Новости за 28.03.2024

29 март көнне Чаллының 14нче гимназиясендә ата-аналар белемен тикшерәчәкләр. Алар тарих фәненнән Бердәм дәүләт имтиханы тапшыра. Имтихан сәгать иртәнге 9да башлана. Бу хакта «Шәһри Чаллы» хәбәр итә.

Ульяновск шәһәрендә үзешчән татар халык театрларының Барый Тарханов исемендәге төбәкара театр фестивале тәмамланды. Бу хакта Ульяновскиның «Өмет» газетасы телеграм-каналында хәбәр ителә.

2025-2030 елларда бюджеттан туризм илкүләм проекты финанслау күләме 403 миллиард сумнан да ким булмаячак. Бу хакта Россия Президенты Владимир Путин ел дәвамында федераль курортлар булдыруга багышланган киңәшмәдә хәбәр итте. Бу хакта «Российская газета» яза.

Татарстан Гражданнар оборонасы эшләре һәм гадәттән тыш хәлләр министрлыгында балык тотарга яратучылар өчен 28 мартка булган мәгълүматлар буенча куркыныч участоклар картасын төзегәннәр.

Бүген, 28 мартта, Татарстан Сәүдә-сәнәгать палатасы рәисе Шамил Агеев Экваториаль Гвинея, Ангола һәм Бурунди дәүләтләренең Россиядәге илчеләре белән очрашты. Дипломатлар Казанга икътисади мөнәсәбәтләрне үстерү максаты белән килгән. Бу хакта палата матбугат матбугат хезмәте хәбәр итә.

Санкт-Петербургта дин белгече һәм мәгърифәтче Ризаэтдин Фәхретдин мирасында тасвирланган татар милли рухында, танылган гаилә кыйммәтләренә багышланган ифтар уздырдылар. Бу хакта Бөтендөнья татар конгрессы матбугат хезмәте хәбәр итә.

Екатеринбургта Үзәк округ хәрби судында Мәскәү дәүләт университеты аспирант-математигы Азат Мифтаховны* терроризмны аклау эше буенча беренче 2,5 елын төрмәдә утыру белән катгый режимлы колониягә хөкем иттеләр. Бу хакта ТАССка хөкем ителүченең адвокаты Светлана Сидоркина хәбәр итте.

«Казан» халыкара аэропортында рәссам Ирина Сафиуллина ясаган инсталляция урнаштырдылар, аның ярдәмендә сәяхәтчеләр һәм аларны озатучылар «Моңлы Казан» аудиоспектаклен тыңлый алачак. Бу хакта «ВКонтакте» социаль челтәрендәге аэропорт төркемендә хәбәр ителә.

Татарстан 2023 елның 4 кварталы нәтиҗәләре буенча Россиянең иң имин төбәкләре рейтингында 18нче урынны алды. Әлеге топ гражданлык җәмгыятен үстерү фонды тарафыннан төзелгән.

22 март көнне Мәскәү өлкәсенең Красногорск шәһәрендәге «Крокус Сити Холл» концертлар залында атыш булды. «Гаилә» мәчете имам-хатыйбы Рөстәм хәзрәт Хәйруллин әлеге терактка карата үз фикерен белдерде.

Калугадан Казанга туры даими авиарейслар җибәреләчәк. Очышлар 1 майдан гамәлгә ашырылачак, дип хәбәр итте Калуга өлкәсе губернаторы Владислав Шапша.

28 мартта «ТИСБИ» институтында «Тотрыклы үсеш мәнфәгатьләрендә белем бирү мохитеннән мәгариф экосистемасына күчү» халыкара фәнни-гамәли конференциясе ачылды. Ул СССРның (Россия) ЮНЕСКОга керүенең 70 еллыгына багышланган.

Халыклар дуслыгы йортында Милләтара һәм конфессияара мөнәсәбәтләр мәсьәләләре буенча ведомствоара эшче төркемнең утырышы булды. Татарстан Республикасы Премьер-министр урынбасары, Бөтендөнья татар конгрессының Милли шура рәисе Васил Шәйхразиев чит илдән килгән студентларга игътибарны арттырырга кирәклеген әйтте.

Үзәк банкта гражданнарны мошенниклыкның яңа схемасы турында кисәттеләр. Аферистлар, кешегә, янәсе салым декларациясен тапшыру өчен махсус сылтама җибәреп, банк карталары мәгълүматларын урлый.

Удмуртиянең «Яңарыш» газетасы яз ел фасылына багышланган фотобәйге игълан итте. Җиңүчегә концертка билет бирәләр. Бу турыда газета социаль челтәрләрдә хәбәр итте.

Габдулла Кариев исемендәге Казан татар дәүләт яшь тамашачы театры актеры Булат Гатауллин «Татар-информ»да матбугат очрашуында «Рөстәм маҗаралары» спектакле турында сөйләде.

Татарстан Премьер-министры Алексей Песошин бүген Казан Кремлендә республика халкын бүләкләү тантанасы барышында «Идел-Пресс» полиграфия-нәшрият комплексы генераль директоры Әнәс Әскәровка II дәрәҗә «Ватан алдындагы хезмәтләре өчен» орден медален тапшырды.

Чиләбе өлкәсендә Ирек Сабиров иҗатына багышланган «Хатирәләр» шигъри флешмобы була. Бу хакта Чиләбе өлкәсе татарлары конгрессының «ВКонтакте» социаль челтәрендәге төркемендә хәбәр ителә.

Татарстанда апрель башында һава температурасының сизелерлек күтәрелүе көтелә. Бу хакта Татарстан Гидрометеорология һәм әйләнә-тирә мохитне күзәтү үзәге тараткан фаразда белдерелә.

Татарстанда «Бердәм Россия» 26 мартта VII чакырылыш ТР Дәүләт Советына депутатлыкка кандидатлар буенча алдан тавыш бирүнең башлануы турында игълан итте, алар партиядән тәкъдим ителә. Бу турыда «Татар-информ» хәбәрчесе Надежда Гордеева яза.

Габдулла Кариев исемендәге Казан татар дәүләт яшь тамашачы театрында «Шан кызы» (+6) дип исемләнгән квест-спектакль премьерасы булачак. Премьера 30 апрельдә 12.00, 14.00 һәм 18.00 сәгатьләрдә була.

27 мартта Самара өлкәсе губернаторы Дмитрий Азаров өлкәдә яшәүчеләргә дәүләт һәм төбәк бүләкләре тапшырды. Бүләкләнүчеләр арасында Самара өлкәсе мөселманнары төбәк Диния нәзарәте рәисе Талип хәзрәт Яруллин да бар. Бу хакта «Самар татарлары» сайты хәбәр итә.

Мәскәү өлкәсендәге «Крокус»ка һөҗүм иткән террорчылар наркотик яки психотроп матдә кабул иткән. Бу хакта ТАСС агентлыгы хокук саклау органнарындагы чыганагына сылтама белән хәбәр итә.

Габдулла Кариев исемендәге Казан татар дәүләт яшь тамашачы театры директоры Луиза Шарова «Татар-информ» мәгълүмат агентлыгында матбугат очрашуында театрның гастрольләре турында сөйләде.

2024 елда Башкортстанда «Сүз остасы-2024» республика сәнгатьле укучылар бәйгесе ике датага – Башкортстан Республикасының халык шагыйре Мостай Кәримнең тууына 105 ел һәм бөек рус шагыйре Александр Пушкинның тууына 225 ел тулуга багышлап үткәреләчәк. Бу хакта «Башинформ» агентлыгы хәбәр итә.