Новости за 07.10.2019

Кыргызстанда аш-тойлор да саясатташып, өткөн иштерди такташып, өз ара ымалага келүүнүн жолун издеген салттуу аянтчага айлана баштады.

Кызыл-Кыядагы жана Сүлүктүдөгү шахталардагы кырсыктардан дем алыш күндөрү алты адам өлдү.

Украинада бийликтин Донбасс боюнча аракеттерине каршы миңдеген адам катышкан митинг өттү. Астанада угуусу начар жана сүйлөй албагандар иштеген кафе ачылды.

Пакистандын премьер-министри Имран Хан 8-августта эки күндүк иш сапар менен Кытайга барат жана анда эки өлкөнүн ортосундагы экономикалык алака катышты, Кашмирдеги соңку жагдайды талкуулайт. Бул Имран Хандын быйылкы жылдагы Бээжинге каттаган үчүнчү сапары жана ал Кашмир маселесинен улам Пакистан менен Индиянын ортосундагы жаңжал курчуп турган маалга туш келди.  Быйыл август айында Индиянын өкмөтү Баш мыйзамын өзгөртүп, Кашмирдин Нью-Делиге баш ийген бөлүгүнүн атайын макамын жокко чыгарарын жарыялаган. Читать дальше...

Кыргызстанда электрондук паспорт жасоо боюнча тендер чырынын жаңы жагдайы ачыкка чыкты.

Ооганстандын чыгышындагы Нангархар провинциясында өкмөттүк аскерлердин автобусунун жанындагы арабада катылган жардыруучу зат жарылып, 10 жайкын тургун ажал тапты. Алардын арасында бир наристе бар экени белгилүү болду. Провинциянын губернаторунун маалымат катчысы Атаулла Хогяни Жалал-Абад шаарындагы бул кол салууда дагы 27 адам жарадар болгонун, алардын айрымдарынын абалы өтө оор экенин билдирди.  Азырынча бул кол салууну ким уюштурганы беймаалым. Нангархар провинциясында "Талибан" кыймылынын... Читать дальше...

Тажикстандын борбору Дүйшөмбү шаарында милиция "Азаттык" радиосунун тажик кызматынын кабарчылары Афсона Акобиршоева менен Тахмина Хакимованы бошотту. Алар бүгүн шаардын көчөлөрүнүн биринде тасма тартып жүрүшкөн учурда кармалган. Милиция журналисттерди кылмышка шектүү кайсы бир жаранды кармоо операциясын тартып жатышкан деп күнөөлөгөн.   Афсона менен Тахмина "Азаттыктын" тажик кызматында иштеп жатканына бир жылдан ашкан.

Жогорку Кеңештин алдында жарандык активист Өндүрүш Токтонасыров Ош шаарында «Азаттык» радиосунун операторуна кол салган окуяны айыптап, «Унчукпай коё албайм» деген акция өткөрдү. Активист "Азаттыктын" айланасындагы акыркы окуяларды "сөз эркиндигине басым" деп баалады.

Токтогул районунун айрым аймактарында иштеп жаткан бир катар компаниялардын геологиялык чалгындоо жана казуу иштерин токтотууну жана кенге берилген лицензияны жокко чыгарууну талап кылган элдик жыйындар ишемби күнү Үч-Терек жана Кызыл-Өзгөрүш айылдарында өтүп, ага 500дөй тургун катышты.

Түркия Сириянын түндүгүндөгү күрт кошуундарына каршы аскердик операциясын баштаганы турат. Анкара аймакка кошумча жоокерлерин жана аскердик техникаларын жайгаштырды.

Шашылыш билдирүү: 8-октябрда күндүз Чүй, Талас, Баткен, Ош, Жалал-Абад облустарынын көпчүлүк аймактарында, Ысык-Көл, Нарын облустарынын кээ бир райондорунда жаан, тоолуу райондорунда кар жаайт. 9-октябрда күндүз Ысык-Көл, Нарын облустарынын көпчүлүк аймактарында, Чүй, Ош, Жалал-Абад, Талас, Баткен облустарынын кээ бир райондорунда жаан жаап, тоолуу райондорунда кар жаайт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетет. Мындай туруксуз аба ырайы айыл чарба иштерин... Читать дальше...

Иран бийлиги орусиялык журналист Юлия Юзиктин кармалышы тууралуу комментарий берди. Өкмөттүн расмий өкүлү Али Рабии 7-октябрда Юзик визасына байланышкан маселеден улам камалганын, ага тыңчылык тууралуу айып тагылбаганын билдирди. Анын айтымында, Иран бийлиги бул маселени териштирип жатат. Буга чейин Юлия Юзик Израилдин атайын кызматтары менен байланышы бар деп шектелип жатканы кабарланган. Юлия Юзик өткөн аптада Тегеранда камакка алынган. Журналист Иранга жеке чакыруу менен келген. Анын паспортун... Читать дальше...

Ирактын премьер-министри Адел Абдел-Махди Багдад шаарынын чыгышындагы 13 адамдын өлүмү менен аяктаган кагылыштан кийин, ал жактагы аскер күчтөрүн полицияга алмаштырууну тапшырды. Бир катар маалымат каражаттары аскер жетекчилери Багдаддын Садр-Сити районунда  "ашкере күч колдонгонун мойнуна алышты" деп жазды. Бийлик ашыкча күч колдонгон командирлерди жоопко тартуу үчүн иликтөө баштаганы белгилүү болду.  Иракта өкмөткө каршы калайман нааразылык акциялар кагылышуулар менен коштолууда. Расмий маалыматка ылайык... Читать дальше...

Интернетке “Инфоком” мамлекеттик ишканасынын мурдагы директору Талант Абдуллаевге түспөлдөш адамдын Мамлекеттик каттоо кызматынын экс-төрайымы Алина Шаикованын мыйзамсыз иштери боюнча айткан тасма тарады. Анда тасмадагы адам Кыргызстанда электрондук паспортко бланктарды алып келүү боюнча тендерде литвалык “Гарсу Пасаулис” компаниясынын өкүлдөрүнүн кызыкчылыгын коргоо үчүн 20 миң доллар алганын айтып берет. Буга Мамкаттоонун мурдагы жетекчиси Шаикова үндөгөнүн жана акча тууралуу анын иш бөлмөсүнөн сүйлөшүлгөнүн шардана кылган. Читать дальше...

Өткөн аптадагы дүйнө болуп өткөн орчундуу окуялар сүрөттөрдө.

Бишкектеги Кесиптик кошуундар федерациясынын имаратынын алдында аталган кошуундардын мүчөлөрү нааразылык акциясын өткөрүштү. Алар Жогорку Кеңеште каралып жаткан «Кесиптик кошуундар жөнүндө» мыйзам долбооруна каршы пикирлерин билдиришти. Алардын айтымында, эгер мыйзам кабыл алынса кесиптик кошуундардын өз алдынчалыгы жоюлуп, бир катар тоскоолдуктар жаралат.

Кримтөбөл Азиз Батукаевдин өлкөдөн чыгып кетиши боюнча козголгон кылмыш иши Бишкектин Биринчи май райондук сотунда 11-октябрда карала баштайт. Бул тууралуу мурдагы президент Алмазбек Атамбаевдин адвокаты Сергей Слесарев билдирди. Анын айтымында, 11-октябрда бул иш боюнча алгачкы кароо өтөт.  Батукаевдин ишине байланыштуу мурдагы президент Алмазбек Атамбаевге «Коррупция» беренеси боюнча айып коюлган. Ал учурда УКМКнын тергөө абагында кармалууда. Андан тышкары мурдагы башкы прокурорлор Аида Саляновага... Читать дальше...

Ондон ашык эл аралык укук коргоо уюмунан турган топ тажикстандык оппозиционер активист Фарход Одинаев тууралуу Беларустун бийлигине кайрылды. Анда Одинаевди Тажикстанга өткөрүп бербөө тууралуу өтүнүч жазылган. Эгер ал мекенине барса «кыйноо өңдүү ырайымсыз мамилеге кабылышы ыктымал» деген кооптонуу айтылган. Фарход Одинаев өткөн айда Варшавага адам укуктары боюнча жыйынга катышуу үчүн баратканда тажик бийлигинин өтүнүчү менен Беларуста камакка алынган. Ал азыр Гродно шаарындагы тергөө абагында отурат. Читать дальше...

Бишкек шаарынын Ленин райондук сотунда өтүп жаткан мурдагы мэрлер Кубанычбек Кулматов менен Албек Ибраимовдун иши боюнча соттук отуруму уланды. Анын жүрүшүндө Ибраимовдун адвокаты Сергей Слесаревдин өтүнүчү менен кошумча күбө катары мурдагы финансы министри Ольга Лаврова жана Коомчулукту өнүктүрүү жана инвестициялоо агенттигинин (АРИС) мурдагы директору Асылбек Чекиров көрсөтмө берди. Жыйындын жүрүшүндө ТВЕА компаниясынын өкүлү Мусажан Макелекти сот отурумуна мажбурлап алып келүү тууралуу мамлекеттик айыптоо өтүнүч келтирди. Читать дальше...

Бүгүн, 7-октябрда Нобел сыйлыгын ыйгаруу жумасы башталды. Стокгольмдо Швециянын академиясы быйылкы биринчи лауреаттарды жарыялады. Салт боюнча адегенде физиология же медицина тармагындагы жеңүүчүлөр аныкталат. Бул ирет академия үч окумуштуунун - америкалыктар Уильям Келлинг менен Грегг Семенсанын, ошондой эле британиялык Сэр Петер Ратклиффтин эмгегин жогору баалады. Алар клеткалардын кычкылтектин тартыштыгына кантип ыңгайлашарын изилдеп чыгышкан.  Онколог Келлинг Жон Хопкинс университетинде, Семенса Гарвардда... Читать дальше...

Саясатчы, коомдук ишмер Азимбек Бекназаровдун талапкерлиги Кыргызстандын Малайзиядагы элчилик кызматына көрсөтүлүп жатат. Бекназаров аны бул кызматка президент өзү сунуш кылганын айтууда.

Таймаштын аралаш түрлөрү боюнча орусиялык мушкер, UFC уюмунун жеңил салмактагы чемпиону Хабиб Нурмагомедов Ташкентте академия ачканы жатат. ТАСС маалымат агенттиги бул тууралуу Нурмагомедов өзү Санкт-Петербург шаарында, "Synergy Global Forum" аттуу билим берүү форумунан кийин журналисттердин суроолоруна жооп берип жатып айтканын жазды.  Нурмагомедов 2020-2021-жылдары Өзбекстанда алгачкы ирет UFC уюмунун турнирин өткөрүүнү пландаштырып жатканы белгилүү болду. Ал акыркы жолу Ташкентке ушул жылдын май айында келип кеткен. Читать дальше...

Кошмо Штаттар Сириянын түндүгүндөгү күрд согушкерлерине каршы Түркиянын аскердик операциясына катышпайт жана бул аймактардан жоокерлерин алып чыгып кетет. Бул тууралуу Вашингтон жекшембиден дүйшөмбүгө оогон түнү атайын билдирүү таратты. Мунун алдында АКШ менен Түркиянын президенттери Дональд Трамп менен Режеп Тайып Эрдоган телефондон сүйлөшкөнү кабарланган. Ак үй тараткан билдирүүдө «америкалык жоокерлер өз милдетин аткарды, Сириянын түндүгүндөгү «Ислам мамлекети» террордук уюмун талкалады» деп айтылат. Читать дальше...

Токтогул районунун Үч-Терек, Кызыл-Өзгөрүш жана Ничке-Сай айыл өкмөтүнүн айрым тургундары аймакта жүргүзүлүп жаткан геологиялык чалгындоо иштерин токтотууну жана кенге берилген лицензияны жокко чыгарууну талап кылышты. Бул тууралуу аталган айылдын тургундары 6-октябрда жыйын өткөрүштү. Үч-Терек жана Кызыл-Өзгөрүш айылдарында өткөн мындай жыйындарга   500дөй тургун катышты. Эл менен жолугушууга Токтогул районунун акими Таалай Жайылов баштаган жергиликтүү органдардын кызматкерлери катышты. Район... Читать дальше...

Премьер-министр Мухаммедкалый Абылгазиев Баткен облусундагы алты адамдын өмүрүн алган шахтадагы кырсык боюнча жыйын өткөрдү. Бул тууралуу өкмөттүн басма сөз кызматы кабарлады. Андан алынган маалыматка ылайык, жыйындын жүрүшүндө Баткендин Кадамжай жана Лейлек райондорундагы шахтадагы кырсык боюнча Экологиялык жана техникалык коопсуздук боюнча мамлекеттик инспекциянын директору Жолдошбек Жунушев маалымат берген. Ал буга чейин иши токтотулган шахтада көмүрдү мыйзамсыз казуу маалында коопсуздукту сактабагандыктан алты киши каза болгонун билдирген. Читать дальше...