Оьрсийчоьнан векал хIоттийна актер Сигал Стивен
Цхьаьнатоьхначу Штатийн Москох векал хиллачу Макфол Майкла цунна комментари йина. "СабӀарзделлар", - яздина цо шен твиттерехь, Оьрсийчоьнан дипломатин хьукмато бина хаам а гойтуш.
ТIаьхьо оццу твиттерехь цо кхин цхьа материал хIоттийна: "Сигал хIинца оьрсийн махкахо ву? Иза "самукъане" хир ду".
Iамеркан Пачхьалкхан департаменто комментари ца еш битина и хаам.
Iамеркан актерна Сигал Стивенна Оьрсийчоьнан вахархочун бакъо елира президенто Путин Владимира 2013-чу шарахь Зазадоккху-баттахь. Кремлан сайто бира и хаам. Оьрсийчоьнан вахархочун бакъо оьшу шена масех баттахь доттагIашца Москох хан яккхархьама аьлла, 2016-чу шарахь Гезгамашин-баттахь къадийнера Сигала.
ТIаьххьарчу хенахь масийттаза хилира Сигал Оьрсийчохь, Нохчийчохь, ГIирмехь. Путин Владимира хьалхо иштта Оьрсийчоьнан паспорташ делира Депардье Жерарна а, боксерна Джонс Ройна а.