Новости за 10.04.2019

Iамеркан Цхьаьнатоьхначу Штатийн Пачхьалкхан Департаменто Оьрсийчоьнан Федераци юкъатоьхна Iамеркахой закъалтана леца кхераме йолчу пачхьалкхашна. Цу кепара цIейоза дуьххьара хIоттийна Iамеркан арахьарчу гIуллакхашкахула йолчу хьукмато. Ерриг цу цIейозанехь хьахийна ю 35 пачхьалкх, шайна юкъахь Украина а, Туркойчоь а, Шема а йолуш. Дуьйцург ду цу пачхьалкхашкахь Iамеркахойн дахарна а, могушаллана кхераме йолу зуламан тобанаш хилар. Стохка ГIуран-баттахь Iамеркан Пачхьалкхан Департаменто юкъатуьйхира... Читать дальше...

Стохка аьхка къайлаха эскарера веддера Нохчийчохь гIуллакх деш волу эскархо. Цуьнан цIе йоккхуш яц. И бахьана долуш жима стаг кхеле озийна Волгоградерчу гарнизонан тIеман кхело. Суд йоьдуш цу стага дийцина, ша жимма садаIа цIа ваханера аьлла. Ша лоьхуш ву хиъча, шен лаамехь тIевахана хиллера иза талламан комитетан тIеман декъе. Низам дохорна арахь даккха 2 шо кхайкхийна салтичунна, 1 шо 6 бутт, зеран хан а йолуш.

Оьрсийчохь лецна нах дIасабигаран хьелаш Iазапе хиларх лаьцна дIахьедар дина Европан адамийн бакъонашкахула кхело. Цу тайпа вердикт кхайкхийна Страсбургерчу кхело 6 стага бина латкъам теллинчул тIаьхьа. Оьрсийчоьнан Iедалшна тIедожийна кхелахоша цу нахана 20 эзар евро далар. Европан адамийн бакъонашкахула кхелана хетарехь, Оьрсийчохь лецна нах дIасабуьгуш лело автозакаш а, вагонзакаш а, ткъа иштта тутмакхаш дIасабигарца боьзна барамаш а ницкъ баран кеп йолуш бу. Кхелахоша жамI дина, цу барамаша Европан Конвенцин адамалла доцуш а... Читать дальше...

Садовская Алёна ГIалгIайчохь 17 полисхо балхара дIаваьккхина митинг бахьана долуш. ХIун даьлла цаьргара? Журналиста Шевченко Максима шен YouTube блогехь довзуьйту ша ГIалгIайчуьрчу полисхочуьнца, лакхарчу лейтенантца, хадаран батальонехь взводан буьйранча лаьттинчу Хамчиев Тимурца дина къамел. Деношкахь, Магасера митинг дIасалаьллинчул тIаьхьа, балхах йохийна ерриг батальон. ДIаваьккхинчу 17-ннах виъ эпсар ву. Хамчиевс дийцарехь, бахначу беттан 26-27 денойн буса, 3 сахьт долуш, батальон гIаттийна, сихха гуламхой болчу дIахьажийна. Читать дальше...

Исмоилов Бегиджон Таджикистанера ахча даккха, аьлча а, балха вахана Оьрсийчу. Ша цо бахарехь, кхаьчна лолле: паспорт схьадаьккхина цуьнгара, мехаза вацийна кхаа баттахь, дийнахь буса 13 сахьтехь хьакхарчий лелайойтуш. ТIаьххьара ведда иза ша лаьцна кхобучуьра. ХIинца гIерта шена лур ду баьхна ахча охьадиллийта.

Бесланера лоьмар 1 йолу школа дIалаьцначу тIемалоша дIасакхехьийтинчу кехатийн копеш "Правда Беслана" сайт тIера дIаяхар тIедожийна "Роскомнадзоро" юха а. Сайт кхоьллинчу Литвинович Маринас хаамбина кхунах лаьцна. Бехкзуламан гIуллакхан материалашкахь латтош а ду и кехаташ, кхелехь дIа а дешна, хIетте а Iедалхоша сацамбина, интернетехь уьш даржо мегаш дац аьлла.

Германино схьавеллачул тIаьхьа дIалаьцначу ГIалгIайчоьнан вахархочунна адвокат тIе ца вуьту.

Оьрсийчоьнан зорбан гIирсаша хаам бинера, Стигалкъекъа-баттахь дуьйна Соьлж-ГIалана а, Тбилисина а юкъахь кема лелар ду аьлла. Цунах лаьцна дIахьедар динарг вара ГIаларчу аэропортан директор Гамбулатов Султан. Цо дийцарехь, гуьржийн агIонца цу хьокъехь барт хилла. Гуьржийчоьнан некъахойн авиацин агенталлан векалша бинчу хаамца, карарчу хенахь Соьлжа-ГIала – Тбилиси авиарейс дIайолор хьокъехь дехар кхаьчна дац цаьрга, хаам бо "Грузия онлайн" сайто.

Михальченко Лидия Кхушара ца еана Дуьненаюкъара ЦIен ЖIар Кавказе. Биъ бутт бу цо цигара шен тIаьххьара офис дIакъевлина. Стенна нисделира ишта, муха бирзина регионехь 26 шарахь бина болх? Цунах лаьцна дуьйцу ЦIен ЖIаран Оьрсийчуьрчу декъан пресс-гIоьнчаллин белхахочо Бальзамова Галинас. - 1992-чу шарахь, хIирийн-гIалгIайн конфликтца доьзна болийра оха болх Къилбаседа Кавказехь. Бохам хиллачарна гIодора, байна нах лохура. Хенан йохалла офисаш ехкира цигарчу массо а мехкашкахь. 26 шера чохь гIодина ши миллион вахархочунна. Читать дальше...

Нохчийчоьнан прокуратуро таллам бина республикехь жижиган мах хьалабаьккхина, бохуш хабарш даржар бахьана долуш, хаам бо "Грозный-информ" сайто. Чеченстато Чиллан-беттан 1-чу дийнахь дуьйна Зазадоккху-беттан 5-чу дийне кхаччалц мониторинг йича гучудаьлларг ду бежинан а, уьстагIан а жижиган мах 0,9 процентана хьалабаьлла хилар. Цу кепара жижиг дукха дазделла бохуш дийцар бух боцуш лерина прокуратуро. Низамца а догIуш, цхьана сурсата мах 30 дийнахь 30 процентана бестахь юкъагIорта декхарелахь ду Iедал.

Кху бетан 19-чу дийнахь юхадIадолош ду Соьлж-ГIалара Шарджа кема лелар. Цунах лаьцна хаам бина Нохчийчуьрчу транспортан министралло. Air Arabia компанино ГIалара Iаьрбийн Цхьаьнатоьхначу Эмираташка кеманан рейсаш яр долийнера  2018-чу шарахь Оханан баттахь. Амма и рейс юкъахъяьккхинера Iаьнан заманна. Бахаьана дара некъахой дукха кIезиг хилар. Цул хьалха нохчий Шарджа лелара Минводерчу аэропортера. Болчу хаамца,  Air Arabia компанино кема лоьлуьйтур ду Шарджна а, ГIалана а юкъахь кIиранах шозза шинарин а, пIераскан а деношкахь. Читать дальше...

ГIалгIайчуьрчу вахархочо, ши стаг а лазош, травматикан тапча йиттина Несарарчу республикан муфтиятан хьалха. Цунах лаьцна хаам бина Интерфаксо. Чевнаш хилларш дIабигина дарбанан хIусаме, хаам бина полицин векло. Интерфаксан хьастано дийцарехь, дов даларан бахьана хилла шина тайпанерчу шина жимачу стагана юкъахь ахчанца боьзна цакхетамаш хилар. Дов къасто баьхкина хилла уьш ГIагIайчоьнан бусалбан динан урхалле.