Новости за 09.05.2024

Мақомоти Русия рӯзи 7-уми май ба зиёда аз сад муҳоҷири тоҷик дар шаҳри Санкт-Петербург иҷозаи кор ё патент надода, гуфтаанд, ки рӯзи 21-уми май биоянд.

Мақомот ба даҳҳо муҳоҷири тоҷик дар шаҳри Санкт-Петербурги Русия иҷозаи кор ё патент надоданд. Муҳоҷирони тоҷик мегӯянд, мақомоти рус ба шаҳрвандони кишварҳои дигар патент медиҳанд, вале бе ҳеч далел дархости шаҳрвандони Тоҷикистон рад мешавад.

Музокирот дар бораи оташбас миёни Исроил ва гурӯҳи “Ҳамос”* дар Ғазза ба воситаи кишварҳои миёнарав дигарбора дар пойтахти Миср сар шудааст. Бо вуҷуди оғози гуфтушунид, Рафаҳ – паноҳгоҳи охирини фаластиниёни овора – аз ҷониби Исроил бомбборон мешавад. Ин амал хашми Амрикоро барангехт.

Музокирот дар бораи оташбас миёни Исроил ва гурӯҳи “Ҳамос”* дар Ғазза ба воситаи кишварҳои миёнарав дигарбора дар пойтахти Миср сар шудааст. Бо вуҷуди оғози гуфтушунид, Рафаҳ – паноҳгоҳи охирини фаластиниёни овора – аз ҷониби Исроил бомбборон мешавад. Ин амал хашми Амрикоро барангехт.

Роҳпаймоии “Полки ҷовидон”, ки аз он ҳамчун абзори таблиғотии Русия ҳам ном мебаранд, имсол дар Душанбе бо ҳузури бисёр ками одамон баргузор шуд. Бештари сокинон мустақилона ба Боғи Ғалабаи пойтахт рафта, пирӯзиро дар Ҷанги дуввуми ҷаҳон таҷлил карданд.

Рӯзи 9-уми май дар Душанбе пирӯзиро бар Олмони фашистӣ таҷлил карданд. Аммо яке аз ҷузъҳои ин ҷашн, ки қаблан бо шукуҳу ҳузури мардуми зиёд баргузор мешуд, мисли солҳои пешин набуд. Раҳпаймоии Полки ҷовидон имсол фақат 10-20 нафар дошт. Чаро?

Генерали зиндонӣ ва яке аз фармондеҳони замони ҷанги шаҳрвандии Тоҷикистон Ғаффор Мирзоев бори дигар хоҳони бозбинии ҳукмаш шудааст. Ӯро бист сол пеш ба ҳабси якумрӣ маҳкум карданд. Ғаффор Мирзоев ба пайвандонаш гуфтааст, зуд-зуд бемор мешавад ва мехоҳад, боқии умрро дар канори наздикон гузаронад.

Раиси ҷумҳури Тоҷикистон масъалаи муҳоҷирони кориро дар Русия "ҳассос" ва дар айни замон "муҳиму асосӣ" хонд.

Ахбори Тоҷикистон ва ҷаҳон

Иштироки худсарона дар интихобот боиси ҷарима, ҳабс ва ё ихроҷи муҳоҷир хоҳад шуд

Президенти Русия бори дигар кишварҳои ғарбиро ба "эҳёи фашизм" ва "таҳрифи таърих" муттаҳам кард ва Рӯзи Ғалабаро "иди асосии Русия" номид.

Додгоҳе дар Эрон коргардони шинохта ва мунтақиди Ҷумҳурии Исломӣ Муҳаммад Расулофро ба ҳашт сол зиндон ва шаллоқ (тозиёна) маҳкум кард.

Ҳафт сартарошро дар наздикии шаҳри Гвадари вилояти Балуҷистони Покистон куштаанд.

Ғаффор Мирзоев (Ғаффор Седой), яке аз фармондеҳони замони ҷанги шаҳрвандии Тоҷикистон ва аз ёрони пешини президент, бори дигар хоҳони бозбинии ҳукмаш шудааст.

Паҳлавонони тоҷик дар мусобиқаи Qazaqstan Barysy Grand Slam 2024, ки рӯзҳои 10-12-уми май дар пойтахти Қазоқистон – шаҳри Остона – доир мегардад, иштирок мекунанд.

Баъди як рӯзи тирпарронӣ дар марзи Тоҷикистону Қирғизистон ва захмӣ шудани як омӯзгори тоҷик, марзбонони ду кишвар вохӯрдаанд. Вохӯрӣ рӯзи 8-уми доир шудааст.

Арманистони маблағгузорӣ ба Созмони Паймони Амнияти Дастаҷамъӣ (ОДКБ)-ро қатъ кардааст. Дар ин бора рӯзи 8-уми май Ани Бадалян, намояндаи Вазорати корҳои хориҷии Арманистон хабар дод.

Дар натиҷаи ба дарё сарозер шудани як мошин дар роҳи Душанбе-Чаноқ, се кас ба ҳалокат расида, сарнавишти чор нафари дигар номаълум аст. Ҳодиса баъд аз зуҳри 8-уми май дар ҳудуди ноҳияи Айнӣ рух додааст.

Имсол дар Рӯзи Ғалаба роҳпаймоии “Полки ҷовидон” бо ширкати хеле ками одамон баргузор шуд. Давоми ҳашт соли гузашта садҳо нафар дар ин маросим ширкат мекарданд. Аммо субҳи 9-уми майи имсол фақат ҳудуди 20-30 кас барои ширкат дар роҳпаймоии “Полки ҷовидон” омаданд.

Варзишгарони тоҷик дар мусобиқаи қаҳрамонии бокси Осиё миёни наврасону ҷавонон, ки аз 25-уми апрел то 7-уми май дар шаҳри Остонаи Қазоқистон баргузор шуд, 7 медал (3 нишони нуқра ва 4 биринҷӣ) ба даст оварданд.