Новости за 13.04.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13774-ҩык ыҟоуп, ргәы бзиахеит 13274-ҩык, рыԥсҭазаара иалҵит 218-ҩык.

Мшаԥы 6 инаркны Аԥсны аамҭа-аамҭала афымцалашара ес х-сааҭки х-сааҭки рыбжьара сааҭк-сааҭк идырцәон.

Аԥсылманцәа рзы иԥшьоу амза Рамадан сынтәа иалагоит мшаԥымза 13 инаркны. Аԥсны аԥсылманцәа рдоуҳатә усбарҭа ахада ихаҭыԥуаҩ Абдураҳман Џьугьелиа арадио Sputnik аефир аҿы еиҭеиҳәеит аурычра аԥҟарақәа ртәы.

Аԥсны ахада Аслан Бжьаниа Очамчыра араион ахада инапынҵақәа рынагӡаразы деиҭеит Беслан Бигәаа.

Кәыдры аӡиас акразы аусурақәа хыркәшоуп, уажәшьҭа анхацәа уи ԥырхага рынаҭап ҳәа сыҟам, иҳәеит Уарча ақыҭа ахада Алиас Џьапуа арадио Sputnik аефир аҿы.

Аслан Цкәуа ахара ихарарҵоит Ареспубликатә хәышәтәырҭа анапхгара рганахьала ашьаусмҩаԥгара аҳәаақәа ирҭагӡаны, змаҵзуратә напынҵақәа зымчра иахызыҳәҳәаз ахаҿқәа дрыцхраауан ҳәа.

Аԥсны ауаажәларратә палатаҿы иалацәажәан иааиуа акурортә сезон. Аизараҿы ажәахә змаз Линда Амԥарԥҳа Аԥсны агротуризм аҿиара шылбо атәы арадио Sputnik аефир аҿы дазааҭгылеит.

Аԥсны аԥыза-министр Александр Анқәаби афинансқәа рминистр Владимир Делбеи Аиҳабыра русура, абиуџьет анагӡашьа, иара аныхраҿы аԥыжәара зҭатәу, COVID-19 ауааԥсыра рацәыхьчаразы ауснагӡатәқәа уҳәа ирылацәажәеит.

Апоет, ауаажәларратә усзуҩ Радион (Кәыри) Акәын-иԥа Ҵәыџьба иԥсы ҭазҭгьы иахьа 80 шықәса ихыҵуан. Арадио Sputnik аефир аҟны иҩыза дигәалаиршәеит Аԥсны Абыргцәа рхеилак ахантәаҩы Аполлон Думаа.

2021 шықәса жәабран 10 раахыс Очамчыра араион ахада инапынҵақәа наигӡон Артемон Габелаиа.