Daily Storm: Нохчийчохь тIелатарш динарш Шелан кIоштара хилла

Низамаш лардечу органашна хиъна Нохчийчохь тIелетарш вовшатоьхнарг мила ву, хаам бо Dailystorm.ru сайто. Иза хилла 18 шо долу Мусаев Мохьмад. 2016-чу шарахь иза лаьцна хилла Дацаев Iимрана куьйгалла дечу "Исламан пачхьалкх" тобанан декъан кхин болу декъашхошца цхьаьна.


Daily Storm-о чагIдарехь, цу хенахь Мусаев дIахецна хилла, жима ву аьлла жоьпе ца озош. Цу хенахь цуьнан хилла 16 шо.


Нохчийчохь Марсхьокху-беттан 20-чохь дерриг а 4 тIелатар динарш Шелан кIоштара бу. Iуьйранна 10 сахьт долуш шина жимачу стага тIелатар дина Шеларчу №134 йолчу полицин КПП-на. Уьрсах чевнаш хилла Нохчийчуьрчу полисхочунна а, кхечу регионера командировке веанчу полисхочунна а.


Мескер-Эвлахь ша эккхийта гIоьртина кхин цхьа жима стаг. Цунна герз тоьхна. Чов хилла иза дIавигина дарбанан хIусаме.


Соьлж-ГIалахь 17 шо долчу Шеларчу вахархочо ширачу «Мерседес» тIехь, некъан полицин постана уллу а вахана, бомба кхоьссина. Иза ца иккхина. Полисхойх ведда машен хаьхкина воьдучу цо полисхочунна тIетоьхна иза.


Жимма тIаьхьо кхечу кегийрхоша герзаш диттина полисхошна Соьлж-ГIаларчу кхечу меттигехь. Уьш а байина, яздо Daily Storm-о.