Новости за 12.04.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13721-ҩык ыҟоуп, ргәы бзиахеит 13274-ҩык, рыԥсҭазаара иалҵит 217-ҩык.

Гал араион алхратә комиссиа ахантәаҩы Игор Амҷба аҭыԥантәи алхрақәа рымҩаԥысшьа ахҳәаа аиҭеит арадио Sputnik Аԥсны аефир аҿы.

Мшаԥы 2 рзы Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иацнаҵеит. Ахьчаратә ган ари аӡбара Иреиҳаӡоу аӡбарҭаҿы иазашшит.

Аепидемиа иаалагазар Аԥсны иахьаҵанакуа 13691 коронавирустә хҭыс ашәҟәы иҭагалоуп.

ААУ аполитологиеи асоциологиеи ркафедра аиҳабы, афилософиатә ҭҵаарадыррақәа ркандидат Емма Гамсаниаԥҳа арадио Sputnik аефир аҿы илҳәеит аҭыԥантәи ахаланапхгараҭара институтк аҳасабала аҟазааразы лгәаанагара.

Аҩтәылак руистициатә усбарҭақәа ирыгәҭакуп аусеицуреи ауснагӡатәқәеи есышықәсатәи рыплан анапаҵаҩра.

Амина Аншԥҳаи илыцықәгыло Панна Удвардии уаанӡагьы аԥқьаҭасразы атурнирқәа рсериа ITF W25 аҟны аиааира ргахьан.

Маркәыла ақыҭан инхо Митиа Убириа арадио Sputnik аефир аҟны игәаанагара иҳәеит ақыҭа абзазашьазы, уи арҿиаразы мҩас иибо, еиҭеиҳәеит аӡахәааӡара иадҳәалоу аҿырԥшы бзиа ԥырхагас иаиуз атәы.

Урыстәыла атәылауаҩ иавтомашьынаҿ иаарԥшын иагьимхын документда ииаигоз 1595 пачка асигареҭ.

Премьер-министр Баварии Маркус Зедер может стать новым канцлером Германии после ухода с поста Ангелы Меркель.

Аԥсны аԥыза-министр Александр Анқәаб акоронавирустә инфекциа анихига ашьҭахь мшаԥы 12 рзы инапынҵақәа дырзыхынҳәит.

Калдахәаратәи ашкол-интернат ааӡамҭа Елҟан Ӷәазаа Аолимпиатә резерв иатәу Казантәи аҵараиурҭаҿы аҵара иҵоит, Марат Мадиаров инапхгарала иҽазыҟаиҵоит.

Ауаажәларратә усзуҩы Октаи Ҷкотуа арадио Sputnik аефир аҿы иҳәеит игәаанагара аҭыԥантәи алхрақәа азҿлымҳара бзиа зрыҭатәу, насгьы уахь иалырхуа адепутатцәа иаҳа амч рыҭара аҭахны изиԥхьаӡо.

Александр Анқәаб Аԥсны дахьынӡаҟамыз аамҭала аԥыза-министр инапынҵақәа наигӡон афинансқәа рминистр, аԥыза-министр ихаҭыԥуаҩ Владимир Делба.

Аӡыржәтә аиуразы аиԥҟьарақәа аҭыԥ роуит Аҟәа, Аҳабла ҿыц аҿы Чалмаз имҩаҿы аӡымҩангага ахьыԥжәаз иахҟьаны.

Аинформациатә маҵзура Sputnik Аԥсны иазнархиеит мшаԥы 5-11 рыҩнуҵҟа иҟалаз реиҳа ихадоу ахҭысқәа реизга.