Новости за 20.03.2019

Австралиянын премьер-министри Скотт Моррисон Түркиянын президенти Режеп Тайып Эрдогандын Жаңы Зеландиядагы мечитте болгон кыргындан кийинки айткан сөзүн айыптап, расмий Канберра Анкара менен алакасынын “бардык шарттарын” карап чыгышы мүмкүн экенин эскертти.         Мурдарак Эрдоган мусулмандарга каршы австралиялыктардын “табыты” Галлиполидеги кармашта өлгөн бабаларыныкындай мекенине жиберилерин эскерткен. Биринчи дүйнөлүк согуш маалында Галлиполи жарым аралында түрктөргө каршы кармашта сегиз минден... Читать дальше...

Өлкө башчысы Сооронбай Жээнбеков Касым-Жомарт Токаевди Казакстандын президентинин кызматына киришкени менен куттуктады. Өлкө башчынын аппаратынын маалыматтык саясат бөлүмү кабарлагандай, Жээнбеков Казакстан менен стратегиялык өнөктөштүк, кошуналык мамиле уланат деген ишенимин билдирди. Касым-Жомарт Токаев бүгүн ант берип, президенттик кызматка киришти. Ант берүү аземи Казакстандын парламентинде өттү. Эми Токаев 2020-жылга белгиленген шайлоого чейин өлкөнүн президенти болуп калат. Казакстандын... Читать дальше...

Якутияга барган кыргыз делегациясы мамлекеттик телеканал аркылуу жергиликтүү элден кечирим сурап, кайрылуу жасады. Делегациянын өкүлдөрү бардык өлкөлөрдө жоопкерчиликти кылмышты жасаган адам тартарын белгилешип, кылмышкердин айынан Якутияда эмгектенип жүргөн башка кыргызстандык жарандарды жазалабоону өтүнүштү.         Мамлекеттик миграция кызматынын жетекчисинин орун басары Самат Токтоболотов 20-мартта Якутск шаарынын мэри Сардана Авксентьева менен жолугушканын "Фейсбукка" жазды.   Якутияда кыргызстандык... Читать дальше...

Казакстандын мурдагы президенти Нурсултан Назарбаевдин тун кызы Дарига Назарбаева казак парламентинин жогорку палатасы – Сенаттын төрайымы болуп шайланды. Бүгүн президент катары ант берген Касым-Жомарт Токаев Сенатты жетектөөгө Назарбаеванын талапкерлигин сунуш кылды.   55 жаштагы Дарига Назарбаева буга чейин Сенаттын эл аралык мамилелер, коргонуу жана коопсуздук комитетин башкарган. Ага чейин вице-премьер-министрдин кызматын аркалаган. 65 жаштагы Касым-Жомарт Токаев 20-мартта ант берип, президенттик кызматка киришти. Читать дальше...

Шаардагы Жалал-Абад мамлекеттик университетинин медицина факультетинде окуп жаткан индус улутундагы беш студенттен кургак учук чыкты. Бул тууралуу “Азаттыкка” облустук Бауэр атындагы кургак учукка каршы борборунун дарыгери Бахадыр Пулатов билдирди: “Бир айлыктын алкагында Индиядан, Пакистандан жана Бангладештен келген 700дөн ашык, Өзбекстандан келген 210 студентти флюорографиядан өткөрдүк. Жаза аткаруу мамлекеттик кызматынын шаардагы №10 колониясында жазасын өтөп жаткан 620 адамды жана Сузактагы... Читать дальше...

Гаага соту босниялык сербдердин мурдагы лидери Радован Каражичтин доо арызы боюнча өз чечимин жарыялайт. Соттун сыртында 1995-жылы кыргынга кабылган сегиз миң мусулмандын жакындары турушат. 2016-жылы мурдагы Югославия боюнча БУУнун Эл аралык трибуналы босниялык сербдердин экс-лидери Радован Каражичти Сребреницадагы геноцид жана 1990-жылдары Балкан согушу маалында адамзатка каршы кылмыштары үчүн күнөөлүү деп таап, 40 жылга эркинен ажыраткан. Каражич өз арызында сот чечим чыгарууда элүүдөй ката кетиргенин жазган. Читать дальше...

Жогорку Кеңеш кыргыз-тажик чек арасында чыккан жаңжал жана эки тараптуу сүйлөшүүдөн кийин кабыл алынган чечим тууралуу өкмөттүн маалыматын 3-апрелде угат. Тиешелүү чечим парламенттин бүгүнкү жалпы жыйынында кабыл алынды. «Өнүгүү-Прогресс» фракциясынын депутаты Исхак Масалиев аткаруу бийлигине "толук даярданып келип маалымат берүүнү" сунуштады. Аны депутаттардын көпчүлүгү колдоду. Эл өкүлдөрү чек арадагы абал боюнча премьер-министр Мухаммедкалый Абылгазиев парламентке өзү келбегенин сындап, өкмөттү... Читать дальше...

Кыргызстандын мурдагы жана азыркы президенттери Алмазбек Атамбаев менен Сооронбай Жээнбековдун эрегиши мурдагыдан да күч алды.

Президент Сооронбай Жээнбеков чек арада чыр-чатакты болтурбоо үчүн калк арасында алдын ала жеткиликтүү иш жүргүзбөгөнү үчүн күч түзүмдөрүнүн ишин сынга алды. 20-мартта Баткен облусундагы чек арадагы абал боюнча кеңешмеде президент буларды айтты: «Өлкөдөгү бейпилдик жана тынчтык чек арадагы туруктуулукка байланыштуу болот. Кандай гана кырдаал түзүлбөсүн, озунуп иштеп, жергиликтүү бийликтин жана калктын өкүлдөрү менен биргелешип маселелерди чечүү зарыл. Ар кандай бузуку аракеттерге жол бербегиле», — деди президент. Читать дальше...

Казакстандын президенттик кызматына киришкен Касым-Жомарт Токаев борбор калаа Астананы өлкөнүн тунгуч президенти Нурсултан Назарбаевдин атынан Нурсултан деп атоону сунуш кылды.  Ал бул тууралуу Казакстандын парламентинде ант бергенден кийин жасаган билдирүүсүндө айтты. Анын сунушунан кийин депутаттар ордунан туруп бир топко чейин кол чабышты.      Касым-Жомарт Токаев мындай сунушту парламентарийлер буга чейин да беришкенин эске салып, «Казакстандын биринчи президентинин эл алдында эмгеги абдан чоң. Читать дальше...

Нурсултан Назарбаев президенттиктен кеткени менен өлкөдө кескин өзгөрүүлөр болбойт. Мындай пикири менен Казакстандагы оппозициячыл публицист, Назарбаевдин бийлиги маалында үч жарым жылга кесилип, абакта отуруп чыккан Сергей Дуванов “Азаттыктагы” маегинде бөлүштү.

Кыргыз-тажик чек арасындагы чыр-чатак боюнча Жогорку Кеңешке өкмөт башчы Мухаммедкалый Абылгазиевдин өзү келбегени депутаттардын нааразычылыгын жаратты. КСДП фракциясынын депутаты Карамат Орозова премьер-министр, күч органдарынын жетекчилери парламентке келиши керек экенин айтты. «Эмне себептен өкмөт башчы келген жок? Чек арада ок атылып, чек ара бузулуп жатат. Эмне үчүн башкы прокурор, тышкы иштер министри жана башка министрлер келген жок? Алар келмейинче биз бул маселени карабашыбыз керек. Кесиптештер... Читать дальше...

Казакстанда Сенаттын төрагасы Касым-Жомарт Токаев ант берип, президенттик кызматка киришти. Ант берүү аземи Казакстандын парламентинде өттү. Касым-Жомарт Токаев ант берген соң ага өлкөнүн Борбордук Шайлоо комиссиясынын төрагасы президенттин эң белгилерин тапшырып, президент катары жарыялады. Эми Токаев 2020-жылга белгиленген шайлоого чейин өлкөнүн президенти болуп калат. Ант берүү аземин Мажилистин төрагасы Нурлан Нигматулин алып барды. 19-мартта жергиликтүү убакыт боюнча кечки саат жетиде... Читать дальше...

Жогорку Кеңештин төрагасы Дастанбек Жумабеков экс-президент Алмазбек Атамбаевдин парламент депутаттарына карата 17-мартта Аксы окуясында курман болгондорду эскерүү жыйынында айткан сынына жооп кайтарып, саясий маданиятты сактоого чакырды.

Кыргызстан менен Казакстандын чек арасындагы “Ак Тилек” өткөрмө бекетинде жүзгө жакын жүк ташуучу унаа кезекте турат. Бул тууралуу Чек ара кызматынан кабарлашты. Маалыматка ылайык, 19-март күнү кечке жуук бул бекетте унаалардын кезеги пайда болду. Буга Казакстан тараптын автоунааларды көбүрөөк убакыт текшергени себеп болгон. Учурда бир саатта 4-5 унаа чек арадан өтүп жатат. Кыргыз-казак чек арасындагы башка бекеттерге унаалардын тыгыны байкалган жок. (BkA)

Ысык-Көл облусунун Түп районуна караштуу Каркыра айылы Казакстан жана Кытай менен чек арада жайгашкан. Бул айыл өзгөчө аймак макамына ээ жана стратегиялык жактан маанилүү деп эсептелгени менен тургундарынын жашоосу бийликтин көңүл сыртында калгандай.

Баткендеги чек ара чатагы боюнча кыргыз-тажик өкмөттөрү беш күндүк сүйлөшүүдөн кийин мунаса пикир табышканын жарыялашты.

“Электр станциялары” ишканасынын директору Аскар Эшимбеков каза болду. Бул маалыматты аталган ишкананын кызматкерлери ырасташты. Маалыматка ылайык, 57 жаштагы Эшимбеков бүгүн эртең менен оорудан улам каза болгон. Аскар Эшимбеков былтыр май айынан бери “Электр станциялары” ишканасын жетектеп келген. Ага чейин “Түндүк электр” ишканасынын жетекчиси, Жогорку Кеңеште жана башка энергетикалык мекемелерде иштеп келген. (BkA)

19-мартта Бишкектин Биринчи май райондук соту «Супер-Инфо» гезитинин жактоочуларынын арызын канааттандырып, Экономикалык кылмыштарга каршы күрөш боюнча мамлекеттик кызматтын (Финполиция) аталган гезитти салыктык текшерүүдөн өткөрүү тууралуу эки токтомун жокко чыгарды.

Бишкек ЖЭБ боюнча айыпталган мурдагы жетекчилердин адвокаттары Жогорку соттун төрайымы Гүлбара Калиевага кайрылды. Бул тууралуу мурдагы премьер-министр Сапар Исаковдун адвокаты Нурбек Токтакунов билдирди. Кайрылууда Бишкектин Свердлов райондук сотунда башталып жаткан сот процессине ачык-айкындыкты камсыз кылууну жана журналисттерге шарт түзүп берүүнү суранган. “Соттун жабык өтүшү ар түрдүү маалыматтарды бурмалоого жана түкшүмөл пикирлерге жол ачат”, – деп айтылат адвокаттардын кайрылуусунда. ... Читать дальше...

2019-жылы жалпы айыл чарба өсүмдүктөрүн себүү аянты 1219,4 миң гектарды түзүп, өткөн жылга салыштырмалуу 4,6 миң гектарга көбүрөөк болду. Бул тууралуу Айыл чарба, тамак-аш өнөр жайы жана мелиорация министрлигинин басма сөз кызматы кабарлады. Маалыматка караганда, быйыл негизинен арпа, жүгөрү, чанактуу өсүмдүктөр, пахта жана тоют өсүмдүктөрүн өстүрүүгө басым жасалууда. Бул жылы жазгы-талаа иштери былтыркы жылга караганда 15-20 күнгө эрте башталды. Республика боюнча 156,2 миң гектар жер айдалды. Читать дальше...

АКШ колдогон сириялык оппозициялык күчтөр Сириянын чыгышындагы Багхуз шаарын ээлешти. Багхуз "Ислам мамлекети" террордук тобунун акыркы чеби деп саналчу. Жүздөгөн согушкерлер багынып беришкени кабарланды. Сирия демократиялык күчтөрүнүн басма сөз катчысы Мустафа Бали “Багхуздагы лагерди ээлөө – чоң кадам болгону менен, жеңиш тууралуу айтууга али эрте” деп билдирди. ИМ тобунун көзөмөлү алдында Евфрат суусунун жээгиндеги чакан аянт калды. Мындан тышкары террорчулардан бошотулган аймактарда да жашырынган... Читать дальше...

Ирандын ракета программасы Жакынкы Чыгыштагы кырдаалга терс таасирин тийгизет жана аймакта курал атаандаштыгына шарт түзөт. Бул тууралуу АКШнын мамлекеттик катчысынын курал-жаракты көзөмөлдөө боюнча жардамчысы Йелли Поблете билдирди. Ал “Иран тез арада баллистикалык ракеталарга байланышкан ишмердигин токтотууга, мындай ракеталарды террордук топторго жана башка жактарга сатууну токтотууга тийиш” деп кошумчалады. Поблете Иран Йемендеги хути козголоңчуларын жана Ливандагы "Хезболланын" согушкерлерин колдогонун айтты. Читать дальше...

Жогорку Кеңештин 20-марттагы жалпы жыйынында парламенттеги «Өнүгүү-Прогресс» фракциясынын лидери Бакыт Төрөбаев Улуттук коопсуздук комитет (УКМК) менен Ички иштер министрлигине (ИИМ) экс-президент Алмазбек Атамбаевдин күзөтүн күчөтүү керек экенин айтты. Ал Атамбаевдин 17-марттагы билдирүүсүнөн кийин өлкөдөгү коомдук-саясий абал чыңалып кетиши мүмкүн экенин билдирди. «Алмазбек Атамбаев «мени өлтүрүп кетсе да катамды оңдойм» деп айтты. Ошону кандай түшүнсө болот? Мен ИИМдин, УКМКнын өкүлдөрүнө кайрылам, экс-президенттин күзөтүн күчөткүлө. Читать дальше...

Жогорку Кеңештин төрагасы Дастанбек Жумабеков экс-президент Алмазбек Атамбаевдин парламенттин дарегине айткан сынына жооп кайтарды. Жумабеков Жогорку Кеңештин бүгүнкү жыйнынында сөз сүйлөп, Атамбаевдин башкаруусундагы жылдарда коррупциялык механизмдер өнүгүп, бийликти узурпациялоо аракети болгонун билдирди. Дастанбек Жумабеков Атамбаев өлкөнү башкарып турган жылдары парламентке кысым сезилип турганын жана өзүнүн кемчиликтерин парламентке оодаруу аракети болгонун белгиледи. “Кыргыз элин карызга батырган бул - парламент эмес. Читать дальше...