Новости за 09.04.2024

شاه محمد له تېرو ۳۰ کلونو راهیسې د کراچۍ په سهراب ګوټ سیمه کې درزي (خیاط) دی او یوازې افغان دودیزې جامې ګنډي او په ځانګړي ډول کندهارۍ غاړې جوړوي. دی وايي، له پاکستانه د افغان کډوالو په ایستلو یې کاروبار خراب شوی دی او ګرانۍ یې مالي مشکلات لا زیات کړي دي. دا په داسې حال کې ده چې په پاکستان کې پولیس له تېرې میاشتې راهیسې د افغان سېټېزن یا وګړیتوب کارډونو لرونکو په اړه معلومات غونډوي او د سیند او پنجاب حکومتونه وايي چې پلان لري چې د اپرېل له نیمايي څخه د هغوی د ستنولو بهیر هم پیل کړي. ویډیويي رپورټ.

د اختر له راتګ سره سم د سیند صوبې په حيدر اباد کې د بنګړو کاروبار هم زیات شي. د حيدر اباد بنګړي په ټول پاکستان کې نوم لري او د حيدر اباد خلکو د بنګړو جوړولو دا کاروبار د پاکستان تر جوړېدو وروسته د هند له فیروز اباد سیمې څخه له ځان سره راوړی دی. په دې اړه د فرانس پرېس اژانس له ویډيو جوړ شوی راپور درته دلته وړاندې کوو.

د پاکستان سېنېټ د مشر او مرستيال مشر د ټاکلو لپاره انتخابات د اپرېل پر نهمه وشول چې يوسف رضا ګيلاني يې بې له مقابلې مشر او د پاکستان مسلم ليګ (ن) مشر غړی سيدال خان ناصر بې له مقابلې مرستيال مشر وټاکل شو.

د افغانستان د پکتیا ولایت په څمکنیو ولسوالۍ کې ځينو کسانو په لږې پانګونې وړې کارخونې جوړې کړي او د ځانونو تر څنګ يې د نورو خلکو لپاره هم د کار زمینې برابرې کړې دي. د دې کارخونو مالکان وايي، که چیرې هغوی ته برېښنا ورسېږي او په داخل کې د تولیداتو خامو موادو ته لاسرسی ډېر شي، نو واړه کاروبارونه به يې ډېر وغوړېږي. ويډيويي راپور.

طارق زياته کړه چې چاودنه هغه وخت وشوه کله چې د عامو خلکو ترڅنګ د ګرځنده پوليس ځواک سرتېري د کتيرو کلي په يوه جومات کې د روژه ماتي لپاره غونډ شوي ول.