Новости за 17.04.2019

Украинан территори тIехь диверсеш лелийна аьлла, шеконашца ворхI оьрсийн къайлахчу сервисийн белхахо дIалаьцна шаьш, шайлахь ГIалгIайчоьнан куьйгалхочун хилла гIовс Дзортов Тимур а волуш аьлла, Украинан кхерамзаллан кхеташоно бина хаам бакъ бац аьлла "Кавказ.Реалии" портале ша Дзортов Тимура. Карарчу хенахь шен белхан меттигехь ву Дзортов, тоьхначу  телефонна жоп а луш. "Сан йоллу цIе йолуш хила тарло и стаг. Украинехь со лацарх комментари ас муха юьтур ю, ГIалгIайчохь сайн белхан меттигехь хиъна Iаш волчу"... Читать дальше...

Аннекси йинчу ГIирмехь Дагестанерчу кхаа вахархочо дина питана бахьана долуш летарш хилла аьлла, яздина "Российская газетано". Оцу латаршкахь вийна, барехь лезгинка хелхавала дуьхьал хилла меттигера 34 шо долу вахархо. Полисхойн версица корта бахо маларш мийлинчу кхаа дагестанхочо бар чу веанарг хьовзийна хилла: "Вало хелхавала" аьалла. "Хелха вала оцу 34 шо долчу жимчу стага дуьхьало йича, "и зуда" ялийта хелха бохуш, кочабахна хилла цуьнца хиллачу цуьнан хIусамнанна. Оцу бахьанашца летта цу чохь уьш"... Читать дальше...

Украинан территори тIехь диверсеш лелийна аьлла, шеконашца ворхI оьрсийн къайлахчу сервисийн белхахо дIалаьцна шаьш аьлла, хаамбо пачхьалкхан кхерамзаллан урхалло (СБУ). Брифингехь Iорадаьккхина цунах СБУ-н  куьйгалхочо Грицак Василийс, дуьйцу "Медиазонас". Грицака бахарехь, 2017-чу шарахь Киевехь машен а оьккхуьйтуш, тIеман иччархойн инарла Шаповал Максим верна бехке бу лецнарш. Ву царлхаь ГIалгIайчоьнан куьйгалхочун хилла гIовс Дзортов Тимур а. ГIиргIазойчоьнан вахархочун паспорт карийна цуьнгахь. Читать дальше...

Шайн протестех лаьцна бинчу видео-бегаша оьгIазбахийтина ГIалгIайчуьра бахархой.

Екатеринбургехь кхел йолийна Хасаев Мовсарна тIехь – нохчо бехкево меттигера бизнесхо Арутюнов Ашот верна 2011-чу шарахь дина зулам. Амма цул тIаьхьа ворхI шо даьлча лаьцна Хасаев, 2018-чу шеран Дечкен-баттахь. Нохчийчоь цецъяьлла ца Iа хиллачух – Хасаевгахьа пикеташ дIаяьхьина Москох а. Славянех тера вогIу нохчо Шен цIенна гергахь, коьртах герз тоьхна вийра Арутюнов Ашот 2011-чу шеран Стигалкъекъа-беттан 27-чу дийнахь. Полицино хIоттийначу васто бахарехь, "25-30 шо хир долуш, славянех тера вогIу... Читать дальше...

Дагестанерчу Буйнакскера 43 шо долу зуда бехкейо терроран зуламаш дарна. 2014-чу шарахь Шема а яхна, даIишхойн могIарех дIакхетта хилла  иза, яздо REGNUM агенталло. Ишта тIечIагIдина, гIаттамхошна ахчанца цо гIо латтош хилар а. Болчу хаамашца, 2016-чу шарахь телефонехула шен гергарчуьнга харцонца 45 эзар сом шега дIакхачадайтина цо. Террорхойн хьашташна дайина хилла цо и ахча. Оцу зудчунна дуьхьал бехкзуламан гIуллакх айдина. Кху шеран Зазадоккху-беттан юккъехь Дагестанерчу "Росгвардин" куьйгалхочо Бачилов Мохьмада дIахьедира... Читать дальше...

Шайн протестех лаьцна бинчу видео-бегаша оьгIазбахийтина ГIалгIайчуьра бахархой "МаьлгIабекан а, Соьлжан а кIошташкара дайх дисина латта" юхадоьхуш, Нохчийчохь а, Европерчу гIаланашкахь а гуламашка бовларе кхайкхина нохчий Польше тховкIело йоьхучу нохчийн блогеро Адурахманов Тумсос шен рогIерчу видеохула. Бегаш беш иза кечйина елахь а, яьлла хьовсархойн тидаме: аудиторин гIалгIайн дакъа ца кхетта воьлучух, жоп доьху цуьнга. Шина минотах лаьттачу клипо сихонца вовшахтоьхна итт эзар сов хьажархо, гулйина эзарнаш комментареш. Читать дальше...

Нохчийчохь куп тоьхначу гIагI диллинчу машенийн дивизин эскархой дахначу оршотдийнахь дуьйна Iаморашкахь экзаменаш дIалуш бу. Герз тохар гойтуш, танкан, артиллерийн гIирсаш караберзош Iамораш дIахьо дивизин дакъойн эскархоша Шелковскан, Шуьйтан, Шелан кIошташкарчу полигонашкахь. Нохчийчуьрчу комендатуран векало "Кавказский узел" агенталлана тIечIагIдина, Iаьнан хенахь шаьш Iамийначух хаарш гойтуш бу эскархой аьлла.

Таджикистанехь бусулбанаш эскаран гIуллакхах бовлуьйтуш бац.

Экстремисташна дуьхьало латтор интернетехь чIагIдан деза аьлла Нохчийчоьнан куьйгалхочо Кадыров Рамзана, "Исламан пачхьалкх" шех олучу тобанхойх дIакхета гIоьртинчу Караулова Варварин масална тIе а тевжаш. "Маьршша сайташ тIехь оцу кIадбоцучух деша берийн аьтто ца хилийтархьама, Интернетехь къийсам латтор Iаламат коьрта ду. Цу тIехь болх жигара баккха беза. Караулова оцу гуро лацарна вайн а, регионийн а, пачхьалкхан а бехк бу, вай тесна дитина хилла и гIуллакх", - аьлла мехкан куьйгалхочо "Первый каналан" эфирехь, яздо ТАСС агенталло. Читать дальше...

ТIаьххьарчу шарахь Оьрсийчоьнан федералан медицинан центрашкара Дагестане болхбан дIабахна 50 гергга лаккхара корматалаш йолу лоьраш, хаамбо "Южный Федеральный" портало. Москвара, Санкт-Петербургера, Астраханера, кхийолчу а оьрсийн гIаланашкара Дагестанехь гулбелла ортопедаш, нейрохирургаш, онкологаш,травматологаш, кардиохирургаш, ишта кхи болу говзанчаш а. Ярташкарчу дарбан хIусамашка медицинан белхахой хьийсош "Земский доктор" аьлла программа ю Дагестанехь болх беш. Кху шарахь могушаллин министралло цига хьажо билгалваьккхина 224 лор. Читать дальше...

Оьрсийчоьнан регионашлахь алсам цигаьрка узучех Росстато хIоттийна рейтинг Iораяьккхина "Известия" хьостан журналисташа. Билгалдаккхарца, хIора дийнахь кIур баккхар дезаш бу пачхьалкхера 22 процент бахархой, юкъ-кара узу 5, 2 проценто. Къаьсттина дукха цигаьрка уьйзурш билгалбевлла Чукоткехь, цигахь 48 % ду терахь. ШолгIачу меттигехь дIатаръелла Магаданан кIошт- 41 процент. Го къовлу Еврейн автономин кIошто, 15 шарел тIехбевллачарлахь 36 процент ву цигахь тонка уьйзурш. КIезиг бу цигаьрка уьйзурш Нохчийчохь - 2 процент... Читать дальше...

Нохчийчоьнан парламентан пресс-гIуллакххоша бинчу хаамца, Нохчийчоьно а, Дагестано а шина регионна юкъара дозанаш къасторан болх юкъахбаккха сацамбина. "Шина субъектна юкъарчу дозанех хаамаш реестре баха болийна болх шина агIонан комиссин куьгалхоша юкъахбаккха сацамбина", - аьлла, дIахьедина нохчийн парламентан спикеро Даудов Мохьмада. Ишта Дагестанан Халкъан кхеташонан сайт тIехь а Iорадаьккхина, шина республикан дозанаш къастор сацийна аьлла. Дахначу шеран Гезгамашин-баттахь шина регионна... Читать дальше...