Новости за 12.05.2019

ГIалгIайчохь Несарарчу полицино кхайкхам бина меттигерчу бахархошка шайн лаамехь герз а, тIеман гIирс а схьало аьлла. Чоьхьарчу гIуллакхийн министраллан республикерчу урхалло дIахьедар дина, хIора герзана дуьхьал ахча лур ду шаьш аьлла.   Герзан мехаш тайп-тайпана бу. Уггар лакхара мах лур бу шен лаамехь танканна тухучу карахь лелочу комплекс схьаеллачун - 37 эзар 500 сом. Цул сов, ахча лур ду АГС-17 грнатаметах а, ПК а, ПКМ а пулеметех а, ткъа иштта кхечу герзах а, тIеман гIирсах а.

Москох Стигалкъекъа-беттан 9-чохь веллачу журналистан Доренко Сергей дIавуллуш хила еза церемони тIаьхьатеттина, цуьнан дакъа дIадолла дIадалар полицино дехкар бахьана долуш. Цунах лаьцна хаам бина Доренко коьрта редактор хиллачу "Говорит Москва" радионо. Болчу хаамца, кIиранан буса морган белхахошна омра делла полицино, экспертиза юха ян езаш хиларна цу стеган дакъа дIадала мегар дац аьлла. "Говорит Москва" радионо дийцарехь, и сацам бина журналистан шина йоIан Доренко Ксениян а, Екатеринин а дехарца. Читать дальше...

Нохчийчуьрчу заводера 13 миллион сом схьадоьхуш арбитражан кхеле яьлла Ростохара «Донмаслопродукт» компани, яздо «RostovGazeta» зорбанан гIирсо. И гIуллакх къастор ду суьдхоша кхушара Мангалан-беттан 4-хь. Ростохан кIоштарчу Веселый эвлахь йолу «Донмаслопродукт» комплекс ю маьлхан хӀуш тIеоьцуш а, царах даьтта доккхуш а, кхин дерг деш а. Ткъа цуьнан даьттанца оьшуш болу болх беш йолу завод ю Ростохахь.  Соьлж-ГIаларчу «Первый Хлебозавод» бепиг дон заводана 2015-чу шарахь юхалург ахча делла хилла цо 8,5 миллион сом барамехь. Читать дальше...

Нохчийчоьнан куьйгалхочо Кадыров Рамзана хастийна Оьрсийчоьнан чоьхьарчу гIуллакхийн министр Колокольцев Владимир, республикехь кхерамазалла хиларна, хаам бо "Кавказ.Реалиино". "Бархархошна а, хьешашна а дийнахь а, бусий а шаьш буьззинчу барамехь кхерамазаллехь хета. Иза иштта ду ша Оьрсийчоьнан Федерацин чоьхьарчу гIуллакхийн министр а, МВД-н берриг белхахой а бахьана долуш. Владимир Александровича куьйгалла а деш, чоьхьарчу гIуллакхийн министраллан органаш а, дакъош а Iаткъаме ницкъ а хилла дIахIиттина юкъараллин кхерамазалла а... Читать дальше...

Подмосковьехь Николо-Архангельскан кешнашкахь бомба хила мегаш йолу коьчалла ю аьлла баьхкинчу саперашна кхераме хIумма а ца карийна. ТIетесна серий а долуш, гIутакх карийнера кешнийн гIаролхочун Оьрсийчоьнан турпалхочун Богомолов Александран кошана тIехь. Говзанчаша таллам бича гучудаьлларг ду иза могIарера догIанаш а, кхин болу а гIирс чохь болу гIутакх хилар.    Полковник Богомолов "Ворон" олучу лерринчу эскархойн тобанан декъан куьйгалхо хилла вара ФСБ-н Воронежан кIоштарчу урхаллехь. Иза... Читать дальше...