Новости за 28.09.2020

Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.

Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсныжәлар Рџьынџьтәылатә еибашьраҿы Аиааира 27 шықәса ахыҵра.

Аҩбатәи аԥхьарала Аԥсны Жәлар Реизара адепутатцәа ирыдыркылеит абџьар азы азакәан апроект. Аԥсны Афырхаҵа аамҭаказы Аԥсны Аҩнуҵҟатәи аусқәа рминистр иҟаз Аслан Кобахьиа арадио Sputnik аефир аҿы иҳәеит уи шыҟазарц ахәҭоу азы игәаанагара.

Иахьатәи аамҭазы Аԥсны иахьаҵанакуа акоронавирус зланы иаадырԥшхьоу ауаа рхыԥхьаӡара 1352-а ыҟоуп.

Ауааԥсыра COVID-19 рацәыхьчаразы аоперштаб адыррақәа рыла, Гәдоуҭатәи ахәышәтәырҭаҿ ишьҭоуп 120-ҩык рҟынӡа ачымазцәа. Адиагноз акоронавирус рзышьақәыргылоуп – 117-ҩык. Рҭагылазаашьа уадаҩуп 14 пациент, ибжьаратәуп – 27-ҩык.

Цәыббра 24 рзы Аԥсны Апарламент адепутатцәа цәыббра 24 рзы Аиааиреи Ахьыԥшымреи рымш 27 шықәса ахыҵра ахьӡала азаҭ аҭараз ақәҵара рыдыркылеит.

XIX Жәларбжьаратәи аԥқьаҭасразы атурнир "Аԥсуа хылԥа ду" мҩаԥысит Гагра, цәыббра 26 - 27 рзы. Атурнир аԥхьахәқәа: "Ахьтәы", "Араӡынтәы", "Аџьаз уарбақәа" рзы еиндаҭлон 24-ҩык аԥқьаҭасыҩцәа.

Цәыббрамза 29 рзы Аҟәа амшын аԥшаҳәаҿы имҩаԥгахоит апоетцәа ҿарацәа реиԥылара. Аҳҭнықалақь аҿари аспорти рзы адепартамент аиҳабы ихаҭыԥуаҩ Есма Кәыҵниаԥҳа арадио Sputnik аефир аҿы еиҭалҳәеит уи шеиҿкаахо атәы.

Аԥсны Аиааиреи Ахьыԥшымреи рымшныҳәа иазку акциа "Афырхацәа рымҩала" ареспубликаҿы есышықәса имҩаԥыргоит 2007 шықәса раахыс.

Аполитолог Далила Ԥлиаԥҳа Ашьхатә Ҟарабах ҿыц зхы зкыз аерман-азербаиџьантә еидыслара ахҳәаа азыҟалҵеит арадио Sputnik аефир аҿы.

Sputnik Аԥсны есымчыбжьатәи ахҳәааҿы ареспубликаҿы иҟоу акоронавирустә инфекциа аҭагылазаашьа, ашколқәа рҿы иаԥырхыз акарантин, амаининг аҭышәныртәалара.