Кырык еллап шахмат тренеры булган Рәфыйк Ваһапов һәм аның хатыны хастаханәдә үлгән
Самара өлкәсенең Сызрань шәһәрендә 6 ноябрьдә билгеле шахматчы Рәфыйк Ваһапов үлгән. Моңа кадәр дүрт көн алдан аның хатыны да вафат булган. Рәфыйк һәм Валентина Самарада госпитальдә дәваланган, ләкин алар авыруны җиңә алмаган. Бу турыда Самара.Онлайн хәбәр итте. Туганнары сүзләренчә, Валентинаны Самарада җирләгәннәр, Рәфыйкның мәете әлегә моргта. Әлеге гаилә турында бик мәрхәмәтле, яхшы иде дип искә алалар. Рәфыйк Ваһапов һөнәре буенча төзүче була, берничә ел Казахстанда эшли. Мәктәп елларында ук шахмат белән шөгыльләнә, кырык еллап тренер булып эшли. Рәфыйк Ваһапов абыйлы-энеле Лагутиннарны, Роман Алюшинны шахматка өйрәтә һәм алар уңышларга ирешә. Рәфыйк Ваһапов укучыларына гел ярдәм итә иде, диелә хәбәрдә.