افغان ولسمشر محمد اشرف غني پخپل اختریز پیغام کې وویل، سوله پرته شکه چې کېدونکې ده، خو د ملي يووالي د حکومت په وروستي پړاو کې لويې پرېکړې ناشونې دي. هغه له خلکو وغوښتل چې راتلونکې ولسمشر ته واک ورکړي، څو لویې پرېکړې وکړي. نور حال د واصل وصال په راپور کې: ویډیو او ایډیټ: تمیم اخګر
د اختر خوشحالۍ د ټولو مسلمانانو لپاره وي، خو د کابل په لوېدیځ کې وروستۍ انتحاري حملې یو شمېر کورنۍ د وژل شویو غړو په ویر کې د غم په ټغر ناستې دي.
د افغانستان په بېلابېلو ولایتونو کې د ازادي راډیو خبریالان وايي چې نن د لوی اختر په لومړۍ ورځ یې تر دې دمه د کومې لویې امنیتي پېښې راپور نه دی ترلاسه کړی. د افغانستان دفاع او کورنیو چارو وزارتونو د ښارونو او مهمو سیمو د امنیت لپاره ځانګړي امنیتي تدابیر غوره کړي دي. دا تدابیر وروسته له دې غوره شوي چې په وروستیو ورځو کې د پلازمېنې کابل په ګډون په بېلابېلو ولایتونو کې خونړۍ پېښې وشوې. د طالبانو مشر ملا هبت الله اخوندزاده د اختر په مناسبت خپلو جنګي کسانو ته ویلي چې د اختر په ورځو کې ارام واوسي، خو د اوربند اعلان یې ورته نه دی کړی. Читать дальше...
پاکستان وايي، له هند سره یې د ټرانسپورټي ارتباط وروستۍ نقلیه وسیله هم ودروله. د جمو او کشمیر د کړکېچ پر سر د دوو اټمي قدرتونو ترمنځ د ترینګلتیا په اوج کې د لاهور او ډیلي ترمنځ د بسونو تګ راتګ درول شوی دی. د پاکستان د ګرځندوی د ادارې یوه چارواکي ارشد علي پرون شنبه روېټرز خبري اژانس ته وویل، حکومت د ډیلي – لاهور ترمنځ د بسونو د تګ راتګ د درېدو امر کړی دی. په هندي کشمیر کې له ترينګلتیا سره سره د هند حکومت پرون د کشمیر د دوبني مرکز سرینګر په ځینو برخو کې پر تګ راتګ محدودیت کم کړ او خلک بازارونو ته راووتل چې د اختر لپاره سودا واخلي.
په هانګ کانګ کې د حکومت ضد اعتراضونه بېرته پیل شول. د راپورونو له مخې، زرګونه کسان نن د پولیسو د هغه اقدام پر ضد چې لاریونونه او مظاهرې یې منعه کړي، لارو کوڅو ته راووتل. په پام کې ده چې د نن ورځې په اوږدو کې دا اعتراضونه د هانګ کانګ څو سیمو ته پراخه شي. په هانګ کانګ کې دا مظاهرې چې په ځینو سیمو کې په تاوتریخوالي هم اوښتي، له څو اوونیو راهېسې دوام لري. اعتراض کوونکي چین ته د مجرمانو د سپارلو د یو قانون مخالفت کوي او لغوه کېدل یې غواړي. د چین حکومت د دې قانون ملاتړ کوي، خو د دې هېواد کمونېست ګوند د داسې یو قدام له منلو ډډه کړې.
د شنبې په ورځ په تانزانیا کې د تېلو د یوه ټانکر چاودنې ۶۴ کسان وژلي دي. چاودنه هغه مهال رامنځته شوه چې سیمه ییزو خلکو د تېلو په یوه چپه شوي ټانکر د تېلو د ترلاسه کولو لپاره ګڼه ګوڼه جوړه کړې وه. راپورونه وايي چې په پېښه کې اویا تنه نور ټپیان شوي دي. دا پېښه د تجارتي مرکز دارالسلام لوېدیځ ته ۲۰۰ کیلومتره لرې پرته سیمه کې رامنځته شوې ده. د سیمې یو چارواکي ویلي، د مورګورو په نوم دې سیمه کې یې تر دې مخکې کله په دې کچه ناورین نه و لیدلی. د تانزانیا ولسمشر په پېښه خواشینې ښودلې او د خپل هېواد... Читать дальше...
د امریکا دفاع وزات وايي، د عراقي ځواکونو یو امریکايي پوځي سلاکار د عراق د نینوا په ولایت کې وژل شوی دی. د امریکا د پوځ مرکزي قوماندانۍ د شنبې په ورځ په یو بیان کې ویلي: د امریکا یو پوځي نن د عراق د امنیتي ځواکونو د عملیاتو پر مهال په دې هېواد کې ومړ. د دې امریکايي پوځي هویت تر اوسه نه دی اعلان شوی. عراقي ځواکونو په دې وروستیو کې د داعش د وسله والې ډلې د پاتې شونو پر ضد عملیات پیل کړي دي. د عراق حکومت په ۲۰۱۷ میلادي کال کې د داعش ډلې په وړاندې د جګړې بریالیتوب اعلان کړ. د داعش تندلارې ډلې... Читать дальше...
ولسمشر محمد اشرف غني دغه مطلب په خپل اختریز پیغام کې څرګند کړ او ويې ویل چې مذاکرات پرته له کوم قید او شرطه ترسره کېږي، خو د سولې لپاره شرایط شته.
کرسچین ساینس مانیټر ورځپاڼې په وروستۍ ګڼه کې د افغانستان د سولې پر خبرو لیکنه خپره کړې ده.
د غزني د قره باغ په ولسوالۍ کې د اختر د خوشحالۍ ډزو یو ماشوم وژلی دی. تېر ماسختن د غزني ولایت د قره باغ ولسوالۍ په جرکنه کلي کې یو ماشوم د اختر د خوشحالۍ په ډزو کې وژل شوی دی. د دغه کلي اوسېدونکي محمد سالم سالمي د شنبې په ورځ ماسختن ناوخته په دې اړه ازادي راډیو ته وویل چې د حمزه په نوم ۷ کلن دغه ماشوم لومړی ټپي او وروسته یې په روغتون کې ساه ورکړه. دی زیاتوي، دغه ماشوم د شریف الله زوی او د لومړي ټولګي زده کوونکی و. د یادونې وړ ده چې تر دې وړاندې هم په افغانستان کې د خوښیو د جشنونو او ځانګړو... Читать дальше...
په افغانستان کې له اداري فساد سره د مبارزې لپاره د څارنې یوه ځانګړې اداره جوړه شوه. د ارګ په خبرپاڼه کې چې پرون د اګست په لسمه خپره شوې، ویل شوي چې دا اداره به د اداري فساد پر ضد مبارزه کوي، شکایتونه به اوري او د لوړرتبه حکومتي چارواکو د فعالیت څارنه به کوي. د څار دا اداره له اداري فساد سره د مبارزې د عالي شورا غړې ده. د ارګ په خبرپاڼه کې ویل شوي چې د اداري فساد د څار ادارې د مشرۍ لپاره غزال حارث ټاکل شوې ده. د ټرانسپېرنسي انټرنېشنل یا د شفافیت نړیوال سازمان افغانستان ته د اداري فساد د اندازې پر اساس له ۱۰۰ یوازې شپاړس نمرې ورکړي دي. Читать дальше...
د افغانستان د بهرنیو چارو وزارت په ازبکستان کې د وسله والو طالبانو یوه پلاوي ته پر رسمي هرکلي او له هغوی سره د ازبکستان د چارواکو د خبرو پر څرنګوالي اعتراض کړی دی. د بهرنیو چارو وزارت ویاند صبغت الله احمدي پرون د اګست په لسمه پر ټوېټر لیکلي چې افغانستان د سولې لپاره د ګاونډیو هېوادونو د همکارۍ هرکلی کړی دی، خو د وسله والو طالبانو پلاوي ته د رسمي هرکلي او له هغوی سره د خبرو ډول دا نه څرګندوي چې ازبکستان د افغانستان د دولت او وسله والو طالبانو ترمنځ د خبرو لپاره زمینه برابروي. په دوحه کې د وسله... Читать дальше...
د ملګرو ملتونو عمومي منشي انتونیو ګوترش په لیبیا کې چاودنه چې د دې سازمان دوه کارکوونکي په کې وژل شوي، وغندله. په لیبیا کې روغتیايي کارکوونکو روېټرز خبري اژانس ته ویلي چې د ملګرو ملتونو د سازمان دوه مامورین پرون د اګست په لسمه په بن غازي کې په چاودنه کې وژل شوي دي. د ډاکترانو په وینا، یو وژل شوی وګړی بهرنی او بل لیبیايی دی. د ملګرو ملتونو عمومي منشي د خپلو مامورینو د هویت په اړه څه نه دي ویلي. له دې سازمانه په خپاره شوي بیان کې ویل شوي چې په بن غازي کې په پرونۍ چاودنه کې د هغوی درې کارکوونکي زخمیان دي. Читать дальше...
په افغانستان کې د امریکا د متحدو ایالاتو سفیر جان بس د لوی اختر په مناسبت په پيغام کې د سولې د ټينګښت په اړه هیله څرګنده کړې ده.
سږکال تر دوو ميلیونو زیات مسلمانان سعودي عربستان ته د حج د مراسمو د ادا کولو لپاره تللي دي.
په روسیه کې د مظاهرو ضد پولیسو پرون د اګست په لسمه ګڼ شمېر سوله ییز لاریون کوونکي نیولي دي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости