Новости за 24.11.2018

په کابل ولایت کې له نشه‌يي موادو سره د مبارزې ځانګړو پولیسو څو ټنه چرس سوځولي دي. په هغه خبرپاڼه کې چې د کورنیو چارو وزارت له‌خوا رسنیو ته لېږل شوې راغلي چې له نشه‌يي موادو سره د مبارزې ځانګړو پولیسو د ملي پوځ د ۷۷۷ هوايي لېوا په مرسته د کابل د خاک جبار ولسوالۍ د ګرګي میدان په سیمه کې ۱۳ ټنه چرس نیولي دي. دا چرس تر نیول کېدو وروسته سوځول شوي او په دې تور تردې مهاله څوک نه‌دي نیول شوي. د یادونې وړ ده چې تېره اوونۍ له نشه‌يي موادو سره د مبارزې ځانګړو پولیسو په لوګر ولایت کې د عملیاتو په ترڅ کې څو ټنه چرس سوځولي وو.

په کندز ولایت کې شپږ وسله وال قاچاق کوونکي نیول شوي دي. د کندز ولایت د امنیه قوماندانۍ له نشه‌يي موادو سره د مبارزې مدیر محمد شِفاء شِفاء رسنیو ته وویل، دا شپږ کسان چې غوښتل یې ۳۲ کیلو او ۵۴۵ ګرامه هیروئین او ۵۷ ګرامه شیشه کندز ښار ته قاچاق کړي، په امام صاحب ولسوالۍ کې ونیول شول. له نیول شوېو قاچاق کوونکو سره وسلې او مهمات هم نیول شوي چې تر لومړنیو څېړنو وروسته له نشه يې موادو سره د مبارزې عدلي او قضايي ادارې ته سپارل شوي دي.

د تخار ولایت پولیسو څه د پاسه لس کیلو ګرامه نشه يي مواد ونیول. د تخار ولایت له نشه يي موادو سره د مبارزې مدیر احمدشاه نادري ازادي راډیو ته وویل، په لومړۍ پېښه کې شپږ کیلو ګرامه هیروئین هغه مهال ونیول شول چې په یوه بس کې ځای پر ځای شوي وو او په پام کې وه کابل ته یې قاچاق کړي. په دوهمه پېښه کې نهه نیم کیلو ګرامه تریاک هغه مهال ونیول شول چې په دوو موټر سایکلو کې ځای پر ځای شوي وو او په پام کې وه چې د تخار مرکز تالقانو ته یې قاچاق کړي. د یادونې وړ ده چې د دې دوو پېښو په تړاو درې کسان نیول شوي دي.

د کورنیو چارو وزارت له نشه يي موادو سره د مبارزې پولیسو تېر میلادي کال د درېيو زرو عملیاتو په ترڅ کې د نشه يي موادو د قاچاقو په تور څه د پاسه درې زره کسان نیولي دي. د کورنیو چارو وزارت له نشه يي موادو سره د مبارزې معین خلیل بختیار په یوه خبرې غونډه کې وویل، دا عملیات د هېواد په ۳۴ ولایتونو کې شوي چې په ترڅ کې یې پنځه تنه لوی قاچاق کوونکي هم نیول شوي دي. ښاغلي بختیار زیاته کړه چې په تېر یوه کال کې څه د پاسه ۳۱۵ ټنه نشه يي مواد نیولي دي. دی وايي: "۳۱۵ اعشاریه ۶۶۱ ټنه بېلابېل نشه يي مواد نیول... Читать дальше...

د درک ردیابۍ (GPS) سافټ ویر شرکت د لومړي ځل لپاره په افغانستان کې د خبریالانو او افغانانو د خوندیتوب لپاره د درک په نوم یو اپلیکیشن جوړ کړی دی. دا چې دغه سېستم څنګه کار کوي او د اړتیا په وخت کې څنګه کولای شو چې ترې ګټه پورته کړو، په دې اړه معلومات په دغه ويډیويي راپور کې ترلاسه کولای شئ: ویډیو: تمیم اخګر وړاندې کوونکی: یوسف ځدراڼ

په افغانستان کې د خبریالانو پر وړاندې د تاوتریخوالي او امنیتي پېښو د مخنیوي لپاره د څارنې یا جي پي اېس سافټ ویر...

د ارزګان ولایت په مرکز ترینکوټ کې عام خلک وايي چې په‌دې ولايت کې معتادين ډېر شوي او په غلاوو يې لاس پورې کړی دی...

افغان حکومت له بشپړ چمتووالي سره د جينوا په کنفرانس کې د ګډون خبر ورکوي، هغه غونډه چې ټاکل شوې، تر دوو...

د افغان حکومت او ملګرو ملتونو سازمان ګډه څېړنه ښيې چې په افغانستان کې د کوکنارو کښت او ترياکو توليد لږ شوی دی.

دغه وزارت د جګړې په ډګر کې د افغان سرتېرو د مرګ ژوبلې د مخینوي ستراتيژي ګټوره بولي او پر لا پياوړتیا یې...

رویا رحماني د امریکا په متحده ایالاتو کې د افغانستان نوې سفیره وټاکل شوه. د ولسمشرۍ ماڼۍ ویاند هارون چخانسوري نن شنبه په کابل کې د يوې خبري ناستې پرمهال د مېرمن رویا رحماني دا ګمارنه تأيید کړه. اغلې رحماني له دې وړاندې په اندونیزیا کې د افغانستان سفیره وه. رویا رحماني د کولمبیا او مک ګیل په پوهنتونو کې زده کړې کړي دي.

د افغانستان د بشر حقونو خپلواک کمېسیون د شمال زون په محابسو کې د لوړ عمرلرونکو زندانیانو د شتون او د ...

ولسمشرۍ ماڼۍ وايي، افغانستان به له ښکاره لاسته راوړنو سره د ژنیو په کنفرانس کې ګډون وکړي. ټاکل شوې چې د ژنیو دوه ورځنی کنفرانس د راتلونکې سې او چهارشنبې په ورځو کې ترسره شي. د ولسمشر ویاند هارون چخانسوري نن په کابل کې يوې خبري ناسته وویل چې،په دغه کنفرانس کې به افغان چارواکي د هغو ژمنو د عملي کېدو په اړه افغان ولس او نړیوالو ته معلومات ورکړي چې د افغان حکومت لخوا شوي دي. د ښاغلي چخانسوري په خبره،د خصوصي سکتور په برخه کې اصلاحات کې،د عوایدو زیاتوالی، شفافیت،د فساد سره مبارزه او سوداګرۍ ته د... Читать дальше...

د کابل د علماوو شورا رئیس مولوي بصیر حقاني نن د کابل ښار د چهل ستون په سیمه کې د نامعلومو کسانو له خوا په ډزو وژل شوی دی. د بصیر حقاني ورور نورالحق ازادي راډیو ته د نوموړي وژنه تائید کړه. ده وویل: "د کور خوا کې کله چې هغه له موټره ښکته شو، ويې واژه، د چهل ستون د دهن باغ په سیمه کې." د افغانستان د علماوو شورا او افغان امنیتي چارواکو تر دې مهاله په دې اړه څه نه دي ویلي او نه هم کومې ډلې د دغې پېښې مسؤلیت په غاړه اخیستی.

د افغانستان د هوا پېژندنې ملي اداره د تېر کال په پرتله سږ کال په کابل او د افغانستان په ځينو نورو سیمو کې...

د حکومت او طالبانو ترمنځ د خبرو لپاره د پلاوي د لېست له خپرېدو وروسته، ولسمشرۍ ماڼۍ وايي چې اوس هم...

د افغانستان د انتخاباتو خپلواک کمېسیون وايي، ټاکل شوې چې د نن ورځې تر پایه د پنځو نورو ولایتونو ...

د افغانستان ولسي جرګې د غزني ولایت په مالستان او جاغوري ولسوالیو کې د افغان ځواکونو پراخ عملیات ...

د ارزګان ـ کندهار د لويې لارې موټر چلوونکي او تلونکي مسافرین وايي، د کندهار امنیتي مسؤلینو یې پر دغه لاره...

د افغانستان د اطلاعاتو او فرهنګ وزارت او په افغانستان کې د یونسکو اداره غواړي چې د دغه هېواد د تاریخي...

د افغانستان دفاع وزارت وايي، د دغه وزارت یوه پوځي الوتکه نن سهار د ناستې پر مهال له فني ستونزې سره مخ شوه چې دوه تنه پکې ووژل شول او دوه نور ټبیان شول. د دغه وزارت ویاند غفور احمد جاوید رسنیو ته په یوه استول شوي پیغام کې ویلي چې دغه پېښه د کندهار ولایت په معروف ولسوالۍ کې شوې ده. د ښاغلي جاوید په خبره، د پېښې د څرنګوالي په اړه څېړنې پیل شوي دي. تېره میاشت هم د دفاع وزارت یوه هلیکوپټره د فراه ولایت په انار درې ولسوالۍ کې رانسکوره شوه چې ۲۵ کسان پکې ووژل شول. دفاع وزارت هغه مهال وویل چې یاده... Читать дальше...

د بریتانیا په جنوبي ساحل کې د ایراني کډوالو یوه اته کسیزه ډله چې په یوې وړې بېړۍ کې سپره وه، په اوبو کې له ډوبېدو وژغورل شوه. د بریتانیا د کورنیو چارو وزارت وايي، دغه کسان چې دوور ښار ته نېږدې ژغورل شوي دي، اوس تر څېړنو لاندې دي. تر اوسه معلومه نه ده چې دغه ایراني کډوال له کومې لارې د بریتانیا اوبو ته ننوتي وو. دوه ورځې مخکې څلور نور ایراني ګډوال هم هغه مهال د بريتانیا د بحري ځواکونو له خوا وژغورل شول چې بېړۍ یې په ډوبېدو وه. بریتانیايي رسنیو خبر ورکړی چې له تېرې یوې میاشتې راهیسې ۹۳ تنه... Читать дальше...

د غزي ولایت چارواکي وايي، د دغه ولایت د ګېلان ولسوالۍ لپاره د وسله والو طالبانو ولسوال محب احمد مشهور په شال په یوه هوايي برید کې وژل شوی دی. د ولایت ویاند محمد عارف نوري د شنبې په ورځ ازادي راډیو ته وویل، تېره ورځ ناوخته د ائتلافي هوايي ځواکونو بې پیلوټه الوتکو د یادې ولسوالۍ د حضرت شاه بازار ته څېرمه دغه برید کړی او د ولسوال په ګډون یې دوه تنه وژلي دي. نوري زیاتوي: "له ولسوال سره د فذیر په نوم یو سیمه ییز قوماندان وژل شوی چې له خلکو به یې په بېلابېلو پلمو اخذې او پیسې ټولولې." اخوا د وسله... Читать дальше...

د کندهار په معروف ولسوالۍ کې د ملي اردو یوه څرخۍ الوتکه لوېدلې ده. په سوېل کې د ۲۰۵ اتل قول اردو ویاند جګړن يحیی علوي پېښه تأيیدوي، خو په دې اړه له جزياتو ورکولو ډډه کوي. بل خوا يوې معتبرې دولتي سرچينې ویلي چې الوتکه د معروف ولسوالۍ په مرکز کې د تخنيکي ستونزو له امله لوېدلې او چاته پکې زیان نه دی اوښتی. تر اوسه طالب وسله والو هم په دې اړه تبصره نه ده کړې.

د جاغوري پر بزګرانو ۴۰ ټنه کېمیاوي سره ووېشل شوه. د کرنې او مالدارۍ وزارت ویاند اکبر رستمي وویل، دغه۴۰ مټریک ټنه یوریا کېمیاوي سره چې د کرنې، اوبو لګولو او مالدارۍ وزارت له خوا د غزني ولایت د جاغوري ولسوالۍ بزګرانو ته ځانګړې شوې وه، د دې ولسوالۍ پر ۴۰۰ بزګرانو ووېشل شوه. نوموړي وویل، دغه کېمیاوي سره په دې ولسوالۍ کې د بزګرانو د حاصلاتو لوړولو او اقتصادي ودې په هدف وېشل شوې د.