Новости за 20.06.2019

Эзарнаш нах бу Тбилисехь парламентна хьалха болийначу гуламехь. Къевлина шахьаран коьрта урам – Руставелин майда. ​«Къоман Боламан» лидеро Вашадзе Григола хьалхо цхьа сахьт хан елира спикерна Кобахидзе Ираклийна, полицин министрна Гахария Георгийна, къайлахчу сервисан куьйгалхочунна Гомелаури Вахтангна даржаш дита. Протестхоша бехкбуьллу царна Оьрсийчоьнан Пачхьалкхан Думин депутат Гаврилов Сергей махка витарна а, цунна дин дийца вовшахтоьхна йолу Парламентийн Юкъара ассамблея схьаелла магорна а... Читать дальше...

ГIебарта-Балкхаройчуьрчу прокуратурехь тIебаьхьина бехк бакъ а бина, документаш кхеле хьовсийна, дов луьстур ду кеста. Бехкеечу мехкан  яхархочо (ц1е ца йовзуьйту цкъачунна) терроризмна аьтто бина ахчанца, боху талламчаша. «Динан экстремизм къобал а еш, Шемин Iаьрба Республикерчу «тIеман оппозицех» дог а лозуш, цигарчу терриристийн «Кавказ Имарат» тобанерчу декъашхочунна QIWI-бохчанехула 5000 сом дахьийтина» оцу зудчо Дечкен-беттан 30-чу дийнахь,  аьлла ду талламчийн документ. Цо дийцарехь, зудчо гIодинарг дагахь хилла оцу ахчанах герз а... Читать дальше...

6 шо хан тоьхна Бельгино даймахка юхахьажийначу нохчочунна, 93 шо долчу гIалгIайн къаночо, жигархочун Погоровн дас, хаттар дина Путине.

1999-чу шарахь Дагестанерчу тIемалошна гIоьнна яхана Басаев Шемалан тоба йохош дакъалаьцначу БотIлихерчу бахархоша арздина президенте Путине, шайна тIеман декъашхойн статус ца елла, аьлла. "Массара а лоруш волу Владимир Владимирович, тхуна цкъа а ца еъначу хьесапехь хала еъначу заманахь кхечира хьо БотIлихе.  Хьуна гира кхузахь тхан кхелхина, лазийна бIаьхой. Оха, ботIлихъхоша, лардира тхайн а, Оьрсийчоьнан а латта. Амма тхо деха тIеман декъашхойн статус а йоцуш. Оха тхайн дуьхьа ца доьху хьоьга тхаьшна иза ялар ... Читать дальше...

Нохчийчоьнан а, Дагестанан а дозанехь иккхинчу могIарерчу кхоччуш цакхетаро доккха дов даккхаза дитина. ХIун пиар-гIалаташ довлийтина, схьахетарехь, дуьххьара бакъ хиллачу кадыровхоша?

Къилбаседа ХIирийчуьрчу гуьржийн диаспоро даздина Ломисоба. "Ломиси-килс Гуьржийчохь ю. Советан Iедал доьхча, къаьмнаш пачхьалкхашка дирзича, хIирашлахь бехачу гуьржийн къаноша Балтехь керла килс йиллира, хьалха шаьш леллачу килсара кхо тIулг а беана, - дийцира "Кавказ.Реалиига" республикерчу Гергарлонийн ЦIийнан директора Кочиты Георгийс. Ломисоба – цIуй-деланийн а, керстанийн а ламастех иэделла дезде ду. Барта кхолларалло бахарехь, дукха зама хьалха гIажароша лецна, эзарнашкахь лоллехь латтош хилла тIамехь эшна гуьржий. Читать дальше...

Лаца кхайкхийна, лохуш волчу гIалгIайн жигархочун Погоров Ахьмадан  дас Сираждина хьалххе кечдина президенте дала хаттар. Путина "халкъаца къамел" дечу дийнахь, тахана, кхаьчна воккхачу стеган 93 шо а. Къаночо аьлла президенте, 30 сов гIалгIа, "хIуманна а бехке боцу нах" бу изоляторехь кхобуш, ткъа шен воI, Къонахаллин Орден лелош волу "оьзда эпсар", лаца кхайкхийна. "Хьуна хууш дуй ГIалгIайчохь дерг? Кху чохь хуьлуш дерг хIун ду? Иза хаа лаьара суна хьоьгара. Хьуна хууш дуй цунах хIумма а? ДIакхочий хьоьга я ца кхочу?"... Читать дальше...

Iамеркан Цхьаьнатоьхначу Штатийн президента Трамп Дональда бинчу хаамца, иза дагахь ву тIедогIучу кIиранах Японехь хIуттучу G-20 саммитехь Оьрсийчоьнан куьйгалхочуьнца Путин Владимирца къамел дан. "Оьрсийчоьнца барт карон лаьа суна", - аьлла Трампа ша Fox News телеканална интервьюхь луш. Хьалхо Оьрсийчоьнан президентан пресс-гоьнчас Песков Дмитрийс дIахьедира, шен дац Путинан а, Трампан а цхьаьнакхетарх лаьцна ала керла хIума. Осакерчу саммитехь хиндолу цхьаьнакхетарш дийцаредеш бен а дац, бохура цо. Читать дальше...

Къилба ХIирийчохь уггаре яккхийчех йолу "ХIирийчоьнан Цхьаалла" партин лидер гIерта шайн къоман ши мохк цхьаьнатохийта. Партин куьйгалхочо Тадтаев Алана ша дерриг а дийр ду аьлла хIирийн къам цхьаьна дахийта, хаамбо ТАСС агенталло. Кху беттан 9-чу дийнахь хиллачу харжамаша ("уьш низам а, дуьненаюкъара бакъо а, лела кепаш а талхош бу", аьлла Гуьржийчоьно) ша-шех пачхьалкх лоручу мехкан парламенте кхачийна пхи парти. 34 депутатан мандатах 14 кхаьчна "ХIирийчоьнан Цхьааллина". Харжамийн жамIашна... Читать дальше...

Ростоврчу Къилбаседа Кавказан тIеман кхело набахтехь такха 6 шо хан кхайкхийна терроризмна бехкевечу Гехаев Iелина, хаамбо "Коммерсанто". Талламо бахарехь, Гехаевс ахча а делла, Шема вахана, цигахь Асад Башаран Iедална дуьхьаллаьттачу дакъошкахь тIом бина цуьнан гергарчу стага Мусаев Iелас. Бельгино тховкIело а елла, цигахь ша вехачу юкъанна, Мусаевн дехарца, цунна 1000 доллар гергга ахча хьажийна хилла цо. Оцу бахьанийца тоьхна кхело хан.   2017-чу шеран бIаьста лецира Бельгино Интерполехула Оьрсийчоьно лоьху Гехаев Iела. Читать дальше...