М-5 юлында коточкыч фаҗига: яшь кыз идарә иткән машинада өч кеше һәлак булган
Башкортстанның Туймазы районында авариядә 3 кеше һәлак булган. Бу турыда «Башинформ» яза.
М-5 «Урал» юлында «Дэу Нексия» машинасы «Скания» йөк машинасына бәрелә. Җиңел автомобиль белән 25 яшьлек кыз идарә иткән.
Авариядән соң, җиңел машина юл кырыена төшеп каплана, аңа ут каба. Йөртүче кыз, салондагы 2 пассажир «ашыгыч ярдәм» килгәнче үлә, диелә хәбәрдә.