Новости за 08.03.2020

Stavanger kommune har bestemt å stanse alle arrangement med meir enn 500 tilskodarar. Det kan bety at ishockeylaget Stavanger Oilers sine sluttspelkampar mot Manglerud Star vert avlyst eller går med få eller ingen tilskodarar. Første kamp er på torsdag. For Viking sin del er det berre treningskampar før dei i andre eliteserierunde 13. april tek mot Vålerenga på Viking Stadion. Stavanger er den første byen til å innføre ei slik grense på tilskodartal.

Larvik håndballklubb vart degradert til 1. divisjon i fjor etter at dei ikkje klarte å oppfylle krava til spel i toppdivisjonen. I dag rykka dei opp att etter ein 30-26-siger over Rælingen. – Dette er heilt uverkeleg, og det er mykje kjensler i sving no. Eg kom til klubben utan erfaring på dette nivået, kor eg har jobba med mange unge spelarar. At me no har klart å rykke opp kan me alle vere stolte av, sa trenar Lars Wallin Andresen til Østlands-Posten etter kampen.

Anthony Martials scoring etter ein halv time og Scott McTominay på overtid gav United 2-0 over City i Manchester-derbyet. Det er tredje gang denne sesongen at United slår byrivalen. City-tapet betyr at Liverpool berre treng to sigrar til for å vere sikker på ligagullet.

Andrej Larkov våkna med feber, stod over femmila i Holmenkollen, og vart sendt heim til Moskva. Der skal han mellom anna sjekkast for mogleg koronainfeksjon. – Han vert ikkje med til verdscupen i Canada eller USA. Eg sa med ei gong at han må sendast heim for å føge alle tryggingsreglar og ikkje smitte andre. For om det er virus må det ikkje spreiast, seier Russlands skipresident, Jelena Välbe. Ho understreker at dei ikkje trur det er snakk om koronavirus, men at dei vil vere på den sikre sida.

Sindre Henriksen blei nummer 8 på 1500 meter i verdscupavslutninga på skøyter i Heerenveen i dag. Han fekk tida 1.46,09. Kjeld Nuis vann på 1.43,00. Henriksen var einaste nordmann i aksjon på avslutningsdagen.

Chelsea vann 4-0 mot Everton i dag. Pedro og Willian herjet med Everton-forsvaret søndag. Kantspelarane noterte seg for eit mål og ein målgivande pasning kvar i storsigeren til Chelsea. Mason Mout og Olivier Giroud stod for dei to andre skåringa.

Hopprenna for kvinner og menn i Holmenkollen er avlyst på grunn av sterk vind. Det er også tåke og mykje vatn i bakken. – Det er kjedeleg, men etter å ha sett vêrmeldinga dei siste dagane er det ikkje akkurat ei overrasking, seier Daniel André Tande.

Birk Ruud leia slopestylekonkurransen i X-Games på Hafjell, men falt etterkvart nedover listene og hamna til slutt på ein sjetteplass. Øystein Braaten fekk ein femteplass, medan sveitsiske Andri Ragettli gjekk av med sigeren. Ruud fekk sølv i gårsdagens Big Air-konkurranse.