Новости за 31.03.2018

Петарбухахь уггаре вевза "хIусам йоцу – экскурсилелорхо" ву Раснер Василий. 67 шо ду цуьнан. Географин хьехархо вара иза цхьана хенахь. Жоьлкаша тешнабехк а бина, шен хIусамах ваьккхина иза – ворхI шо ду арахь веха. Яа-мала мехах экскурсеш а лелош йоккху цо шена.

Петарбухахь уггаре вевза "хIусам йоцу – экскурсилелорхо" ву Раснер Василий. 67 шо ду цуьнан. Географин хьехархо вара иза цхьана хенахь. Жоьлкаша тешнабехк а бина, шен хIусамах ваьккхина иза – ворхI шо ду арахь веха. Яа-мала мехах экскурсеш а лелош йоккху цо шена.

Набахьтехь баккха 5 бутт хан тоьхна Австрехь хийистехь садоIучу зудчунний, цуьнца хиллачу боьршачу стаганий кхерамаш тийсинчу кавказхочуна. Венерчу кхеле озийна вара 24 шо долу Дагестанера орамаш долу жимстаг. Нохчийн къомах волуш санна политикан тховкIело ехна волу иза лаьцнера яханчу гуьйранна. Шеца цхьаьна кхин а масех жимстаг а волуш цо осал мотт бийцинера даханчу яьхка хийистерчу хьуьнхахь садоIуш долчу австрихойн къоначу зудчунний, боьрша стагний. Хийрачу зудчунна тIехь шена ма-хетта духар... Читать дальше...

Терго ечу камеро яьккхина видео хIоттийна YouTube хIостинге, хаам бо 360tv.ru сайто. Цу тIехь гуш ду жима кIант, машенна чу а хиина, иза йолаялийта гIерташ хилар. Жимма хан яьлча машенна тIебовду баккхийнарш, иза "ядо" гIоьртинарг сацо дагахь. Амма беран аьтто болу иза дIайолаялийта. Масийтта метр дIа а йоьдий, соцу "Волга". ТIаккха аьто болу жима кIант машенара воссо.  Уккалх хӀума а тухий, дIахоьцу иза.

"Чеченфильм" кино яккха дагахь ю Индерчу кинематографисташца цхьаьна. Цунах лаьцна хаам бина ТАСС агенталло, продюсерна Терекбаев Бесланна тIе а тевжаш. Цо дийцарехь, цу филман бюджет ю 50 миллион сом. Атор а, режиссер а ю Нохчийн Республикан Индехь векал йолу Аджикамалова Рабият. Терекбаевс билгалдаккхарехь, кино йоккхур ю Индехь а, Дагестанехь а.

Москох лаьцна Forbes журнало уггаре хьал долчу Оьрсийчуьрчу бизнесхошна юкъатоьхна волу Дагестанера миллиардер "Сумма" цIе йолчу компанийн долахо Магомедов Зиявудин. "Коммерсантъ" газето бинчу хаамца, пIераскан дийнахь Магомедов а, цуьнан белхан масийтта накъост а талламан комитете дIавигна, къоланаш дарх лаьцна толлучу гIуллакхехула леван. ФСБ-н а, экономикан кхерамазаллехула йолчу урхаллан а белхахоша талламаш дIабаьхьна миллиардеран доларчу компанешкахь. Forbes-ан версица Магомедов Зиявудин... Читать дальше...

Британин Iедалша, "Скрипалан гIуллакх" бахьана долуш, дIакъовла мегаш ю Оьрсийчоьнан Лондонехь йолу махбаран векалалла.  Цунах лаьцна хаам бина The Telegraph газето, шен хьастанашна тIе а тевжаш. Газетаца къамел динчу Iедалхоша иза "шпионийн бен" бу боху. Хьалхо Британино шайн махкара араваьккхинера Оьрсийчоьнан 23 дипломат. Цул сов Лондоно Москохца йолу юкъаметтигаш совцийна, Оьрсийчоьно вовшахтоьхна хила мега Скрипал Сергейна а, цуьнан йоIанна Юлияна а дIаьвшен тIелатар дар аьлла, шеко йолуш. Читать дальше...

«Къизаллаш лелорна дуьхьал комитето» кампани йолийна "Мемориалан" Нохчийчуьрчу декъан куьйгалхочунна Титиев Оюбана гIортор ян дагахь. Хууш ма хиллара, бакъонашларъярхо лаьцна ву наркотикаш лелорна бехке а вина. «Къизаллаш лелорна дуьхьал комитето» шен сайта тIехь зорбане даьккхина Оьрсийчоьнан президенте яздинчу кехатан масал. Луучаьрга дехар дина бакъонашларъярхоша, и кехат президентан цIарах дIадахьийтахьара аьлла.

25 шо долу Хасавюртан вахархо лаьцна Дагестанерчу полицино, пIераскана дийнахь некъайистехь карийна йоI цо йийна хила мега аьлла шеко йолуш, хаам бо "Кавказский узело". Оьрсийчоьнан чоьхьарчу гIуллакхийн министраллан Дагестанерчу урхаллан зорбанан сервисо бинчу хаамца, хетарехь, иза еран бахьана ду эмгаралла. ЙоI вуно къиза юьш яьккхина видео дIахIоттийна ю YouTube-хь. "Кавказский узело" яздарехь, Хасавюрта болх бан еана йолу 32 шо долу Нохчийчуьра яхархо йийна иза евзаш волчу стага, лулахочуьнга йист хуьлуш гина аьлла.

ХIакеран тIелетарш дарна Iамерко бехке вечу Оьрсийчоьнан вахархочо Никулин Евгенийс, бехк шена тIе ца лаьцна, Сан-Францискохь хиллачу кхелехь шега дош делча. Цунах лаьцна хаам бина Reuters агенталло. Никулин иштта реза ца хилла суьдхочо деллачу хаттаршна жоьпаш дала, ур аттал шен цIе яккха а я шен маса шо ду ала а. Шен агIор суьдхочо дIахьедар дина, хIакералла лелор могIарера зулам дац, иза Iамеркахойн кхерамазаллана а, церан долахь болчу бахамна а кхерамаш тийсар ду аьлла. РогIера кхелан кхеташо... Читать дальше...