Новости за 01.04.2021

ГIалгIайн жигархойн бехк зуьйш талламчаша лебинчу тешашкара дареш низамехь йоцчу кепехь даьхна -иштта ду Зазадоккху-беттан 31-чохь жоьпе ийзийначийн авдвокаташа йоьдучу кхелехь дина дIахьедарш. Цара бахарехь, таллам дIахьош низамлардечу хьукматийн белхахоша дареш даха талламчашна тIе ницкъаша балош хилла тешаш, хоуьйтуш ца хилла царна шайн статус. Цундела тешаша, шаьш цхьана зуламна бехкедарна кхоьруш, харц дареш дина хила а тарло, аьлла адвокаташа. "Тешаш Iуьйранна пхи сахьт даьлча лецна, церан гергарчарна а беш хилла ницкъ"... Читать дальше...

Ставропол- махкарчу Марьины Колодцы юьртахь кхуьуш ду ун кхеттачийн терахь. Мехкан Талламан комитетан урхаллерчу информацица, 155 стага дехна дарбан хIусамашка гIо, 11 стаг ву ротавирус а, норовирус а диагнозашца чувиллина. Ун даржаран бахьана лохуш, талламчаша зуьйш ду юьрта хи кхачочу а, дIасадоькъучу а меттигашкара хи. Хеттарш до Талламан комитетан векалша медикашка а, шайга пациенташка а. Чоьнан лазаршца нах дарбан хIусамашка бахка болийра деношкахь. Юьхьанца гучуделира 107 вахархо цомгуш хилар, бераш ду царех 78. Читать дальше...

Социалан машанашкарчу нохчийн пабликашкахь кхерамаш туьйсу Оьрсийчуьрчу яздархочунна Глуховский Дмитрийна. Бахьана ду цо сценарий язйина йолу "Топи" ("Калдаш") сериал араялар. Сюжетан цхьа дакъа ду сериалехь Эля цIе йолу нохчийн йоI гойтуш – цуьнан васт ловзош ю актриса Володчинская Софья. Цу чохь йоI йоду шена тIехьийзачу нохчочух Топи юьрта. Володчискаяс васт хIоттош йолу йоI эвхьаза гойту меттигаш ю сериалехь. Нохчийчуьрчу тIемийн тема а ю хьаеш. И дерриг а ца тайна социалан машанашкарчу нохчийн сигментех пайдаоьцучарна. Читать дальше...

"Бегашан де" тIекхочуш дуьненаюкъара Нобелан машаран преми эца хьалхатеттина Кадыров; Стамбулехь герзаца летачохь вийна нохчо. Дакъалаьцна девнехь "тутмакхийн элано" Ахмадов Хьусайна; Израиль кхера оьшуш яц "нохчийн террористех", аьлла Кадыровс

Швецин аппеляцин кхело яцйина нохчийн оппозицин блогерна Абдурахманов Тумсона тIелеттачунна гIодинчу зудчунна набахтехь такха тоьхна хан. Кавказ.Реалиин хьостано, хан тоьхна йолчу Шапиаева Эльмира уллера евзачу стага бинчу хаамца, "стаг вен гIоьрташ аьтто барна" цIе йолу бехк хийцина тIазар лахара кхачочу "бехк базлучу хьолехь тIелатар дан аьтто барна" олучу бехкаца. Оцу бахьаница кхело набахтехь такха тоьхна 8 шо охьадаьккхина 1,5 шаре. Хьалхарчу инстанцино бинчу сацамо бохура, Абдурахмановна... Читать дальше...

Оьрсийчоьнан Талламан комитето зуьйш ду Южно-Сахалинскерчу латархойн "Ахмат" клубехь кегийрхой лоьцуш ницкъхой бакъонашца совболар, боху меттигерчу прокуратурин сайто. Юьйцучу спортан клуба чулилхина хилла леринчу ницкъийн тоба, лехамаш дIабаьхьина, бераш цIенкъа дийшийна а латтош, боху "Сахалин.инфо" ресурсо. Берех цхьаьннан гергарчо тоьшалла дина ницкъхоша бераш цIенкъа дийшийна латторах а, тIаьхьо уггаре жимачарна арадовла магийна хиларх. Бераш Iадийна дара, дуьйцу шен цIе ца яьккхинчу тешо. Читать дальше...

Оьрсийчоьнан ши векал цIахьажийна шпионаж лелорах йолчу шеконца Италин Iедало. Лаьцна шайн хIордан ницкъашкара цхьа эпсар – цо вукхарех цхьаьнга дIалуш гучудаьлла къайлаха материалаш, царалахь НАТО-н документаш а долуш. Оьрсийчоьнан векале протестан нота кховдийна. Кремло шена хууш дац аьлла хиллачух дерг.

Стамбулехь Зазадоккху-беттан 31-чохь, сарахь, герзаш а детташ, вовшахлетта нах, лазийна масех нохчо, велла царех цхьаъ. Кавказ.Реалиин информацица, дов иккхина ахчан декхар бахьана долуш гуьржашний, нохчашний юкъахь, гуьржийн агIоно шайца ахча дIадеха кхайкхина хилла "Хусейн Слепой" шех олуш волу "тутмакхийн эла" Ахмадов Хьусайн а. Цхьана агIоно декхар юха цадалар телефонехула дийцинчул тIаьхьа, сарахь, чайн а молуш, юкъаметтиг къасто барт бина хилла агIонаша. Герзашца леташ вийна нохчо Iабдул-Малик... Читать дальше...

Тамбов гIалахь тIечIагIйинчу "Дуьненаюкъарчу Нобелан премин информацин центр" компанин куьйгалхочо, Оьрсийчоьнан Iаламдовзаран академин декъашхочо Тютюнник Вячеслава хаам бина, Нохчийчоьнан куьйгалхо Кадыров Рамзан хьалхатеттина Нобелан машаран преми эца, аьлла. Премин дуьненаюкъарчу центро комментари яланза ю оцу информацина. "Ас ца теттина иза хьалха, ас сайга кхаьчна информаци яржийна –норвегаша теттина иза хьалха. Бакъонашца а догIуш, хьалхатеттинарш къайла хьош хуьлу, 50 шо даьлча бен ца бовзуьйту"... Читать дальше...