Новости за 05.12.2018

Iаьржачу хIорд тIехь лаьтта конфликт ерзон Iалашонца Украинан президентца Порошенко Петрца телефонехула дийцарш дIадахьа ша дуьхьал хиларх кхетийна Оьрсийчоьнан президенто Путин Владмимира. "Цуьнан харжамийн кампанехь дакъалаца ца лаьа суна", - дIахьедина Путина, яздо "Новости" агенталло. Порошенкос хьалхо дIахаийтира, Керчан гечонехь инцидент иккхинчул тIаьхьа Путинца телефонехула къамелдан гIоьртира ша, амма цо жоп ца ло аьлла. Оьрсийчоьнан президента чIагIдарца, украинхойн цуьнан коллегас кризисе хьелаш хIиттадо... Читать дальше...

Нохчийчохь а, ГIалгIайчохь а, Дагестанехь а беха зударий "сий лардеш" байар теллина бакъонашларъярхоша. "Правовая инициатива" боламан векалша динчу зерашца, 2013-чу шарера 2017-чу шаре кхаччалц билгалъяьхначу республикашкахь гергарчара шайн куьйгашца йийна 39 зуда. Статистико гайтарца, доккхачу декъанна бойурш бу къона зудабераш, я марера цIабаьхкина зударий (юкъа-кара 20-30 шерашкара меразударий). Уггар дукха зударий байарца билгалъяьккхина талламчаша Дагестан, яздо "Комсомольская правда" газетано. Читать дальше...

Донбассера йозуш йоцуш ю аьлла дIакхайкхийначу  "ДНР-н" а, "ЛНР-н" а республикийн территореш тIехь харжамаш дIабахьарна жоьпаллехь волчу исс стагна дуьхьал санкцеш яха бартбина Европерчу пачхьалкхаша. Маршо Радион корреспонденто Йозвяк Рикарда бина и хаам. Информаци ишта тIечIагIйина Оьрсийчоьнан цхьаболчу хаамийн гIирсаша а, РБК агенталло а цхьана. Донбассерчу "республикийн" куьйгалхой къастош харжамаш дIабаьхьира байначу беттан 11-чохь. Цу дийннехь хилира парламентан харжамаш а. Дуьненаюкъарчу пачхьалкхаша а... Читать дальше...

Мисарахь вайначу пхеа ГIалгIайчуьрчу студентийн гергарчара кхааридийнахь Москохарчу пачхьалкхан векалте дехар дина, шайн нах схьалохуш гIо доьхуш. Ишта дIахIиттина пикет а дIаяьхьна цара гIишлонна хьалха, шайн кIентий схьабоьхуш. Маршо Радионо яздира, Мисарахь вайначу ГIалгIайчуьрчу пхеа студентах хаам бац, я уьш болу меттиг юьйцуш а яц аьлла, "Кавказан узел" агенталлана тIе а тевжаш. Вайначех цхьахволчун, Плиев Рамзанан йишас кхачийнера агенталле и информаци.  Оьрсийчоьнан арахьарчу гIуллакхийн министралло довзийтира... Читать дальше...

Истанбулерчу векалт чохь оппозицин журналист Хашогги Джамал веран хьокъехь СаIуда Iаьрбийчоьнан ши вахархо лаца бакъо ехна Туркойчоьнан прокуратурано. Шеконашка эцнарг ву СаIуда Iаьрбийчоьнан талламхойн урхаллан куьйгалхочун гIовс лаьттина Асири Ахьмад а, элан хилла хьехамча Ал-Кахтани СаIуд а. Хашогги вийначул тIаьхьа балхара ца вохийна и шиъ. The Washington Post газетан белхахо Хашогги Джамал вийра ГIадужу -беттан юьххьехь саIудахойн консулаллехь Истанбулехь. ТIаьххьарчу заманчохь Эр-Риядан политика емалъеш, артиклаш арахоьцура цо. Читать дальше...

Михальченко Лидия Богатырев Iисас, гIалгIайн Iали-Юьртан вахархочо, аьрзнаш до, ша а, шен доьзал а бехк-гуьнахь а доцуш хьийзабо ницкъхоша, ша аьлча, ГIалгIайчуьрчу ФСБ-н урхаллло, бохуш. 2011-чу шеран Iай Москох, Домодедово аэропортехь, ша а леш, эккхийтар динчу Евлоев Мохьмадна гIодарна бехкево талламо Iисан 30 шо кхаьчна воI Микаил. Микаила ша вац боху зуламан декъахь. Кхин массех стаг а санна, "Кавказ Имаратан" декъашхо а лоруш, лаца кхайкхийна ву иза. Оьрсийчоьнан Бехктакхаман кодексан маттахь аьлча... Читать дальше...

Нохчийчоьнан бюджетера 51 миллион сом хьажор ду Соьлжа-ГIалара мехкан куьйгалхочун Кадыров Рамзанан доларчу хIусаман территереш дIацIанъян. Iедалан цIарах оьшург эца мах кхайкхочу сайт тIехь байначу беттан 27-чу дийнахь Iорабаьккхина и хаам. Тергоне эцна и информаци "Открытые медиа" интернет-хьостано. И ахча хьажо лерина бу Соьлжа-ГIаларчу шина урамера гIишлош битаме ялон. Кадыров Рамзанан резиденци олу оцу меттигах. Кху беттан 17-чохь дIахьур йолуш ю ша аукцион. Конкурсехь тоьллачеран дезар ду оцу хIусамашчуьра кузаш цIандан а... Читать дальше...

Баиев Хьасан Нохчийчуьрчу могушаллин министраллан цIарах берийн мочхалан а, юьхьсибатан а коьртачу хирурган дарже ваьккхина. Могушаллин министраллан пресс-гIуллакххоша бо и хаам. ДегIаца а, коьртачу декъана, юьхь тIехь сакхташ долчу берашна операцеш йо цо Iамеркера цIа а вирзина. Хирурго ша доккху ахча дерриг а санна хьажадо балхахь сагIадеш - мискачу бахархошна, къаьсттина, берашна дарба леладо цо маьхза. Оьрсийчоьнан гIаланашкахула чекхволу иза чолакх кхуьучу берийн межеш дIатоеш. Тахана Нохчийчохь меттигерчу а... Читать дальше...

2013-чу шарахь Шела кIоштарчу Чири-Юьртахь ян йолийна гIишлошъяран гIирс бен индустри болх бан йолаелла. Меттигера бахархой сингаттамехь бу, экологин хьал талхарна кхоьруш и схьаелларца. "Дахначу оршотдийнахь схьайиллина Чири-Юьртахь гIишлошъяран гIирс кхуллучу еа заводах цхьаъ", - аьлла "Кавказан узел" агенталле дийцина гIишлойн, коммуналан а министраллерчу хьостано. 100 стагна белхан меттиг кхаьчна, ткъа важа кхо индустри а схьаеллахь кхин а 300 меттиг бер бу аьлла, дIахьедина агенталле министраллехь. Читать дальше...

Керчан гечонехь хиллачу инцидентехь дIалецна Украинан хIордхой дIахеца беза Оьрсийчоьно. Ца хуьлчу далахь, "тIаьхье" йолуш хир ду и гIуллакх Москохна. Вашингтонан тергонера дера долу хаттар дац иза аьлла, дIахьедина Iамеркан Цхьанатоьхначу Штатийн пачхьалкхан департаментан векало. Оьрсийчоьно "бала беза мах" Iамерко "хьалабоккхур бу" аьлла, тIетоьхна цо. Оьрсийчоьнера лаьтта тIеман кхерам уггар боккхачух бу 2014-чу шарера схьа лерича аьлла де хьалха Украинан инарла штабан куьйгалхочо Муженко Виктора. Читать дальше...

Соьлжа-ГIаларчу Грозненск кIоштан прокуроро тIечIагIдина меттигерчу яхархочунна дуьхьал айдина бехкзуламан гIуллакх Цунна бехкедуьллу баккхийчу барамашкахь наркотикаш латтор. Кху шеран аьхка Шела кIоштахь кIомалан гIаш а даьхна, уьш дакъош, кепа тоьхна хилла цо. Оперативан барамаш дIахьочу заманчохь полисхоша и зуда дIа а лоцуш, цуьнгара кIомал яьккхина. Кхело гIуллакх листинчул тIаьхьа набахтехь даккха 3 шо а, ах шо а хан тоьхна зудчунна.

15 шо хьалха ГIалгIайчохь а, Нохчийчохь дIахьочу леринчу операцешкахь вайначу 17 вахархочун гергарчарна 1, 2 миллион евро компенсаци ялар тIедожийна Европан адамийн бакъонашкахула йолчу кхело (ЕСПЧ). 2002-чу шарера 2004-чу шаре кхаччалц схьа оьрсийн эскарша дIалецначул тIаьхьа лар йоцуш байна лоруш бу и нах, документаша чIагIдарехь. Федералан Iедалша къизаллаш лелийна, адамийн дахаран бакъонаш хьешна оцу нехан, уьш дIалецарх гIуллакх нийсонца теллина а дац аьлла, сацамбина Европан кхело. ГIадужу баттахь Маршо Радионо яздира... Читать дальше...