Петарбухарчу "Лента" гипермаркетехь цIеяларан бахьанашца 800 стаг кIелхьараваьккхина шоьтан Iуьйранна. ГIишло чохь чубоьжна тхов. ЦIеяйархоша чIагIдо, шаьш кхерам буха тоьхна, цIе кхи дIа яьржар ю аьлла, шеконаш ца йиссина. ТАСС агенталлан информацица, лазийна ши стаг дарбан цIийне вигина. Цхьаъ эцархо ву, важа гипермаркетан белхахо хилла. Тоькан серий вовшахкхетаран бахьанашца яьлла хилла туьканахь цIе аьлла агенталлан хьосташа.
Лоьмар 2 йолчу колонин белхахошна таIзар дина тутмакхийн бакъонаш хьешарна а, уьш чохь латточу чоьнашкахь къепе а, хьелаш а дохорна а, хаамбо прокуратурано. Санитаран а, цIеяла кхераман хьелаш а лардеш ца хилла, къаьсттина медицинан а, юург лелочу даъошкахь а, набахтен территореш тIехь а. Билгалдоккху, низамашца доцуш "совгIаташ дар а, таIзарш дар а" хуьлуш хилла колонехь, ца ларъеш хилла чохь бохкучийн къинхьегаман бакъонаш а аьлла ду прокуратуран дIахьедар. Оцу бехкашца набахтин 11 даржхо жоьпе озийна. Читать дальше...
ГIалгIайчуьра оппозиционераш а, жигархой а юха а митинге бовла дагахь бу. Ишта лаам бу церан акци Москох хIотто, нагахь санна, Конституцин кхело дозанаш къастор низамехь ду аьлла, сацам тIеэцахь аьлла, дIахьедина жигархоша "Кавказан узел" агенталле. Дозанаш къасторах хилла барт низамашца дац аьлла, Конституцин кхело бина сацам юхабаккха бакъо яц Москохарчу кхелан, карладоккху адвокато Трунов Игора. Хаамашкахь ма яздарра, байначу беттан 30-чохь Конституцин кхело дозанаш къасторах низам Конституцица догIуш дац аьллера. Читать дальше...
Австрин Iедалхоша Москохца шпионажалла лелийна аьлла, шайн пачхьалкхан эскаран хилла полковник бехкевеш динчу дIахьедарана дуьхьало йина Оьрсийчоьнан арахьарчу гIуллакхийн министралло. Оцу шеконаша шина пачхьалкхана юккъе херо еана аьлла хета урхаллехь. Австрин векал пIераскандийнахь тIекхайкхинера оьрсийн дипломатин векалалле. Венас цу кепара бехкбилларо "цецдаьхна" шаьш аьлла министраллехь. Австрехь пIераскандийнахь дIалаьцна 70 шо долу полковник, иза Оьрсийчоьнна болх беш хилла аьлла, шеконаш кхоллаелла. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости