Новости за 05.05.2019

"Одноклассники" олучу социалан машанехь къаьмнашна юкъахь гамо гIатторна бехкевинчу ГIалгIайчуьрчу вахархочунна административан гIуда тоьхна Карабулакан кIоштарчу кхело. Лингвисташа чIагIдарца, оцу социалан машанехь комментари йитина хилла вахархочо, цхьахдолчу къоме цабезам, мостагIалла карзахдоккхуш. "Ингушетия" интернет газетано бина и хаам, республикерчу чоьхьарчу гIуллакхийн пресс-гIуллакххойн информацех пайда а оьцуш. Дуьйцуш дац, мича барамехь гIуда дожийна бехкевечунна тIе. Зуламан Кодексан... Читать дальше...

Нохчийчоьнан Гуьмса кIоштарчу Ойсхарахь гIишлошъяран гIирс бухкучу  рагIойх цIеяьлла шоьтадийнахь, йохкархошна даккхий зенаш а деш. Муха летта цIе, ларамаза нисбелла бохам, йа леррина дина зулам ду, толлуш, зераш долийна талламхоша. Маршо Радионе хиллачу бохамах дуьйцучух цхьаммо дIахьедарца, кхерамзаллана оьшшучу кепехь ца хилла оцу гIишлошчохь ток лелоран, меттиг цIарх Iалашъяран хьелаш. Лазийна, велла стаг вац, хиллачу зенан хьесапаш деш бу Ойсхарара йохкаэцархой.

Оьрсийн а, Шеман а кеманаша Хаман а, Идлибан а провинцешка бомбанаш йиттина аьлла хаамбина, Лондонехь куп тоьхначу адамийн бакъонашкахула йолчу Шеман центро. Бакъонашларъярхойн информацица, байначу беттан 30-чу дийнера схьа 69 стаг ву вийнарг. Димаьшкъахь дIахьедина, жихIадхойн объекташ хIаллакъян Iалашонца дина тохарш ду аьлла. Шема пачхьалкхан SANA агенталлан хьосташа Iорадаккхарехь, деэскалацин барт исламхоша бохийна аьлла, тIейиттина ю бомбанаш. Дуьненаюкъарчу могушалла Iалашъяран организацино хаамбина... Читать дальше...

Дагестанерчу къайлахчу сервисаша кху беттан 4-чохь хаамбина, Махачкалан аэропортехь террорхо лаьцна шаьш аьлла. Урхаллан информацица, фильтрацин барамаш дIахьочу хенахь "Стамбул-Москва" догIучу кеманчохь хилла Туркойчоьно депортаци йина Дагестанерчу Ногайскан кIоштара 31 шо долу Джамалов Бийсолта. Оьрсийчоьнан федералан лехамашкахь хилла иза, "Исламан пачхьалкх" шех олучу тобанхошца уьйрашкахь хилла ву аьлла. ФСБ-н хаамца, хеттарш динчул тIаьхьа къаьстина, 2016-чу шеран гурахь дIавахна 2019 шеран... Читать дальше...