Новости за 03.09.2023

Дар даври аввали мусобиқот, ки рӯзи чоршанбеи 6-уми сентябр доир мегардад, дастаҳои мунтахаби олимпии Лаос ва Австралия бо ҳам рақобат мекунанд.

Акбар Аҳмадов, яке аз гумонбарон дар рабудану қатли муовини раиси “Ориёнбонк” дар як боздоштгоҳи шаҳри Душанбе ба таври шубҳабарангезе ҳалок шудааст ва ӯро пинҳонӣ дар зодгоҳаш ба хок супурданд.

Мақомоти Ҳинд мегӯянд, аз як шаҳрванди Тоҷикистон ва Русия ҳангоми вурудашон ба шаҳри Деҳлӣ бештар аз 5 килограм тило мусодира кардаанд.

Дар натиҷаи бархӯрди ду мусофирбари хурд дар шимоли шаҳри Бағдод 18 нафар аксарият зойирони эронӣ ҳалок шудаанд.

Паймони Миллии Тоҷикистон, як эътилофи созмонҳои мухолифи давлат боздошти Абдуқодири Рустам, адиб ва равшанфикри шинохтаро маҳкум карда, онро «дастдарозӣ ба маънавиёт ва фазои адабии миллат» хондааст.

Ду сол пеш вақте Толибон қудратро дар Афғонистон ба даст гирифтанд, низомиёни Амрико ба 40 узви ягона воҳиди таъйиноти хос ё худ занони "коммандо"-и афғон кумак карданд, то аз Афғонистон хориҷ шаванд. То имрӯз мақоми ҳуқуқии ин занон рӯшан нашудааст.

Масъулони Норак эълон карданд, ки обанбори нерӯгоҳ то нуқтаи охирин пур шудаву оби зиёдатиро ба рӯдхонаҳо мерезанд. Ҳамин нерӯгоҳ асосан Тоҷикистонро бо барқ таъмин мекунад. Вале бо вуҷуди изҳороти мақомот, мушкили бебарқӣ дар фасли тобистон ҳам аз байн нарафтааст.

Бо боло рафтани сатҳи оби обанбори нерӯгоҳи барқии Норак об аз он хориҷ мешавад.  Ҳоло дар ин обанбор ба сатҳи зарурӣ об ҷамоварӣ кардаанд.