Новости за 12.08.2018

Оьрсийчохь хан тоьхна Украинан режиссер Сенцов Олег ша волчу Лабытнангерчу колонера араваьлла вац аьлла, хаамбина таIзарш кхочушдаран системан федералан урхалло (ФСИН). Шоьтан буса зорбанашкахь хаам баржийра, Сенцов колонера ара а ваьккхина, Салехардера доьдучу кеман тIе хиина аьлла. Журналисто Ивлева Викторияс шен Фейсбукерчу пена тIехь бинчу хаамна тIе а тевжина, яржийра информаци хаамийн гIирсаша. Сенцовна гIо латточу кампанехь ю Ивлева. ТIаьхьо шен кхи информаци яц аьлла, яздира журналисто. Читать дальше...

Манчестерехь герзаш деттарца итт стаг лазийна. ГIалин халкъан синкъерам бирзинчул тIаьхьа хилла и инцидент. ТIелатархочун вада аьтто баьлла. Кеп-кепара чевнаш йина гулбеллачарна. Церан дахарна кхераме хIуммаъ дац аьлла лоьраша. Адам дIасадуху хан хиларна каяьлла зуламхочун къайлавала. Полицино талламаш беш бу, веддачун лорах кхета гIерташ.

Къилбаседа Кавказерчу муфтийн цхьанакхетар хилла Налчикерчу Ханиф Абун цIарахчу университетехь. Дакъалоцуш вара цигахь Нохчийчоьнан муфти, Кавказерчу бусулбачийн координацин Центран (КЦМСК) куьйгалхочун гIовс Межиев Салахь а. Нохчийчоьнан Динан урхаллан пресс-гIуллакххоша даржорехь, Къилбаседа Кавказан лидерша дийцаредира кху шарахь Центран 20 шо кхачар билгалдаккхарх хIиттонболчу барамех а. 1998-чу шарахь кхоьллина ю КЦМСК. Цу Центр юкъайогIуш ю Къилбаседа Кавказера бусулбачийн динан организацеш а... Читать дальше...