Новости за 06.05.2024

Көнбатыш Европа илләре, шул исәптән Бөекбритания 7 майда булачак Россия президенты инаугурациясенә килмәячәк. Европа берлеге илләренең дипломатия буенча башлыгы Жозеп Боррель берлеккә кергән илләргә инаугурациядә катнашуны тыйган.

Миңа 28 яшь. 7 ел элек кияүгә чыктым. Иремә 30 яшь. Әле күптән түгел генә иремне үлеп ярата идем. Чибәр, акыллы, эшчән, кыскасы, бу тормышта уңыш елмайды, хатын-кыз бәхетенә ирештем, дип санадым. Ә хәзер исә аның чыраена төкерәсем килә. Күралмыйм. Әле ярый изге күңелле кешеләр күземне ачты. Бактың исә, иремнең икенче гаиләсе бар икән. 5 яшьлек кызыбыз булуга да карамастан, өстемнән йөреп, тагын бер гаилә корып яткан.

Тинчурин театры залында күренекле язучы, Тукай премиясе иясе, «Мәдәни җомга» газетасының баш мөхәррире Вахит Имамовның 70 яшьлек юбилеена багышланган кичә узды. Кичәдән хәбәрчебез репортажы.

Яңа Мәскәүдә танышын тереләй яндырып үтергән 41 яшьлек ир-атны тоткарлаганнар. Бу турыда «Вести» каналы Тикшерү комитетына сылтама белән хәбәр итте.

Лилия Хәйруллинадан социаль челтәрдәге дуслары яңа туган сабыена нинди исем кушуы белән кызыксына. «Бәлки, мин күрми калганмындыр. Балага нинди исем куштыгыз?» – дип сорый алар җырчыдан. Ләкин виртуаль дуслары нәни егетнең исемен белмәячәк, ахры.

Узган атнада яуган карлар, төбәккә килгән атициклон күпләрне аптырашта калдырды. Апрель ахырында ук җылы көннәр булгач, халык, күршеләрдән калышмау максатын алга сөреп, бәрәңге утырту ягын күргән иде, ләбаса. «Интертат» журналисты исә бихисап бакчачыларны, авыл халкын борчыган сорауларга ачыклык кертергә булды.

Уф, тәнем кыза, башым гүли... Әллә тагын температурам да күтәрелгән инде?.. Әле генә эшеннән кайткан ирем кулын маңгаема куеп карады да смартфонына ябышты.

Җырчы, композитор Марат Галимов гаиләсендә бик сөенечле вакыйга булган. Аның олы кызы Ралинә кияүгә чыккан.

Санкт-Петербург татарлары «театр уйнады» – Питер татар театры һәвәскәрләре беренче премьераларын чыгарды. «Замана чире» трагикомедиясен «Татар-информ» мәдәни күзәтүчесе Рузилә Мөхәммәтова махсус барып карап кайтты.

Казанның бер кунакханәсендә 17 яшьлек егетнең мәетен тапканнар.

Ул җомга көнне 32 яшьлек хатын белән кунакханәдә бүлмә алган (фотода). Алар үзләрен әни һәм ул дип таныштырганнар. Регистратурада егет үзенең караңгы төшкәч китәчәген әйткән. Кич белән хатын-кыз тавыш куптарып ала, янында булган бар нәрсәне җимерәм дип яный, кунакханә хезмәткәрләренә полиция чакыртырга туры килә.

Хатын-кыз иртән чыгып качкан, соңрак егетнең мәетен тапканнар. Кунакханәдә эшләүчеләр сүзләренчә, бу пар наркотиклар кулланган. Читать дальше...

7 майда Татарстанда болытлы, төнлә аязучан-болытлы һава торышы була. Төнлә урыны белән яңгыр һәм җепшек кар явачак. Көндез яңгыр ява, төньяк районнарда җепшек кар һәм яңгыр явачак. Төньяк-көнбатыштан, көньяк-көнчыгыштан уртача тизлектә, иртән һәм көндез урыны белән 14 метр тизлектә көчле җил. Төнлә һава температурасы 0..+2˚, урыны белән -2˚ градуска кадәр суык булачак. Көндез +6..+11˚, көньяк районнарда +16˚ градус.

Илсөя Бәдретдинованың Арчадагы концертында кызык вакыйга булган. Аңа Азамат исемле кияү тапканнар. Тик кияү концертка үзе килмәгән. Яучы ролен Азаматның 12-13 яшьләрдәге туганы үтәгән. Кыю малай татарчалы-русчалы, бик ихлас итеп сөйли. Халык аның сөйләвеннән үк егылып көлә. Илсөя Бәдретдинова бу кызык вакыйганы сторисларында күрсәтте.

Җырчы, әле күптән түгел генә дүртенче тапкыр әни булган Лилиана Ирназарова әнисенең туган көнененә бик зур бүләк ясаган. Ул аңа өр-яңа машина бүләк иткән.

Кичә Башкортстанда яшәүче ике гаилә утырган машина Оренбург өлкәсендә авариягә очрап, 4 кеше һәлак булды. Алар Салават шәһәрендә яшәгән, гимнастика буенча ярышка барырга чыккан булганнар. Бу турыда «Башинформ» хәбәр итте.

Мөнир Рахмаевның хатыны Илсөяр социаль челтәрдәге сәхифәсендә каймак бәлеше рецепты белән уртаклаша.

Россиянең һәм Татарстанның халык артисты Винера Ганиева «Татарстан – Яңа гасыр» телеканалында «Сөйләшергә вакыт» тапшыруында кунак булды. Ул яраткан тормыш иптәше һәм йорты турында сөйләде.

Һәр хуҗабикәнең бер тапкыр булса да ашарга пешергәндә күп итеп тоз «тондырганы» бардыр. Инде тоз күп салдым дип, ризыкны ыргытырга ашыкмагыз. «МИР» телеканалында шул хакта киңәшләр чыкты.

Новосибирск өлкәсендәге Ярково авылында инвалид ир-ат хатынын үтергән. Фаҗигане балалары күреп торган. Ир-ат аннары үз-үзенә кул салмакчы булган. Бу турыда «Комсомольская правда» хәбәр итте.

Кама Тамагында виноград үстерүче Айрат Ямалетдинов социаль челтәрдәге сәхифәсендә югалтулары белән уртаклаша. Ул виноград һәм виктория үсә торган басуда йөри.

Татарлар Җир шарының төрле төбәкләрендә сибелеп яши, кая барсаң да татар кешесен очратасың, диюләре хак икән. Бик күп илләрдә яшәүче татарлар тормышы турында язган булды, ә менә Кытайда яшәүче татарлар тормышы турында үзе дә тумышы белән Кытайдан булган Филюра Акчурина сөйләде.