Жогорку Кеңеште милиция менен министрдин маселеси көтөрүлдү
22-майда Норвегия, Ирландия жана Испания Палестинаны мамлекет катары тааный турганын жарыялады. Бул чечимди Израил дароо сындаса, газалыктар кубатташты. Кыргызстан Палестинаны 1995-жылы мамлекет катары тааныган. 18-майга караган түнкү Бишкектеги башаламандыктан кийин кыргыз милициясынын дарегине сын күчөдү. Жогорку Кеңеште ички иштер министри Улан Ниязбековдун жоопкерчилигин кароо маселеси көтөрүлдү. Сузак районунда Кара-Дарыя нугунан ашып, 100 гектардан ашык жерди суу каптады. Суу тосмону жарып, үлүш жерлерди каптады. Жергиликтүү бийлик тез арада дамбаны куруп бүтүү зарылдыгын эскертти. Парижде өтчү Олимп оюндарынын шамы Канн кинофестивалына жетти.