Новости за 21.11.2023

Садои ханда дар Ғазза ин рӯзҳо хеле кам шунида мешавад. Аммо дар як майдончаи бозии кӯдакона, дар шаҳри Хон-Юнус хурдсолон лаҳзае аз даҳшати ҷанг дур мешаванд.  Ҳарчанд ин ҷо ҳам пурра бехатар нест.

Хабарҳои рӯз

Дастаи мунтахаби Тоҷикистон дар даври дуюми марҳилаи интихобии Ҷоми ҷаҳонии футбол-2026 дар гурӯҳи G дар меҳмонӣ тими миллии Покистонро бо ҳисоби 6:1 шикаст дод.

Гурӯҳе аз мақомдорони тоҷик як ҳафта дар Гурҷистон таҷрибаи ин кишвар дар роҳи таъмини доимии мардум ба нерӯи барқро омӯхтаанд.

Номи Муродалӣ Қувватов, муҳоҷири тоҷик, ки монеъи ворид шудани марди рус бо гараната ба масҷиде дар минтақаи Любертсии вилояти Маскав шуда буд, сархати расонаҳо шуд.

Исмоил Ҳания, раҳбари дафтари сиёсии гурӯҳи фаластинии "Ҳамос" бо нашри баёнияе аз наздик будани як оташбаси муваққат бо Исроил хабар додааст. Ҷониби Исроил то кунун дар ин бора чизе нагуфтааст.

Имрӯз Рӯзи ҷаҳонии кӯдакон аст. СММ як ҳадафи аслии эълони ин санаро ҳимоя аз кӯдакон ва ҳифзи ҳуқуқи онҳо гуфтааст. Дар ҳоле, ки дар аксар кишварҳои ҷаҳон дар ин рӯз барои кӯдакон чорабиниву иқдомҳои мухталиф рӯйи даст гирифта шудааст, аз вазъи кӯдакони Ғазза навору аксҳои дилрешкунанда мерасад.

Аз 20 то 30-юми ноябри соли ҷорӣ маъракаи эмкунии кӯдакони аз якуним то панҷ сола бар зидди бемории пневмоккокӣ ё роҳҳои нафас идома мекунад. Вазорати тандурустӣ ва ҳифзи иҷтимоии аҳолии Тоҷикистон хабар дод, ки дар ин рӯзҳо ҳудуди 840 ҳазор кӯдак дар 65 шаҳру навоҳии кишвар, аз ҷумла шаҳри Душанбе моякӯбӣ мешаванд. Ин вазорат аз сокинон даъват кардааст, ки дар ин рӯзҳо кӯдакони синну соли аз 15-моҳа то 5-солаи худро ба ниҳодҳои тиббии ҷойи зисти худ бурда, ваксина намоянд. Пневмококкӣ беморие мебошад... Читать дальше...

Дастаи мунтахаби олимпии футболи Тоҷикистон (U-23) бо раҳбарии сармураббӣ Мубин Эргашев дар доираи омодагӣ ба марҳилаи ниҳоии Ҷоми Осиё-2024 се бозии дӯстона анҷом дод. Ба иттилои Федератсияи футболи Тоҷикистон, футболбозони тоҷик нахуст дар шаҳри Дубай аз тими мизбон - Имороти Муттаҳидаи Араб - бо ҳисоби 1:3 мағлуб шуданд. Голи дастаи Тоҷикистонро Азизбек Ҳаитов ба самар расонд. Мунтахаби Тоҷикистон дар бозии дувумаш ҳамсолони худ аз Кувайтро бо ҳисоби 1:0 шикаст дод. Голро Муҳаммадиқбол Давлатов зад. Читать дальше...

Сокинони Тоҷикистон дар муқоиса бо сокинони кишварҳои дигари минтақа барои харидҳо бештар хушбин будаанд.

Бозии даври дувуми марҳилаи интихобии Ҷоми ҷаҳонии футбол-2026 миёни тимҳои миллии Покистон ва Тоҷикистон имрӯз, 21-уми ноябр, баргузор мешавад.

Маркази таҳқиқотии "Досье" мегӯяд, ду абаркиштиеро ошкор кардааст, ки эҳтимол ба президенти Русия Владимир Путин ва атрофиёни ӯ тааллуқ доранд. Дар бораи киштии "Виктория"-и 71-метрӣ ва "Орион"-и 38-метрӣ, ки аввалиро ҳамроҳӣ мекунад, то ҳол хабар дода нашуда буд. Киштии "Виктория" дар ҳоли ҳозир дар бандари Тузлаи шаҳри Истамбули Туркия таъмир мешавад. Манбаи "Досье", ки бо Путин 20 сол пеш кор кардааст, гуфтааст, "Виктория" дар миёнаҳои солҳои 2000-ум бо фармони президенти Русия дар корхонаи низомии "Севмаш" сохта шудааст. Читать дальше...

Эмомалӣ Раҳмон, раиси ҷумҳури Тоҷикистон субҳи 21-уми ноябр бо  сафари расмӣ ба Русия рафт. Ба иттилои Дафтари матбуоти раёсати ҷумҳури Тоҷикистон, дар ин сафар оқои Раҳмонро муовини сарвазир, вазирони корҳои хориҷӣ, дифоъ, дохилӣ, рушди иқтисод ва савдо, саноат ва технологияҳои нав, энержӣ ва захираҳои об, нақлиёт, меҳнат, муҳоҷират ва шуғли аҳолӣ, маориф ва илм, кишоварзӣ, фарҳанг, молия, раиси Кумитаи меъморӣ ва сохтмон, сардорони хадамотҳои гумрук ва иҷро ва дигар афроди расмӣ ҳамроҳӣ мекунанд. Читать дальше...

Додгоҳи шаҳри Бишкек фаъоли чеченистонӣ Мансур Мовлаевро дар убури ғайриқонунии марзи Қирғизистон айбдор дониста, хостааст, ӯ аз кишвар ихроҷ карда шавад. Вакили дифои маҳкумшуда Бакит Автандил ба тарҳи "Кавказ.Реалии" гуфтааст, онҳо аз қарори додгоҳ розӣ нестанд ва ба зинаи болоӣ шикоят мекунанд. Мовлаев мегӯяд, дар сурати ихроҷ ба ватан ҷонибдорони президенти Чеченистон Рамзан Қодиров ӯро шиканҷа хоҳанд кард. Ҷониби ҳимоятгар аз додгоҳ хоста буд, барои шахси зери ҳимояаш ҷазои ғайриихроҷ таъйин кунад. Читать дальше...