«Алтын балык» тоткан балыкчы: «Бәлки, тормышка ашар дип, өч теләгемне дә әйттем»

Евгений Урамов Зәй сусаклагычында балык тотканда төшергән кызыклы видеосы белән уртаклашты. Евгенийның кармагына «алтын» балык капкан. Әлеге балыкның үзенчәлеге — аның тәңкәләренең ачык сары-алтынсу төстә булуы. Бу хакта «Заинск-информ» хәбәр итә.

Район аучылар һәм балыкчылар иҗтимагый оешмасы рәисе Петр Чернов сүзләренчә, бу – сирәк очрый торган балык сорожка-альбинос вакыт-вакыт Зәй сусаклагычында эләгә. Эксперт фикеренчә, гадәти булмаган төсле мондый балык – табигатьтә сирәк була торган табигый генетик мутация нәтиҗәсе. Балыкларда альбинизм – ул табигый феномен, экология проблемалары яки кеше факторы йогынтысы белән берничек тә бәйле түгел.

«Алтын» балык тоткач, бик гаҗәпләндем. Хәтта, бәлки, тормышка ашар, дип, өч теләгемне дә әйттем, – дип көлә Евгений Валентинович.

Мондый «алтын» балык тоту балык фаунасының күптөрлелеген, табигатькә сакчыл караш кирәклеген, аның байлыгын һәм матурлыгын аңлауны кабат ассызыклый. Шундый уникаль табылдыклар табигать турында кайгыртырга һәм аның ресурсларын өйрәнергә илһамландыра.

Фото: «Заинск-информ»