп күтүлүүдө. Келишимге ылайык... Читать дальше...

Кыргызстандан Кытайга мыйзамдуу декларациядан өтпөгөн, жалпы салмагы 11 тоннаны түзгөн эшектин териси чыгарылып кетип жатканы аныкталды. Бул тууралуу Мамлекеттик бажы кызматынан кабарлашты. “МАN” үлгүсүндөгү жүк ташуучу автоунаадагы контрабандалык товар документтерде тери ондатырдыкы катары катталган. Фактыны “Нарын” бажысынын кызматкерлери “Торугарт” алдын ала бажы жол-жоболоштуруу жайында кармашты. Алынган терилердин наркы 10 миң доллардан кымбат болгону үчүн иштин материалдары Экономикалык кылмыштарга... Читать дальше...

Бишкек шаарынын бир катар жашоочулары “Фейсбукта” билдирүү жазып, Көк-Жар, Асанбай жана 11,12-кичирайондордо 24-январдан бери жылуулук берилбей жатканына даттанышты. Алар буга Бишкектин Медеров көчөсүндөгү жылуулук түтүктөрүндөгү авария себеп болгонун билдиришти. Бишкек жылуулук электр борбору (ЖЭБ) баш ийген “Электр станциялары” ишканасынын маалымат катчысы Тагжана Айдаралиева ЖЭБ жылуулукту адаттагыдай эле берип жатканын билдирди. Ал жагдайга жылуулукту жеткирүүнү камсыз кылган “Бишкек жылуулук... Читать дальше...

Жакынкы жылдары оору-сыркоолордун көбү дары-дармекти тоготпой, жөнөкөй операциялар жана учурда жеңил деп саналган илдеттер чоң коркунучка айланышы ыктымал. Мындай кооптонуудан улам Британия антибиотиктерди тоготпогон инфекцияларга каршы күрөшүү боюнча өзүнүн беш жылдык планын жарыялады.

Орусиянын Магнитогорск шаарында борбор азиялык мигранттарды текшерүү күчөп, айрымдары камакка алынып, зомбулукка кабылганы кабарланууда.

Мамлекеттик салык кызматынын Жалал-Абад облусу боюнча башкармалыгынын райондук бөлүмдөрүнүн биринин жетекчиси (Э.Т.) жана эки тескөөчүсү (Б.Ч., Р.А.) пара алууга шектелип кармалды. Бул тууралуу Экономикалык кылмыштарга каршы күрөшүү боюнча мамлекеттик кызмат (Финансы полициясы) билдирди. Билдирүүдө айтылгандай, аталган кызматкерлер кызматтык абалын кыянаттык менен пайдаланып, жеке ишкердин ишин бүтүрүү үчүн (А.Т.) андан опузалап пара талап кылышканы аныкталды. Алар акчаны тургундан эки транш менен берүүнү талап кылышкан... Читать дальше...

Венесуэлада кош бийлик орногондон бери эки күн өттү.

Бишкектин Биринчи май райондук соту экс-премьер-министр Сапар Исаковдун иши боюнча материалдар менен адвокаттардын таанышуусуна чектөө койгон тергөөчүлөрдүн чечимин мыйзамсыз деп таап, таанышуу мөөнөтүн узартты. Бул тууралуу “Азаттыкка” Исаковдун адвокаты Нурбек Токтакунов билдирди. Анын айтымында, Улуттук коопсуздук боюнча мамлекеттик комитети (УКМК) материалдарды алардын колуна 8-январда берип, 25-январга чейин таанышууга мөөнөт койгон. Документтер 53 том болгондуктан адвокаттар аны менен таанышууга жетишкен эмес. Читать дальше...

Кыргызстандын футбол боюнча улуттук курама командасынын Азия кубогундагы оюндарынан соң, коомчулукта заманбап футбол стадионун салуу маселеси кайрадан күн тартибине чыкты.

2018-жылы Кытай эл республикасынан Кыргызстанга келген тикелей инвестиция 125 миллион АКШ долларын түзүп, мурдагы жылга салыштырмалуу эки эсеге азайды. Бул тууралуу "Азаттыкка" Инвестицияларды илгерилетүү жана коргоо боюнча агенттиктин директору Шумкар Адилбек уулу билдирди. Анын айтымында, 2017-жылы кытайлык ишкерлер Кыргызстанга 300 млн. доллардай акча салган.  Адилбек уулу буга негизинен Кытайдын финансылык рыногундагы саясатына көзөмөлдү катуулатканы себеп болгонун белгилейт. Анын белгилешинче... Читать дальше...

2014-2018-жылдары Кыргызстанда мыйзам бузган чет өлкөлүк жарандарга 198 миллион 888 миң сом айып пул салынды. Бул тууралуу ички иштер министринин орун басары Мирлан Каниметов 25-январда өкмөттүн миграцияга байланыштуу атайын жыйынында билдирди. Бул айып пул 22 миң 31 чет элдикке чегерилген, анын ичинен 549у республиканын аймагынан сыртка чыгарылган. Алар негизинен миграциялык эрежелерди бузганы такталган. Мунун алдында Мамлекеттик миграция кызматынын төрагасы Болотбек Ибраимжанов 2018-жылдын... Читать дальше...

2018-жылдын 12 айында Кыргызстандын аймагына 7 миллион 257 миң чет өлкөлүк кирип, 6 миллион 931 миң адам кайра чыгып кетти. Бул тууралуу Мамлекеттик миграция кызматынын төрагасы Болотбек Ибраимжанов 25-январда өкмөттүн жыйынында билдирди. Анын айтымында, булардын ичинде туристтер, мигранттар, инвесторлор, башпаанек сурагандар жана башкалар бар. Эң көп киргендер казакстандыктар (47%), өзбекстандыктар (35%). Орусия (9%) менен Кытайдан киргендер (1%) түзүшөт. Калгандары алыскы жана жана жакынкы өлкөлөрдөн Кыргызстанга келгендер. Читать дальше...

Президент Сооронбай Жээнбеков кол койгон жарлыкка ылайык, Жанат Бейшенов Саматович Кыргызстандын транспорт жана жол министри болуп дайындалды. Бул тууралуу президенттин аппараты кабарлады. Өкмөттүн бүгүнкү жыйынында премьер-министр Мухаммедкалый Абылгазиев тааныштырды.  Бейшеновдун талапкерлигин 24-январда Жогорку Кеӊеш жактырган. Талапкерди депутаттарга биринчи вице-премьер-министр Кубатбек Боронов тааныштырган. Бейшенов жоопкерчиликти сезип турганын айтып, жаӊы кызмат ордуна дайындалып калса... Читать дальше...

ИИМдин Ички иликтөө кызматы УКМК менен биргеликте 24-январда Бишкек шаардык милициясынын Е.А аттуу кызматкерин жана ИИМдин Н.У жана Ж.Т аттуу мурдагы кызматкерлерин 2500 доллар пара менен кармады. Бул маалыматты Ички иштер министрлигинин басма сөз кызматы таратты. Коррупцияга шектелип кармалгандар УКМКнын тергөө абагына киргизилип, иликтөө иштери башталды. Милициянын мурдагы кызматкерлери пара талап кылуу жана алдамчылыкка шектелип издөөдө жүрүшкөн. Учурда бул кылмышка тиешеси бар башка адамдарды аныктоо иштери жүрүп жатат. Читать дальше...

Москва облусунун Балашиха шаарындагы 15 кабаттуу турак жайдан чыккан өрттөн эки киши каза болду. Куткаруучулардын айтымында, кырсыктан каза тапкандар батирлердин бирин оңдоп жаткан курулушчулар болгон. ТАСС агентиги өзгөчө кырдаалдар кызматындагы булагына таянып үйдүн акыркы кабатында жарылуу болуп, өрт чыкканын жазып чыкты. Күбөлөрдүн айтымында, турак жайдын чатырынын бир бөлүгү кулап түшкөн. Өзгөчө кырдаалдар министрлиги бул маалыматты расмий тастыктаган жок. Үй бир жыл мурда курулганы, газ киргизилбегени айтылууда. Читать дальше...

Жаза аткаруу мамлекеттик кызматынын (ЖАМК) басма сөз катчысы Элеонора Сабатарова апрель окуясы боюнча абакта жаткан Мурат Суталиновдун ден соолугуна байланыштуу документтер, дарыгерлердин бүтүмдөрү Ленин райондук сотуна өткөрүлүп берилгенин маалымдады. Анын айтымында, жакынкы күндөрү сот отурумдары башталат. Мыйзамга ылайык, абакта жаткан жарандар катуу ооруга чалдыккан учурда сот аркылуу эркиндикке чыгууга укугу бар. Бирок ал үчүн соттолгон жарандын ден соолугу боюнча дарыгерлер бүтүм чыгарып бериши керек. Читать дальше...

Орусиянын "Московская газета" басылмасы кыргызстандык сегиз, өзбекстандык үч жаран Москвада жана Санкт-Петербургда теракт жасоого даярданган деген айып менен соттолгонун жазып чыкты. Москва аймактык аскер соту аларды Орусиянын Кылмыш-жаза кодексинин 205-беренеси (теракт жасоого даярдануу) менен күнөлүү деп таап, алты жылдан 18 жылга чейин күчөтүлгөн режимге абакка кесүү чечимин чыгарды.    Басылма тергөөнүн маалыматына таянып, «соттолгондор Орусияда тыюу салынган «Ислам мамлекети» террордук тобунун мүчөсү болушкан жана ок атуучу курал... Читать дальше...

АКШ Венесуэладагы каатчылыкты талкуулоо үчүн Бириккен Улуттар Уюмунун (БУУ) Коопсуздук кеңешинин жыйынын ишембиде өткөрүүнү демилгеледи.  Венесуэлада акыркы күндөрү нааразылык акцияларында кеминде 16 киши каза болуп, 300дөн ашыгы камалды. Митингдин катышуучулары Николас Мадуронун режимине каршы чыгышты. Улуттук ассамблеянын башчысы Хуан Гуайдо өзүн «Венесуэланын утурумдук президентимин» деп жарыялап, бийлик узурпациясын токтотоорун жарыя кылгандан кийин демонстрациялар башталган. Парламент башчысын АКШ... Читать дальше...

Бүгүн 25-январда батир алам деп курулуш компанияларга акчасын төлөп, алданып калган үлүшчүлөрдүн көйгөйү тууралуу талкуу болот. Анда турак жай курулушунда үлүшчүлөрдүн укуктары каралган мыйзам долбоору талкууланат. Бул тууралуу документтин демилгечиси, парламент депутаты Аида Исмаилова “Азаттыкка” маалымдады. Анын айтымында, жыйынга курулуш тармагына тиешелүү бардык мамлекеттик органдардын өкүлдөрү катышат. Талкууда үлүшчүлөрдүн укуктарын коргоонун, алардын маселесин чечүүнүн жолдору талкууланат. Читать дальше...

Түркмөнстанда жогорку окуу жайдын студенти кышкы каникул маалында мамлекеттик ишканага таандык учак, поезд жана автобус менен жүрүүгө милдеттендирилди. Бул тууралуу өлкөдөгү студенттердин ата-энелери билдиришти. 25-январда жогорку окуу жайларга сынак аяктап, 12 күндүк кышкы каникул башталат. «Студенттерге мамлекеттик ишканаларга таандык учак, поезд жана автобус менен жүрүшү керектиги эскертилди. Алардын жеке такси менен жүрүүсүнө тыюу салынды. Каникулдан кайткандан кийин алар билеттеринин көчүрмөсүн... Читать дальше...

24-январда Бишкек шаардык соту район аралык соттун Шабдан баатыр көчөсүнүн аталышы боюнча чыгарган чечимин күчүндө калтырды. 2018-жылдын 5-ноябрында Бишкектин район аралык соту Шабдан баатыр көчөсүнүн аталышын өзгөртүүгө каршы чыккандардын арызын канааттандырган эмес. Бул тууралуу "Биздин укук" коомдук фондунун башчысы Калича Умуралиева "Азаттык" радиосуна билдирди. Эми алар жогорку инстанцияларга кайрыларын маалымдады.   2018-жылы июлда Бишкек шаарынын жашоочуларынан түзүлгөн "Биздин укук" коомдук... Читать дальше...

Хатлон облусундагы Шахритус районунун мамлекеттик мекемелеринде иштеген кызматкерлер бир күндүк айлыгын бийликтеги Элдик демократиялык партиянын райондук кеңсесинин курулушуна которууга милдеттендирилди. Жергиликтүү мугалимдер менен дарыгерлер эсепчилер аларга айтпастан эле бир күндүк маянасын армап калганына даттанышууда. Аты-жөнүн айткысы келбеген дарыгер анын айлыгы 400 сомони (45 долларга жакын) экенин, анын 20 сомонисин кармап калышканын билдирди. «Бизди чогултуп, бир күндүк айлыгыбызды... Читать дальше...

Мындай маалымат 24-январда Ички иштер министрлигинин коллегиялык жыйынында айтылганын өкмөттүн басма сөз кызматы кабарлады. Милициянын маалыматына ылайык, 2018-жылы 2017-жылга салыштырмалуу жол кырсыктарынын саны 5,5% азайган. Ал эми каза болгондордун жана жараат алгандардын саны 21% кыскарган. Балдар катышкан 1418 жол кырсыгы катталып, бул 2017-жылга салыштырмалуу 0,9% көп. Бирок, жол кырсыгынан каза болгон балдардын саны 104төн 87ге чейин кыскарган. Ал эми жараат алгандардын саны 1652ден 1622ге кыскарды. Читать дальше...