Новости за 28.01.2019

Кыргызстанда аламан улакка Польшадан алынып келген аттар көп чабыла баштады. Алыстан түмөн түйшүк менен, көп акчага сатылып келген мындай аттар негизинен Чүйдө Дача-Су айылында багылат. Арасында Польшада бир катар мелдештерде байге алган "чемпион" атыккан аттардын да тукумдары бар. Европадан алынып келген, Кыргызстанда үйрөтүлгөн аттарды Тажикстандан, Ооганстандан да келип сатып алып кетишет. Дача-Суда поляк жылкыларын кунан кезинен үйрөтүп, таптап-баккан, табына келтирген, улак тартышка даярдаган саяпкерлердин бири - Кубанычбек Абдыбаетов.

Аба ырайы: күн ачык болот “Кыргызгидромет” борбору кабарлагандай, 29-январда өлкөдө жаан-чачын күтүлбөйт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге жетет.  Абанын температурасы: Чүй облусунда түнкүсүн -2…-7, күндүз 7…12; Талас жергесинде түнкүсүн -2…-7, күндүз 6…11; Ош, Жалал-Абад жана Баткен аймактарында түнкүсүн 0…-5, күндүз 6…11; Ысык-Көл дубанында түнкүсүн -3…-8, күндүз 0…5; Нарын облусунда түнкүсүн -23…-28, күндүз -7…-12 градус болот. Читать дальше...

Улуттук госпиталдагы Көздүн биринчи микрохирургиясы госпиталында иштеген 30дай дарыгер бүгүн, 28-январда Жогорку Кеңештин алдына нааразылык акциясына чыгышты. Алар Көздүн биринчи микрохирургиясы бөлүмүнүн башчысы Салтанат Иманбаеванын кызматтан алынышын талап кылып жатышат. Пикетке чыккандар менен парламент депутаты Дастан Бекешев жолукту. 2017-жылдын жайында бул бөлүмдүн ондон ашуун дарыгери Салтанат Иманбаеванын үстүнөн Улуттук госпиталдын директору Динара Сагинбаевага арызданган. Алар Иманбаева менен иштөөгө мүмкүн болбой калганын... Читать дальше...

Буга анын адвокаттарынын 28-январга белгиленген сот ишине катыша албай тургандыгы жөнүндө өтүнүч каты негиз болду.  Албек Ибраимовдун иши каралып жаткан Октябрь райондук сотунун алдына анын тарапкерлери жана жакындары да чогулушту. Алар Ибраимовго козголгон кылмыш ишин саясий куугунтук деп баалашты. Бул тууралуу Кыргызстан социал-демократиялык партиясынын (КСДП) катчылыгы билдирди.  Бишкек шаарынын экс-мэри Албек Ибраимовго козголгон кылмыш иши боюнча териштирүү 15-январда Октябрь райондук сотунда башталган. Читать дальше...

Филиппиндин түштүгүндөгү ондогон кишинин өмүрүн алган кош жардыруу үчүн жоопкерчиликти "Ислам мамлекети" террордук тобунун байланышы бар жоочулар өз мойнуна алышты.  27-январда таркатылган уюмдун билдирүүсүндө жардырууларды жанкечтилер уюштурганы айтылган. Калабада 20дай адам курман болуп, сексенге жакын киши жаракат алды. Биринчи жардыруу жекшембиде Холо шаарындагы католиктердин чиркөөсүндө диний жөрөлгө өтүп жаткан маалда болгон, окуя болгон жерге куткаруучулар жана "Тез жардам" кызматынын өкүлдөрү барганда экинчи бомба жардырылган. Читать дальше...

Бул тууралуу Экономикалык кылмыштарга каршы күрөш боюнча мамлекеттик кызмат (Финансы полициясы) билдирди. Мекеменин маалыматына ылайык, "Айкөл Ала-Тоо" коомдук бирикмесинин мурдагы жетекчиси жана анын орун басары коомдун мүчөлөрүнө материалдык жана социалдык жардам катары түшкөн акчаны өздөрүнө ыйгарып алышканы тергөө иштеринин жүрүшүндө аныкталган. Маалыматта айтылгандай, 2018-жылы Финполицияга "Айкөл Ала-Тоо" коомдук бирикмесинин мүчөлөрү коомдун мурунку төрагасы Мээрбек Мискенбаев жана башка башкаруучу... Читать дальше...

Президенттин аппаратына 2018-жылы жазуу жүзүндө, коомдук кабылдамалар жана “ишеним телефондору” аркылуу 17 827 жарандан кайрылуу түшкөн. Эң көп арыз-дооматтар жана сунуштар Бишкек шаарынын тургундарынан - 5422 (38,2%) болгон. Ошондой эле КМШ жана башка өлкөлөрдөн 485 жарандын кайрылуусу катталган. Бул тууралуу президенттин аппаратынын маалыматтык саясат бөлүмү кабарлады. Сот жана укук коргоо органдарынын иши боюнча 6487 кайрылуу болуп, ал 45 пайызды түзгөн. Өкмөттүн ишине байланыштуу 3357 кайрылуу болгон. Читать дальше...

Балыкчыдагы Чыңгыз Айтматов атындагы №5 мектеп майып, бирок окууга уруксат берилген 14 жаштагы өспүрүм кызды окуудан чыгарды.

Мамлекеттик миграция кызматы Ички иштер министрлиги (ИИМ) жана жарандык активисттер менен кошо Чүй облусундагы ишканаларды кыдырып, анда иштеп жаткан чет өлкөлүк жарандар тууралуу маалымат алган. Мекеме "Азаттыкка" кабарлагандай, Токмоктогу мунайды кайра иштетүүчү заводдо 74 кыргызстандык, 34 кытайлык жаран эмгектенет. Ишкананын директорунун орун басары Чжэн Сюэм кытай жарандары заводдун аймагындагы жатаканада жашаарын, 2012-жылдан тартып Кытай тараптан заводдун курулушуна жана ишке киришине 60 миллиондой доллар жумшалганын билдирген. Читать дальше...

“Интербилим” коомдук уюмунун Оштогу филиалынын жетекчиси, укук коргоочу Гүлгаакы Мамасалиева "кадыр-баркыма доо кетирди" деген доо менен Ош шаардык мэриясынын муниципалдык менчик башкармалыгынын кызматкери Эшмурат Аматовду сотко берди. Бул тууралуу “Азаттыкка” Мамасалиева өзү билдирди.  Укук коргоочунун айтымында, мэрия кызматкери аны “он жылдан бери чыр чыккан маселелерге аралашып, акча жасап жүрөт” деп шылдыңдап, айыптаган.  Гүлгаакы Мамасалиева Эшмурат Аматовго 65 миң сомдук доо койгон. Ал арызын Ош шаардык сотуна тапшырды. Читать дальше...

Райондун Авлетим айыл аймагына караштуу Чоңтовар-Сай айылынын тургуну Айбек Жанчаров “Азаттыкка” айылдыктар 10 жылдан бери электр энергиясы жок жашап келе жатышканын билдирди: - Авлетим айылынын борборунан 4 чакырым алыстыктагы биздин участкага он жыл мурда 50 адамга жер тилкеси берилген. Бирок ушул кезге чейин ал жакка электр энергиясы жеткирилген жок. Айылдыктар караңгылыкта жашап келатабыз. Жарык боюнча маселе көп жолу көтөрүлгөнү менен чечилбей келе жатат. Бул маселе өткөн жумада Жогорку... Читать дальше...

Марафончу Нуршат Абабакиров “Максаттуу чуркоо” акциясынын алкагында чуркоо аркылуу көзү азиздерге таякча алууга каражат топтогусу келет. Акцияны көзү азиз Азат Токомбаев да колдоп, чуркай баштаган. Акциянын катышууучулары маалыматтарды социалдык тармактагы баракчаларына жүктөп, ал жактан атайын эсепке акча чогултушат. Көзү азиздер үчүн таякчалар атайын Америкадан буйрутма менен алынып келет.

Анын асылып турган сөөгү Талас шаарынын Чолпон Мамбетов атындагы облустук ооруканасынын арт жагынан табылган. Окуя тууралуу күбөлөр 28-январь күнү саат 8:45тер чамасында милицияга билдиришкен. Облустук ички иштер башкармалыгынын басма сөз кызматы "Азаттыкка" маалымдагандай, каза тапкан жаран шаардагы кафелердин биринде официант болуп иштеп жүргөнү аныкталды. Маркумдун сөөгү моргго жеткирилип, окуя боюнча териштирүү иштери башталды. (AlS)

Кыргызстанда 1-январдан тартып күчүнө кирген кодекстердин негизинде Кылмыштар менен жоруктардын бирдиктүү реестри иштей баштады. Ага ылайык, мыйзамдарда "кылмыш ишин козгоо" деген түшүнүк жоюлуп, материалдар бирдиктүү реестрге катталган учурдан тартып тергөө жана сотко чейинки өндүрүш башталат.

Жогорку Кеңештеги “Өнүгүү-Прогресс” фракциясынын лидери Бакыт Төрөбаев камакта отурган Өмүрбек Текебаев, Садыр Жапаров жана башка саясатчылардын иши кайра каралышы керек экенин айтты. Ал бул тууралуу “Фейсбукта” партиянын баракчасы аркылуу түз эфирде билдирди. - Садыр Жапаров, Өмүрбек Чиркешович Текебаев жана жалпы эле саясий куугунтукка кабылган саясий ишмерлер бар. Башкы прокурор жана башка укук коргоо органдары бул иштердин баарын жаңы ачылган жагдайдын негизинде кайрадан карап чыгып, сотко жибериши керек. Читать дальше...

Кыргызстандын Футбол федерациясынын төрагасы Семетей Султанов ВВСге маек куруп, өзү, кыргыз курама командасынын Азия кубогуна ойноого жетишкени, экс-президент Алмазбек Атамбаев менен туугандык байланышы, федерациянын жана кыргыз футболунун келечеги жөнүндө айтып берген. Ал федерация башчылыгынан кеткенин мурда билдиргени менен иш жүзүндө кете элек экенин да айткан:  - Мен өзүм "федерация башчылыгынан кеттим" деп айткам. Бирок күйөрмандар, курама командадагы футболчулар мени "кетпеңиз" деп суранышты. Читать дальше...

Вице-премьер-министр Замирбек Аскаров 28-январда Талас облусунун жетекчилери менен жолугушууда аймактардын дотациясын азайтуу зарыл экенин билдирди. Аскаровдун маалыматы боюнча, Талас облусундагы 37 айыл өкмөттүн 33ү мамлекеттик бюджеттен кошумча каржыланат.  - Жалпы облус боюнча дотациянын деңгээли 33,2%, - деди ал. - Муну азайтыш үчүн облус жетекчилиги жеткиликтүү иш алып барышы керек. Бул үчүн аймакка сырттан инвестиция тартып, жергиликтүү бийлик чет элдик инвесторлор менен сүйлөшүүлөрдү жүргүзүүгө тийиш. Читать дальше...

Бишкекте Чоң Чүй каналына түшүп кеткен төрт жашар кыздын сөөгү табылды. Бул тууралуу Өзгөчө кырдаалдар министрлигинин басма сөз кызматы кабарлады. Мекеменин маалыматына ылайык, окуя 27-январда Бишкектин Ауэзов көчөсүндө болгон. Кыздын сөөгүн 28-январда бир туугандары табышкан. Бирок куткаруучуларга ал тууралуу маалымат берилген эмес. Ага чейин Өзгөчө кырдаалдар министрлигинин алты куткаруучусу издөө иштерин жүргүзүп жаткан. (BTo)

Элди толкутуп, бириктирген кыргыз футболу, көп улуттуу коом ынтымагы бекем болгондо гана өнүп-өсөрүн улуттук ураанга айлантышыбыз керек.

Ооган жергесинде тынчтык орнотууну көздөгөн америкалык делегация менен “Талибан” кыймылынын өкүлдөрүнүн катардагы сүйлөшүүсү “олуттуу прогресске” жетишкени маалым болду.

Кыргыз өкмөтү 2018-жылдагы экономикалык өнүгүүнүн жыйынтыгын чыгарды.

АКШ Венесуэланын президенти Николас Мадурого баш ийген күч органдары өлкөдөгү америкалык дипломаттарга же өзүн убактылуу мамлекет башчы деп жарыялаган Улуттук ассамблеянын башчысы Хуан Гуайдонун коопсуздугуна коркунуч туудурса, ага олуттуу жооп кайтарыларын эскертти.   Бул тууралуу АКШ президентинин улуттук коопсуздук боюнча кеңешчиси Жон Болтон "Твиттерге" жазды. Ал Куба Мадуронун куралдуу тарапкерлерине колдоо көрсөтүп жатканын да белгиледи.  Николас Мадуро жекшембиде америкалык дипломаттардын... Читать дальше...

Бишкекте бүгүн, 28-январда "Кумтөр" келишимин денонсациялоо жана кенди мамлекетештирүү маселеси талкууланат. Бул тууралуу «Азаттыкка» жарандык активист, "Элдик курултайдын" чечимдерин аткаруу комитетинин төрагасынын орун басары Айбек Мырза билдирди. Анын айтымында, талкууда былтыр ноябрдагы курултайда көтөрүлгөн талаптардын аткарылышы тууралуу сөз болот. Бул ирет уюштуруучулар курултайдын мүчөлөрү иштеп чыккан "Кумтөр" алтын кен долбоору боюнча макулдашууну денонсациялоо жана кенди мамлекеттин... Читать дальше...

Мурдагы транспорт жана байланыш министри Аргынбек Малабаев жол кырсыгына кабылып, Сокулук райондук ооруканасынын реанимация бөлүмүндө жатат. Бул тууралуу Чүй облустук жол кыймыл коопсуздугун камсыздоо башкармалыгынын басма сөз кызматы "Азаттыкка" билдирди. Маалыматка караганда, Аргынбек Малабаев түшкөн «Тойота Лэнд Крузер» автоунаасы 27-январдын кечинде Сокулук районундагы Белогорка капчыгайында жардан кулап, 38 жаштагы айдоочу каза тапкан. Машинеде айдоочудан тышкары үч киши болгон. Алардын баары Сокулук райондук ооруканасына жеткирилген. Читать дальше...

Бүгүн, 28-январда ажылык зыяратка барчуларды ташуу үчүн авиакомпаниялар арасында жарыяланган сынактын жыйынтыгы чыгарылат.  Кыргызстан мусулмандар дин башкармалыгы билдиргендей, 2018-жылдын 28-декабрында зыяратчыларды ташууга Кыргызстан менен Сауд Арабиясынын авиакомпанияларына сынак жарыяланган. Анын жыйынтыгы 28-январда чыгышы керек. Авиациялык ишканаларга “бир учакка 250дөн киши батышы керек, сынактан Сауд Арабиясынын авиакомпаниясы утса анын Кыргызстанда өкүлчүлүгү болсун жана адал тамак-аш менен камсыз кылсын” деген талаптар коюлган. Читать дальше...