Новости за 25.11.2018

Шеман Къилберчу Алеппо гIалин кIошташкахь ситуаци чIагIъелла оршотдийнахь. Британехь куп тоьхначу адамийн бакъонашна тIехь мониторинг латточу Шеман центран хаамашца, пачхьалкхан эскарша а, царна дуьхьало латточу тобанаша а вовшийн тохарш дина. Бу царлахь байинарш а, лазийнарш а. Пачхьалкхан эскарша шайн куьйгакIел латточу Алеппорчу нах бехачу хIусамашна тIе етташ хиларх хааме даьккхира меттигерчу хаамийн гIирсаша а, оьрсийн буьйранчаша а. Цара чIагIдора, 70 стагна чевнаш йина, дукхахболчаьрца дIавш даларан симптомаш ю... Читать дальше...

Нохчийн кегийчу наха а, зудабераша а кеп-кепара маларш моьлуш, забарш еш яьккхина видео дIасаяьржинчул тIаьхьа, цу тIехь хилларш полисхошна гучу а бевлла, дIалецнера. Масех дийнахь чохь а латтийна, маьршабаьхна уьш аьлла, дийцина "Кавказан узел" агенталле церан гергарчара. Нохчийчохь маларшца къийсам латтош, антиалкоголан политика ю йолийна. "Лента" супермаркетна хьалха чу-ара волург толлуш, къаьркъан шишанаш схьадохуш, ха деш бу ницкъахой аьлла, масийттазза яздира Маршо Радионо шен сайтехь. ... Читать дальше...

Терроризмна юьхьанца бехке а вина, тIаьхьа бехказа ваьккхинчу нохчочо 360 эзар евро компенсаци йоьху Полшин Iедашкара, хаамбо "Радио Полша" хьостано. Иза а, кхи цхьа кхо нохчо а бехкевира Полшано вовшахтоьхначу террорхойн ораганизацехь Шемарчу "Исламан пачхьалкх" шех олучу тобанна ахчанаш гулдеш хилла аьлла. Бехкебечара а, церан адвокаташа а царна тIехь уьш бакъхиларан кхел яр дийхира. Шаьш вовшахдетташ хилла ахчанаш Нохчийчоьнан суверенитетехьа къийсам латточарна гулдеш дара аьлла, дийцнера цара. Читать дальше...

Даим хатт лаьтта некъаш, доцу хи, тоькаца хьоьгу бала - ишта ду-кх керлачу гIишлошчуьра дахар. Коьртачу шахьарера ара а валале, Бишкекан йистошкахь лаьтта ишта сурт. Iа тIедеачхьана кхи тIе а чолхе даьлла бахархойн дахар.