ГIалгIайчоьнан куьйгалхочо Евкуров Юнус-Бека Нохчийчоьнца доза къасторан комиссин декъашхошца кхеташо дIахьура ю Магасехь. Цига кхайкхина бу митингехь лаьтташ болчу нехан векалш. Цунах лаьцна хаам бина ГIалгIайчоьнан куьйгалхочуьнан сайта тIехь. Кхеташо хир ю кхаарин дийнахь (ГIадужу-беттан 17-гIа де). Республикан юкъараллин векалшца цу хьокъехь барт бина шинарин дийнахь, Оьрсийчоьнан президентан векало Матовников Александра а, Оьрсийчоьнан президентан администрацин векло Ярин Андрейс а дакъа а лоцуш. Читать дальше...
Нохчийчоьнна а, ГIалгIайчоьнна а юкъахь доза билгалдоккхуш барт барна дуьхьал Магасехь дIахьочу митингехь цхьаболу декъашхой нохчашна лер ца тайна Кадыров Рамзанна. Иза гойтуш дара, "Грозный" телекомпанино гайтинчу Iедалан кхеташонехь, цо дина къамел. Нохчийчоьнан куьйгалхочо хьахийра социалан машанашкахь шуьйра яьржинчу Магасерчу акцехь яьккхинчу видео кийсагана тIехь нохчий аьшнаш беш цхьаьна жимачу зудчо дийцинарг.
«Хьунхахь эскархой бу, шу дехьа довлуьйтур дац», - бохуш, дIахьедарш до меттигерчу бахархоша. ТIеман барзакъ доьхначу наха машен сацийра Фортанга хина тIехула тесначу тIайна герга кхоччуш. Циггара йолаелла шина республикан конфликт.
ГIалгIайчоьнан куьйгалхочуьнан Евкуров Юнус-Бекан шеко кхоллаелла Amnesty International-ан белхахо Козловский Олег ГIалгIайчохь лачкъийна хилла бохучух. Цунах лаьцна хаам бо "Интерфаксо". "Нагахь ша лачкъийна а, шена йиттина а хилча, сихха ницкъаллин структурийн органашка хIунда ца хаийтина цо цунах лаьцна, цхьа кIира даллалц хIунда Iийна иза?", - билгалдаьккхина ГIалгIайчоьнан куьйгалхочо. Евкуровна хетарехь, бакъонашларъярхочо дина дIахьедар хьалххе кечдина питана хила мега, ГIалгIайчоьнан Iедалшна дуьхьал хьажийна долу. Читать дальше...
Некъахьовзам хилла Гуьмсан-кIоштахь МелчхитIехь. "Кавказ" некъа йогIучу жимачу машенна урхалла дан а ца ларина, аьчган кертах тоьхна иза 32 шо долчу жимачу стага. И бахьана долуш, цунна уллехь хиина хилла 53 шо долу зуда йийна. Чевнаш хилла волу 30 шаре ваьлла кхин цхьа некъахо охьавиллина Гуьмсерчу дарбанан хIусаме.
Доза къастош Нохчийчоьно а, ГIалгIайчоьно а бина барт болх бан болабелла. Цунах лаьцна яздина Нохчийчуьрчу парламентан куьйгалхочо Даудов Мохьмада шен социалан машанехь йолчу агIона тIехь. Гезгмашин-баттахь Кадыров Рамзана а, Евкуров Юнус-Бека а кехата тIехь барт бира, цхьайолу территореш а хуьйцуш, шина республикан доза билгалдаккхар хьокъехь. Нохчийчоьнан а, ГIалгIайчоьнан а парламенташа тIечIагIбира иза. Даудовс шен хаамехь билгалдаьккхина, доза билгалдаккхар нохчийн а, гIалгIайн а къаьмнаш декъар ца хилар.
Оьрсийчохь цIеххьана даздала мегаш ду бензин 2019-чу шеран Дечкен-беттан хьалхарчу дийнахь. Цунах лаьцна хаам бо ТАСС агенталло, Ларраран чоьно 2019-2021 шерийн бюджет хьокъехь диначу жамIана тIе а тевжаш. Цу документана тIехь дуьйцуш ду 2019-чу шеран 1-чу дийнахь дуьйна акциз 1,5-зза алсам йоккхур хиларх лаьцна. Ткъа цо хьалабаккха мегаш бу бензинан мах. Оьрсийчохь бензин даздала доладелла мехкадаьттан мехаш хьаладовлуш, ткъа сом дайлуш хиларна а.
Бохам хилла Шелковской кIоштахь. 5 шо долу бер ловзуш хилла шен ден тоьпаца. ЦIех[ьана ларамаза герз даьлла. Дендарг кхетта йоьIан коьртах, амма иза дийна дисина. ТАСС агенталло бинчу хаамца, лоьраша охьайиллина йоI клинике. Иза мухачу хьолехь ю хууш дац.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости