Украинехь ша лацар бакъ дац аьлла Дзортов Тимура
Украинан территори тIехь диверсеш лелийна аьлла, шеконашца ворхI оьрсийн къайлахчу сервисийн белхахо дIалаьцна шаьш, шайлахь ГIалгIайчоьнан куьйгалхочун хилла гIовс Дзортов Тимур а волуш аьлла, Украинан кхерамзаллан кхеташоно бина хаам бакъ бац аьлла "Кавказ.Реалии" портале ша Дзортов Тимура.
Карарчу хенахь шен белхан меттигехь ву Дзортов, тоьхначу телефонна жоп а луш.
"Сан йоллу цIе йолуш хила тарло и стаг. Украинехь со лацарх комментари ас муха юьтур ю, ГIалгIайчохь сайн белхан меттигехь хиъна Iаш волчу", - аьлла, жоп делла Дзортовс порталан корреспондентна.
ГIалгIайчоьнан куьйгалхочун пресс-гIуллакххоша шаьш ситуацех тIаьхьо дистхир ду аьлла "Кавказ.Реалиига".
"Хаамийн гIирсашкахь яьржина информаци толлуш ду тхо, цкъачунна тхо кхеташ хIума дац. ТIекхиинчул тIаьхьа жоп лур ду", - аьлла ГIалгIайчоьнан куьйгалхочун хьехамчас Краснов Бориса.
Украинан территори тIехь диверсеш лелийна аьлла, шеконашца ворхI оьрсийн къайлахчу сервисийн белхахо дIалаьцна шаьш аьлла, хаамбинера пачхьалкхан кхерамзаллан урхалло (СБУ).
Брифингехь Iорадаьккхина цунах СБУ-н куьйгалхочо Грицак Василийс, яздора "Медиазонас".